Chapter 45 - Condo

Chapter 44

“Goodmorning po!”

Napasulyap lahat ng nasa dining room nang pumasok si Thali at bumati ng sobrang sigla. Ang liwanag ng kanyang boses ay parang sinag ng araw na biglang pumasok sa loob ng bahay. Ang mga mata ng lahat ay lumipat sa batang may ngiting kay sarap pagmasdan.

Pati ang mga kasambahay na abala sa pagdala ng mga pagkain sa lamesa ay napasulyap kay Thali. May ilan pa sa kanila ang napangiti, dala ng inosenteng kasayahan ng bata.

“Goodmorning, our Princess!”masayang bati ni Daviah sa apo, agad itong tumayo mula sa pagkakaupo at sinalubong si Thali ng yakap.

Minsan lang magkaroon ng bata ang mansion kaya naman ngayon lang naging ganito kaingay.

Kanina ay tahimik ang paligid, halos maririnig lang ang mahinang kaluskos ng mga plato at kubyertos. Pero biglang nagkaroon ng buhay, parang may sumabog na enerhiya sa gitna ng lamesa dahil sa pagdating ni Thali. Naging mas mainit ang paligid, mas magaan, mas masigla.

Hinalikan ni Daviah sa pisngi ang lahat ng nandoon habang inu