My Stupid Wife/Student

"Ano?!!" Buong diing nasabi ni Maureen, nag ngangalit ang kanyang mga kilay kasabay ang matinding pagkuyom ng mga palad nitong nasa gilid niya. Tila niyanig ang mundo niyang tahimik.

kumurap kurap Naman si Jezra. "What?!" umiling sa Hindi pagsang ayon sa kanyang narinig.

Ito ang mga salitang sabay na naibulilas ni Maureen at Jezra ng i-anunsyo ng mga magulang nila ang kanilang engagement sa pinag sabay na birthday party ng mga ito sa buong bisita.

"This can't be happening!!" Nanggagalaiting hayag ni Jezra sa hangin. Nanlilisik ang mga mata. Ngitngit ang kaloobang nilisan ang Mansion.

Alam niyang masisira ang postura niya kapag nagtagal pa. Plano niyang kausapin na lang in private ang ina.

Hindi kasi siya yung tipo ng taong kaya gumawa ng eksena sa harap ng mga taong wala namang ambag sa buhay niya.

Si Maureen naman ay kabaliktaran nito. Mabibigat ang mga hakbang na lumapit siya agad sa kanyang ina ng bumaba ito mula sa stage.

"Ma.. Ano to??!! Anong kagaguhan to?" Nanginginig ang bibig nito sa sobrang galit.

"Mind your words, Maureen!" Salitang naging basura sa tenga niya. Sa pagkakataong ito tila Wala sa vocabulary niya Ang salitang manners dahil iyon din Naman Ang ipinagkait sa kanya ng controlling niyang ina.

"...Ma? Please... Tell me namali ako ng dinig." Nangingiyak na naibulilas niya. Huminga Siya ng malalim upang kahit paano ay kontrolin Ang emosyun at isiping Ina pa din Ang nasa harapan niya.

"You know that I have a girlfriend, diba?! Ma naman.. Ang tagal na namin ni Margaux..."

Ngunit hirap Siya sa damdaming sumisilakbo. Halos magpa padyak siya sa yamot. Wala siyang pakialam kung marinig o makita siya ng mga tao sa paligid.

Maka kuha man siya ng atensyun, maraming mata at tenga ay di niya batid. Tanging paghihingalo ng puso niya ang namumutawi sa kanyang isipan at buong sistema.

"Buo na ang desisyon ko Maureen, Anak!" Pagdidiinan nito. "..Walang maidudulot na maganda sayo ang girlfriend mo kaya hiwalayan mo na siya ngayon pa lang...." Sinubukan niyang hawakan si Maureen pero tinabig lang nito ang kamay niya.

"Tinawag niyo pa talaga akong, Anak?! Parang property lang naman ang tingin niyo sakin, Ma! At nanay ko lang po kayo. Hindi kayo o kung sino man ang may hawak ng puso ko.... pipili kung sinong dapat mahalin nito!!! Ang diyos nga binigyan tayo ng will tapos ikaw na... na tao lang tatanggalan ako?? The heck ma!!"

Halos pumutok ang litid niya sa leeg sa sobrang poot. Sumisiklab ang kalooban niya.

"Magdahan dahan ka sa pananalita, Maureen! INA MO PA DIN AKO!"

"Ano bang alam mo, Ma?? Negosyo mo lang naman ang mahalaga sayo!! At pati Ako ibinilang mo sa NEGOSYO mo!!" Dagdag pa niya.

Walang sagot na nakuha si Maureen sa huling sinabi sa kanyang ina. Akala niya'y matatamaan man lang ito maski kaunti o matatauhan.

Bagsak ang balikat niyang umalis din ng Mansion habang pinapahid ang mga luhang ayaw tumigil sa pagragasa.

Samut saring emosyon ngayon ang laman ng kanyang dibdib. Mukhang sinagad na siya ng kanyang ina.