Hindi lamang pagpapagamot ni nanay ang sinagot ni Sir Arman maging ang mga gastusin namin sa mga araw na hindi ako makakapagtrabaho ay inako niya.
"Sir, ipinapabigay po ni nanay. Maraming salamat po talaga."
Ipinagluto ni nanay ng adobong pusit si Sir Arman bago siya pumunta sa ospital.
Ngumiti siya at malugod na kinuha ang paper bag na naglalaman ng tupperware kung nasaan ang pagkain.
"Hindi na dapat kayo nag-abala pa."
Sa ilang linggo ko siyang nakilala ay masasabi kong napakabait niya. Nasabi niya rin sa amin na marami talaga siyang tinutulungan na tao kaya huwag dapat kaming mahiya sa tulong na ibinibigay niya.
"Naku Sir, kulang na kulang pa nga po iyan sa dami ng itinulong ninyo sa amin. Tingnan n'yo nga po pati itong bahay ay mula rin sainyo."
Nang makita niya ang sitwasyon namin sa squatter's area ay hindi na siya nagdalawang-isip pa'ng bigyan kami ng mas maayos na tahanan. Tinanggap ko na dahil mas malapit ito sa ospital. Kung may hindi magandang mangyari kay nanay ay mabilis ko siyang maisusugod. Maliit lamang iyon katulad ng hiniling ko.
"Sapat na sa akin na hindi mo na ako tatawaging 'sir'. Bawi ka na kapag Arman na lang ang itinawag mo sa akin."
Nawala ang ngiti sa aking labi dahil sa kan'yang sinabi. Hindi ba't mukhang nakakawalang galang naman kung pangalan na lamang ang itatawag ko sa kan'ya?
Malaki ang agwat ng aming mga edad kaya nararapat lamang na magbigay galang pa din ako sa kan'ya.
Sa huli ay tinawag ko siya sa kan'yang pangalan katulad ng gusto niya.
Nang gumaling na ang aking paa ay nagsimula na akong manilbihan sa hacienda ni Arman. Nais niyang pag-aralin ako, tinanggap ko iyon kapalit nang pagtatrabaho ko sa hacienda.
Hindi ngayon ang panahon para tumanggi ako sa grasya. Alam kong masyado ko nang inaabuso ang kabaitan niya kaya nga naghahanap ako ng paraan upang makabawi sa mga tulong na ibinibigay niya kahit sa maliit na paraan.
"Sandra I have maids to do the chores. Samahan mo na lang ako sa opisina."
Ang natatangi ko na lamang na problema ay hindi niya ako pinapayagan na gumawa ng mga gawain sa hacienda. Palagi niya akong isinasama sa maliit niyang opisina. Ayos lang sana kung mayroon akong ginagawa doon subalit wala.
Labis na nga akong nangunguna sa lecture ng professor namin sa kolehiyo dahil wala akong ibang ginagawa sa kan'yang opisina kun'di ang mag-aral.
Ganoon lumipas ang mga araw ko. Lubos kong nakilala si Arman. Totoong mabait siya hindi lamang sa akin, maging sa mga empleyado niya.
"Ano 'to?" tanong ko nang inabutan niya ako ng isang paper bag pagkapasok ko sa magara niyang kotse.
Hatid at sundo niya ako sa bahay at paaralan. Si nanay naman ay ipinapasundo niya sa kan'yang driver kapag magpupunta ito sa ospital.
"Open it." Kaswal niyang sabi.
Binuksan ko ito at ganoon na lamang ang pagtataka ko nang makita ang isang box na naglalaman ng isang mamahaling cellphone.
Tiningnan ko siya. Malaki ang ngiti niya sa kan'yang labi tila natutuwa sa bagay na hawak ko.
"Para kanino ito?"
Mahina siyang tumawa kahit wala naman nakakatawa sa aking tanong.
Kinurot niya ang aking ilong at sinabing, "I love your innocence. That's yours."
Nang mga nakaraang araw ay nagiging clingy na siya sa akin at kung ano-ano ng mga regalo ang ibinibigay niya. Hindi lamang basta-bastang mga regalo kun'di mga mamahaling bagay.
Katulad ngayon ay palagi ko itong tinatanggihan subalit bumubusangot siya o 'di kaya'y magagalit kaya wala akong pagpipilian kun'di ang tanggapin ito.
"Attorney, saan po ba tayo pupunta?" Kasama ko ngayon si Attorney Sheldon, ang kaibigan at abogado ni Arman. Sinundo niya ako sa eskwelahan at kanina pa siya tila alangan sa akin.
"Sandra, may gusto ka ba kay Arman?" Muntik na akong masamid sa sariling laway dahil sa kan'yang tanong. Kailanman ay hindi ko nakikita si Arman sa romantikong paraan. Bukod sa bata pa ako at wala iyon sa aking bokabularyo ay hindi ang kagaya niya ang tipo ko.
"Wala. Parang kuya na ang turing ko sa kan'ya katulad mo attorney. Bakit mo naitanong?"
Marahas siyang bumuntong hininga bago nag-park sa tapat ng isang kilalang restaurant.
"Nasa loob si Arman hinihintay ka." Pinasadahan kong muli nang tingin ang restaurant. Glass wall ang paligid nito kung kaya't kitang-kita ko si Arman sa gitna. Nakaupo siya sa pandalawahang lamesa. Gabi na kaya napakagandang tingnan ng ilaw mula sa loob. Walang ibang tao dito kun'di siya. Malakas ang kutob kong binayaran niya ang buong restaurant para sa gabing ito.
"Just be honest around him Sandra. Huwag ka sanang masilaw sa yaman," huling sabi sa akin ni Attorney Sheldon bago ako lumabas ng kotse.
Hindi ko alam pero bigla akong nakaramdam ng kaba habang papalapit ako sa lamesa kung nasaan si Arman.
Nakasuot siya ng three-piece suit at pormal na nakahagod ang buhok. Tumayo siya at inalalayan akong makaupo sa kan'yang harapan. Inabutan niya ako ng isang pulonpon ng bulaklak.
In-order niya ang halos lahat ng pagkain na gusto ko subalit wala akong ganang kumain. Kinakabahan ako sa paraan ng pagtrato niya sa akin ngayon. Madalas na siyang sweet pero hindi ko iyon binibigyan ng kahit anumang malisya.
Ang gabing ito ay naiiba. Sa mga sinabi sa akin ni Attorney Sheldon kanina ay tila nagkakaroon na ako ng ideya kung bakit ako inimbitahan ni Arman sa isang romantikong dinner ngayong gabi.
"Sandra, I know that we're eighteen years apart, pero naniniwala akong when it comes to love, age never matters at all."
Hinawakan niya ang aking kamay at dinala sa kan'yang mga labi bago masuyong hinagkan.
"I like you Cassandra."
"Cassandra, ipinapasabi nga pala ni Sir Arman na mayroon nang ibang titira sa bahay na tinutuluyan n'yo ngayon. Kailangan n'yo na raw umalis." Dalawang linggo na simula nang umamin si Arman sa tunay niyang nararamdaman para sa akin. At simula nang gabing iyon ay nag-iba na ang kan'yang pagtrato. Mabait at malaaga siya. Sa katunayan nga ay palaging hinihiling ng mga trabahador sa hacienda na makapangasawa na siya upang mayroon nang mag-aalaga sa kan'ya. Alam kong hindi ako iyon. Katulad nang sinabi ko kay Attorney Sheldon, nakakatandang kapatid lamang ang turing ko kay Arman. Siya ang nagligtas sa akin sa hindi magandang kinabukasan na naghihintay sa akin sa club. Isang bagay na dapat ang aking ama ang gumagawa. Napatigil ako sa pagpupunas ng mga desk sa munti nilang opisina dahil sa sinabi ng sekretarya ni Arman. Hindi na kami nagkakausap dahil hindi na rin niya ako sinusundo o hinahatid patungong hacienda. Malaki ang pagba
Kapag mahirap ka, wala ng halaga ang salitang 'pride'.Nakapagsayaw na ako sa club suot ang seksing damit. Marami na ang nakakita ng aking balat malapit sa maselan na bahagi ng katawan at nahaplos na din ako ng ilang kalalakihan. Para saan pa ang hiyang nararamdaman ko ngayong kaharap ko si Arman.Ganoon naman talaga kapag walang-wala ka na, hindi ba? Mapipilitan kang kapalan ang iyong mukha para makakuha ng tulong mula sa iba."Angie! Hindi ba't sabi ko 'wag kang magpapapasok ng kahit sino?" Napangiwi ang sekretarya ni Arman dahil sa pagsita nito.Mariin akong hinawakan ni Angie upang palabasin sa opisina, subalit katulad kanina ay nagmatigas ako.Kailangan ko siyang pakiusapan na ipagpatuloy ang pagpapagamot kay nanay, kahit iyon man lang."Arman, ang sabi ng doktor ay itinigil na raw ang pagpapagamot ng nanay, bakit? 'Di ba nangako ka na sasagutin mo ang gastusin sa gamot ng aking ina?" Alam kong iniisip ni Angie na napakawalang-hiy
"Anak, ano ba'ng kapalit ng mga ito?"Tama nga sila, mabilis makaramdam ang isang ina kung mayroon man mali sa kanilang anak.Nakatira na kami ni nanay sa mas malaki at maayos na tirahan. Wala na rin akong problema sa pag-aaral dahil bayad na ang tuition fee ko sa susunod na sem at ang tangi ko na lamang gagawin ay pumasok. Mayroon na ulit laman ang aking atm bilang panggastos namin sa pang-araw-araw.Higit sa lahat, tuloy na tuloy na ulit ang gamutan ni nanay.Lahat ng iyon ay dahil nobya na ako ni Arman."Kapalit? Naku 'nay hindi ba pwede na matulungin lang talaga si Arman? Kapag po nakapagtapos na ako ay sa hacienda na ako magtatrabaho bilang pasasalamat natin sa kan'ya. Isa pa, hindi lang naman po tayo ang tinutulungan niya, marami pa po."Nilapitan ko si nanay at inakbayan. Natutuwa akong unti-unti nang bumabalik ang kan'yang lakas at sa tuwing nakikita ko siyang bumubuti ang kalagayan ay hindi na ako nagsisisi sa aking desi
"Mr. Morales offered me a businesss proposal. Nais niyang magpatayo ng pagawaan ng tsokolate sa bakanteng lote sa hacienda."Sa paglipas ng mga buwan, pakiramdam ko ay magkasing-edad na rin kami ni Arman. Mas lalo siyang naging bukas sa pagkwekwento sa akin ng tungkol sa negosyo na para bang alam na alam ko ang kan'yang mga sinasabi at isa rin akong negosyante katulad niya."Tinanggap mo ba?" Natutuwa akong kahit nasa first year college pa lang ako ay marami na akong natutunan sa aktwal na pagpapatakbo ng isang negosyo."No. My priority now is to expand the cacao plantation. Mr. Morales pledged to cover 50% of the construction cost. Mas gugustuhin ko pa'ng bumili ng mga lupain upang pagtaniman kaysa ipagawa ng pabrika. Bukod dito, kakailangan ng maraming cacao para sa paggawa ng tsokolate which means magbabawas ng kliyente upang sumapat ang supply ng cacao. We need to let go of loyal investors para sa isang pabrika na wala
"Happy 18th birthday my baby!" malambing na bulong sa akin ni Arman nang siya na ang huling magsasayaw sa akin sa gabing ito.Sa kabila nang pagtutol ko para sa engrandeng selebrasyon sa aking debut ay sinorpresa pa rin ako ni Arman at ng kan'yang mga empleyado at tauhan. Alam kong kompirmasyon na rin ito na mayroon kaming relasyon kaya't hindi maalis sa aking isipan na bigyan ng kahulugan ang kanilang mga tingin.Tila ba sa gabing ito ay si Arman lamang ang bukod tanging tunay na masaya. Ngumingiti man ako habang isinasayaw niya sa saliw ng romantikong awitin ay puno naman ng pag-aalangan ang aking puso ngayon, sapagkat narito ang aking ina.Kaninang umaga ay nauna na kaming dalawa na mag-celebrate ng aking kaarawan. Ipinagluto niya ako ng paborito kong pagkain kahit pa mahina na ang kan'yang pakiramdam.Hindi maganda ang reaksyon ng katawan ng aking ina sa chemotheraphy kung kaya't napilitan kaming itigil ito. Dahilan upang tuluyan na siyang manghina at
Bumalik ang aking ama sa araw ng burol ng aking ina. Tinanggap ko siya pagkatapos niyang humingi ng tawad sa aming dalawa. Alam kong ito rin ang nais ni nanay, na magkaroon ako nang makakasama ngayong wala na siya. Labis na kalungkutan ang dumalaw sa akin pagkatapos ng libing. Pumapasok pa rin ako sa klase dahil gusto ng aking ina na makapagtapos ako. Nalaman kong ang pera pala na ibinibigay ko sa kan'ya ay itinago niya at inipon. Plano kong gamitin iyon para sa maliit na negosyo. Kailangan ko nang kumawala kay Arman. Wala nang saysay ang pakikipagrelasyon ko sa kan'ya. Wala na ang aking ina. "Thanks God, nakipagkita ka na rin sa akin. I've been calling you pero hindi mo sinasagot. Ang sabi ng tatay mo ay nagkukulong ka raw sa kwarto. Why is he even there? Hindi mo na dapat siya tinanggap." Pinuntahan ko siya sa hacienda upang sana'y makipag-usap pero dinala niya ako sa paborito niyang restaurant. Tiniklop ko
Isang magaspang na haplos sa kamay ko ang gumising sa akin. Nakita ko ang nag-aalalang mukha ni tatay na nakaupo sa tabi ng kamang hinihigaan ko habang hawak ang aking kamay.Ngumiti siya at tila nataranta nang makitang gising na ako. Dali-dali siyang lumabas upang tumawag ng doktor.Inilibot ko ang aking paningin sa isang hindi pamilyar na kwarto. Sigurado akong hindi ito sa bahay o sa hacienda. Naramdaman ko ang bagay na nasa aking ilong, oxygen, at swero sa kamay ko. Nasa ospital ako.Huli kong naaalala ang pakikipaghiwalay ko kay Arman na nagresulta sa pagtatalo.Bigla akong nakaramdam ng pagkahilo sa pag-iisip kung ano ang sumunod na mga nangyari nang bumukas ang pinto at pumasok ng isang doktor.Sinuri niya ako at tinanong ng ilang mga bagay.Dalawang araw na pala akong walang malay. Naaksidente kami ni Arman, kaya pala masakit ang aking katawan dahil nagtamo ako ng mga pasa."Laking pasasalamat ko na hindi malubha ang sinapit m
Tinanggihan ko ang pamana ni Arman. Tama si Veronica, kung mayroon man na dapat magmana ng mga naiwang yaman ni Arman ay siya iyon dahil siya ang kadugo at hindi ako. Ayoko na sa huling sandali ay tatanggap ako ng yaman mula sa kan'ya. Hindi ako ang nararapat na humawak ng Hacienda Miraflor dahil wala naman ako sa panahon na binubuo pa lamang ito ng kan'yang ama. Hindi ako bahagi ng hacienda kaya hindi ko lubos maisip na nagawang ipamana sa akin ni Arman ang lahat ng kan'yang ari-arian. Ako na bata pa at walang karanasan sa pagpapatakbo ng isang negosyo. "Sandra, you need to accept it." Nang isang linggo pa ako hinihikayat ni Attorney Sheldon na tanggapin ang pamana ni Arman pero mariin ang pagtanggi ko. Akala ko ba'y ayaw niya sa akin dahil ako ang sinisisi niya sa pagkamatay ng kaibigan niya? Pero bakit narito siya sa aking harapan at nagtatiyagang makiusap sa akin. "Hindi ba't kapag tinanggap ko iyan ay para ko na din pinatuna