Chapter 17

Hindi mapalis ang matamis na ngiti ni Zeke habang nakatingin kay Alora. Kasalukuyan silang magkatabing nakaluhod sa loob ng simbahan. Habang taimtim na nagdarasal ang kanyang misis ay hindi nito tinanggal ang titig nito sa kanya na para bang isang magandang tanawin.

Matapos mag-sign of the cross si Alora ay agad itong lumingon sa kanya.

"Tapos ka na magdasal?" Matamis ang ngiting iginawad nito.

"Hindi pa." Umiling pa si Zeke kasabay ng kanyang tugon.

Pinagsalikop ni Zeke ang kanyang dalawang palad at saka pumikit.

"Lord, thank you for bringing the lady kneeling beside me into my life. "

Hindi naman naiwasang mapangiti lalo ni Alora dahil sa narinig.

"Kaya lang Lord, she's still doubtful. Alam niyo po ba? Kasal kami pero parang hindi. Sana Lord, dumating na 'yong time na ma-realize niyang mahal din niya ako."

Humawak si Alora sa braso nito.

Nang magmulat ng mata si Zeke at lumingon sa kanya ay binigyan niya ito ng masuyong tingin.

"Nagpasalamat din ako sa Kanya kasi nakilala