Chapter 19

"Kai, get a gun inside that bag," utos ni Gio sa pinsan nito.

Kinuha ni Kaiser ang bag at mula doon ay naglabas ito ng dalawang baril. Ikinasa nito ang isa habang ang isa naman ay ibinigay kay Gio.

Hindi naman napigilan ni Katya ang panginnginig nang makakita ulit ng baril. Mukhang nagkaroon na ata siya ng trauma dahil sa nangyari ilang linggo na ang nakakaraan.

"Ren, the location?" si Kaiser sa kausap na kaibigan gamit ang earpiece na suot nito. Actually ay meron silang tig-iisa upang marinig ang mga impormasyon na sinasabi nito.

"Affirmative. Just go to the location that I've sent you."

Tumingin sa labas ng bintana si Katya. Base sa daan na tinatahak nila ay palabas na sila ng siyudad. Papunta ngayon sila sa lugar kung saan na-trace ang kinaroroonan ni Danica. Mabuti na lang at nakabukas ang GPS ng cellphone nito kaya madali lang ito na nahanap ni Ren.

"Huwag na huwag kang bababa ng sasakyan, Katya. Sinunod ko na ang gusto mo kaya ikaw naman ang sumunod sa akin ngayon," matigas ang