Maggie
MATULIN NA lumipas ang mga araw, linggo at buwan. Sumama na si ate Mikay kay kuya Austin sa Manila. Pero pabalik balik sila dito sa Isabela para asikasuhin ang kanilang kasal. Dito kasi nila gustong ikasal at syempre isa ako sa abay. Yun nga lang minsan kapag uuwi sila ate Mikay at kuya Austin dito ay kasama nila si manong Dan na malakas mangasar. Nasisira tuloy ang araw ko. Tapos madalas pa syang kampihan ni tatay. Sobrang close na nga nila ni tatay. Pati si nanay close na rin nya. Apakafeeling talaga. Ibang iba sya kay kuya Ace na sobrang bait sa akin.Gaya ngayon, nandito na naman sya sa bahay. Kasama sya nila ate Mikay at kuya Austin umuwi. Kakwentuhan nya si tatay sa harap ng tindahan. Tuwang tuwa pa nga si tatay sa kwento nya eh. Binibida nya yung mga karanasan nya noong nagti-training sya sa pagsusundalo. Pinasok daw kasi sya ng lolo nya dahil pangarap daw nito na maging sundalo sya. Si tatay naman all ears sa pakikinig sa kanya dahil pangarap din nito magsundalo dati. Pero hindi lang natuloy dahil nakilala nito si nanay at ayaw ni nanay ng sundalong asawa."Nung nalaman nga ng general na hindi na ako tutuloy sa pagsusundalo nanghinayang sya."Huu bangkero.Napanguso ako habang ngumunguya ng tsitsirya. Nakasandal ako sa hamba ng pinto habang pasimpleng nakikinig sa kwentuhan nila. Wala akong pasok ngayon kaya pakain kain lang ako. "O bakit nakanguso ka dyan?"Nilingon ko si kuya Austin na nasa gilid ko na pala. Nakangisi sya sa akin."Bangkero yang kaibigan mo kuya, nagtraining daw sya sa pagsusundalo dati." Sabi ko sa tonong tila nagsusumbong.Natawa naman sya. "Totoo naman yun. Dalawang taon din syang nagtraining.""Talaga? Hindi halata sa kanya ah. Mukha nga syang walang alam kundi kumain, magpapogi at magpalaki ng katawan eh."Lalo pang natawa si kuya Austin sa sinabi ko. "Dan is a well respected businessman. Mukha lang syang happy go lucky pero matinik yan sa pagnenegosyo at isa ding haciendero sa Bicol.""Ah." Usal ko. Bigatin pala tong si manong. Hmph! Eh ano naman? Nakakainis pa rin sya! Muli akong napanguso."Bakit sumama sya sa inyo ni ate dito kuya? Hindi ba sya busy? Kasi sabi mo negosyante sya.""Ewan ko dyan, mukhang nagustuhan nya yata itong probinsya nyo. Ang alam ko may balak syang magtayo ng negosyo dito. Bakit ayaw mo bang pumupunta sya dito."Sumimangot ako. "Ang lakas nya kasi mang asar minsan eh. Nakakainis!" Sabi ko.Ngumisi naman si kuya Austin. "Naku-cute-an lang yan sa'yo."Mas lalo lang akong sumimangot habang sinisimot ang mumog ng cheeze it."Pero kung gusto mo para makabawi ka sa pang aasar nya, asarin mo rin." Nakangising dagdag ni kuya Austin sabay kindat.Ngumuso naman ako. "Papagalitan lang ako ni tatay.""Eh di simplehan mo lang." Aniya at marahan akong tinapik sa ulo. "Sige akyat na muna ako sa taas baka gising na ang ate mo hanapin ako." Paalam nya.Tinanguan ko naman sya.Makapagsaing na nga lang.Nilamukos ko ang balat ng tsitsirya na wala ng laman. Umalis na ako sa harap ng pinto at tumungo sa kusina para magpaningas na ng kahoy at makapagsaing na. Para pagdating ni nanay ay ulam na lang ang lulutuin. Sumaglit kasi sya sa pamilihan para bumili ng ulam. Malamang dito rin kakain si manong. Hmph! May kalaban na naman ako sa lamesa. Ano kayang ulam ang lulutuin ni nanay?APAT NA LANG kaming naiwan sa hapag kainan. Si tatay, si nanay, ako at si manong. Si ate Mikay kasi at kuya Austin ay nauna ng umakyat sa kwarto ni ate. Nagsuka kasi si ate eh. Nasa kapanahunan na kasi sya ng paglilihi sabi ni nanay. Halata na nga rin ang umbok na tiyan nya."Alam mo Cora, nakakatuwa tong si Dan. Muntik na pala itong magsundalo." Pagbibida ni tatay kay manong. Napataas kilay na lang ako."Talaga?" Tanong naman ni nanay."Opo Aling Cora, hindi lang ako natuloy dahil namatay ang mga magulang ko sa aksidente at kailangan kong patakbuhin ang mga negosyong naiwan nila." Natatawang sabi ni manong Dan sa pagitan ng pagsubo ng pagkain.Binaba ko naman ang kilay ko. Kawawa naman pala sya. Ulila na."Sayang no, kundi namatay ang mga magulang mo sundalo ka na panigurado." Sabi ni tatay."Malamang po Mang Berting.""Naku ito ngang si Berting pangarap din noong magsundalo noong hindi pa kaminagkakilala. Pero noong nanligaw at nalaman ko yun ay binasted ko na. Ayokong magkanobyo o magkaasawa ng sundalo. Mahirap. Araw araw kang mag aalala. Hayun hindi na nya tinuloy ang pangarap nyang pagsusundalo. Pinili nya ako kesa sa pangarap nya. Sana lang ay hindi sya nagsisisi." Mala MMK na kwento ni nanay."Aba'y syempre hindi. Kung tinuloy ko ang pangarap ko eh di hindi kita naging asawa. Wala akong anak na dalawang maganda." Sabi naman ni tatay."Dalawang maganda? Eh si Mika lang po ang nakikita kong maganda." Sabat ni manong na ngingisi ngisi pang sumulyap sa akin.Napadiin tuloy ang kagat ko sa pobreng ulo ng piniritong galunggong habang matalim na tumingin sa kanya."Grabe ka sa bunso ko. Aba, maganda din yang si Margarette ko kahit medyo malusog. Marami ngang nagtatangkang manligaw dyan eh natatakot lang dahil iitakin ko sila. Hindi pa pwedeng ligawan ang bunso ko may gatas pa yan sa labi." Ani tatay.Nagtaas noo ako kay manong, feeling proud dahil sa sinabi ni tatay. May mga gusto naman talagang manligaw sa akin. Ang iba nga ay nagpapaalam pa kay nanay at tatay. Hindi lang natutuloy dahil pinagbawalan sila ni tatay dahil bata pa raw ako."Maraming manliligaw huh."Dinig kong bubulong bulong na sabi ni manong."Maganda kasi ako." Usal ko sa kanya at pasimpleng dumila."Tama si Mang Berting, hindi ka pa dapat magpaligaw dahil bata ka pa. Pag aaral muna ang atupagin mo." Bida-bidang sabi ni manong.Pasimpleng iningusan ko sya. "Alam ko po yun manong." Sabi ko at diniinan ang salitang manong na ikinangiwi nya. Imbes na tawagin ko syang kuya ay manong na lang. Pang asar sa kanya."Eh bakit kayo manong hindi pa nag aasawa e matanda na kayo?" Dagdag ko pa at diniinan ang salitang matanda.Napaihit sya ng ubo. "Uhuk! Hindi pa ako matanda, thirty two pa lang ako." "Matanda na nga!" Halos sabay pa naming sabi ni tatay. Tumawa pa si tatay habang ako ay ngising ngisi.Nawala naman ang ngisi ni manong.Nakitawa na rin si nanay. "O wag nyo nang pagtulungan si Dan, baka hindi pa dumarating ang babae para sa kanya.""Bata pa naman po ako Aling Cora, Mang Berting." Sabi na lang ni manong na bahagya na ring nakanguso habang pinapapak ang pritong galunggong."Noong kapanahunan namin, nasa edad bente pa lang kami pinagtutulakan na kami ng mga magulang naming mag asawa." Sabi ni nanay."Pero may panahon pa naman para makahanap ng babaeng para sa kanya itong si Dan. Baka nga may nakita na. Sa gwapo ba naman nitong batang to, aba'y malamang maraming babae ang magkakandarapa. Yung nga lang mga kapitbahay nating mga dalaga at kahit may asawa na ay parang mga naiihi kapag nakikita itong si Dan." Ani tatay.Napataas kilay na lang ako sa mga sinabi ni tatay. Puring puri nya talaga si manong. Kulang na lang ampunin na nya ito eh.Nag angat ako ng tingin kay manong na nasa harap ko. Nakatingin sya sa akin at ngumisi sabay kindat. Lalong tumaas ang kilay ko at nginusuan sya sabay irap.Ganito ang simpleng asaran namin minsan. Pero minsan pikon na pikon ako sa kanya eh. Pero minsan naman mabait sya sa akin. Gaya ng isang beses nya akong tinulungan sa homework ko ng maabutan nya akong gumagawa nito. Yun nga lang mas madalas malakas syang mang asar kesa sa mabait sa akin. Pakiramdam ko nga sumasama lang sya kanila ate at kuya Austin pauwi dito para lang bwisitin ako. Pero ang sabi ni kuya Austin ay may pinaplano daw syang negosyo dito sa probinsya namin.Nagkibit balikat na lang ako at tinuloy ang pagkain habang pasimpleng nakikipag asaran sa kanya sa pamamagitan ng tingin.*****Maggie ARAW NGAYON NG kasal ni ate Mikay at kuya Austin. At talaga nga namang bongga ang lahat. Mula dito sa lumang simbahan ng bayan na namumutiktik sa bulaklak at sa reception sa bahay. Syempre ang pinaka gusto ko sa lahat ay maraming iba't ibang klase ng pagkain. Marami akong nakitang mga pagkain kanina na sa social media ko lang nakikita at hindi pa natitikman. Di bale mamaya, magiging laman na sila ng tiyan ko. Ang alam ko tatlong catering services ang kinuha galing pa ng Maynila at talagang bongga at sosyal ang pagkakaayos sa reception. Sinakop ba naman ang katabing malawak na lupain namin. Maraming mga bisita ang dumating. Karamihan ay taga Maynila, mga kamag anak at kaibigan ni kuya Austin. Halatang mga sosyal at mayayaman. Bumuntong hininga ako at inimpis ang naiipit na tiyan sa suot kong green na dress na hanggang sakong at hapit sa katawan ko. Dapat pala hindi ako kumain kanina. Napanguso ako at hinimas himas ang tiyan."O anak, bakit nanghahaba na ang nguso mo dyan. Wag
MaggieTUMAWA NG malakas si kuya Ace. Ako naman ay napakunot ang noo sa sinabi ni manong. Hanudaw? Tatanggalin nya sa kumpanya nya si kuya Ian kapag nanligaw sa akin at sinagot ko. Narinig ko namang mahina syang napamura. "Sobrang strict naman ni manong Dan." Natatawa pang sabi ni kuya Ace. "Shut up Ace!" Asik ni manong kay kuya Ace na kunwari namang zinipper ang bibig. "I'm serious, kapag nanligaw yang lalaking yan sa'yo at sinagot mo tatanggalin ko yan sa kumpanya." Pagbabala nya ulit sa akin. "Bata ka pa, hindi ka pa pwedeng magpaligaw naiintindihan mo?" Dagdag pa nya sa istriktong tono. Seryosong seryoso ang mukha nya.Nagugulumihanang nakatingin lang ako sa kanya. Tumikhim naman si kuya Ace. "Makinig ka kay manong Dan Maggie kung ayaw mong mapalo sa pwet." Tiningnan ni manong si kuya Ace ng masama na ikinatahimik ulit nya. Kagat kagat nya ang labi at may naglalarong ngiti.Akmang sasagot ako ng marinig ko ang pagtawag sa akin ni nanay na nasa kabilang lamesa kasama si tat
MaggieMATULIN NA lumipas ang panahon. Nakapanganak na si ate Mikay at isang taon na ang anak nilang babae ni kuya Austin na si baby Adelline. Ako naman ay nasa unang taon na ng kolehiyo sa kursong entrepreneurship at dito na ako sa Maynila nag aaral. Pinag aaral ako ni kuya Austin. Syempre grab the opportunity na. Bihira lang ang ganitong pagkakataon na may magpapaaral ng libre.Sinukbit ko ang backpack sa likod at nagmamadaling bumaba ng hagdan. Hawak ko sa isang kamay ang folder na naglalaman ng report. Sinilip ko ang oras sa suot kong relo. Pasado alas syete na ng umaga. Alas otso pa naman mag uumpisa ang klase. "Morning ma'am Magz!" Magiliw na bati sa akin ni ate Jing. Isa sa mga kasambahay dito sa bahay. Kasalukuyan syang nagba-vacuum. "Morning din ate Jing." Ganting bati ko. Ka-close ko ang tatlong kasambahay dito. Mababait din naman kasi sila at gaya namin ni ate Mikay ay laking hirap din sila."Ingat sa byahe at galingan mo sa school." Pahabol na sabi pa ni ate Jing. "Opo
Maggie AKMANG TATAWAGIN ko si manong ng biglang umusad ang jeep na sinasakyan ko. Kaya tinanaw ko na lang ng tingin ang kotseng itim na lulan nito at ng babae. Kelan ko ba sya huling nakita? Noong kasal yata ni ate Mikay. Pagkatapos nun ay wala na akong balita sa kanya, hindi na rin sya sumasama kanila ate Mikay at kuya Austin paguwi sa probinsya. Hinahanap nga sya ni tatay at nanay pero sobrang busy daw sya sa mga negosyo nya ayon kay kuya Austin. Pero mukhang hindi lang sya sa mga negosyo nya busy kundi pati sa girlfriend nya. Hmp! Pakelam ko ba? Inalis ko na sa isip ko si manong at ang jowa nya. Inaliw ko na lang ang mga mata ko sa mga nakikita ko sa labas ng bintana ng jeep. Pagpasok ko ng bahay ay naabutan ko si ate Mikay at baby Adelline sa sala na naglalaro. Ng makita ako ni baby Adelline ay agad nitong binitawan ang hawak na laruan at tumakbong lumapit sa akin. "Tata!" Salubong nya sa akin sabay taas ng dalawang braso. Pero imbes na buhatin ay lumayo ako. Kagagaling ko la
Maggie BAHAGYANG NAPAAWANG ang labi ko habang nakatingalang nakatingin din kay manong Dan na nakatayo sa harapan ko. Ilang dangkal lang ang pagitan namin. Naaamoy ko ang gamit nyang pabango na masarap sa ilong. Mahigit isang taon ko na rin syang hindi nakikita. Alam kong gwapo na sya noon pero parang mas gumuwapo pa sya ngayon sa kabila ng edad nya. Mapupungay ang mga matang kulay tsokolate na mangasulngasul kapag tinatamaan ng liwanag, malalantik na pilik mata, matangos na ilong na parang sa banyaga, manipis na labi na mamula mula, medyo pangahan na binagayan pa ng balbas at bigote nyang patubo. Alam ko magkasing edad lang sila ni kuya Austin eh."Bakit nandito ka?" Kunot noong tanong nya na di pa rin inaalis ang tingin sa akin. Napakunot noo na rin ako sa tanong nya. "Dito ako nakatira." Sagot ko "Yeah.. Pero.. kelan ka pa nandito?" Tanong uli nya na parang hindi talaga makapaniwala na nandito ako. "Matagal na. Ilang buwan na." Lalong nangunot ang noo ko sa tanong at reaksyon n
MAGGIENAPATANGA AKO sa sinabi ni manong. Sinusundo daw nya ako. "Bakit mo ko sinusundo? Asan si manong Sitong?" Nakataas ang kilay na tanong ko. Kung may magsusundo man sa akin ay si manong Sitong dapat yun. Ang driver ni kuya Austin."Wala sya. May ginagawa kaya ako na ang susundo sa'yo." Pormal na sabi nya. Kahit nakasuot pa ng itim na itim na shades ay ramdam ko ang init ng tingin nya sa akin. Ano na naman kaya ang trip nya at bigla akong sinundo? O baka naman inutusan sya ni kuya Austin."Inutusan ka ba ni kuya Austin na sunduin ako?" Tanong ko.Kumamot sya sa ulo. "Oo, baka daw kasi gabihin ka." Tiningnan ko naman ang suot na relo. Pasado alas singko na nga ng hapon. Bumuntong hininga ako at hinarap si Lili at Kokoy. Si Lili ay parang namatanda na titig na titig kay manong. Siniko ko sya. "Mauna na ako sa inyong dalawa." Paalam ko sa kanila. Tumango naman si Kokoy at kumaway pa. Si Lili naman ay kumaway din sa akin bagama't hindi pa rin inaalis ang tingin kay manong. Napaili
DANPASIPOL SIPOL ako habang binabasa ang proposal na binigay ni Austin sa akin. Nandito ako sa office nya para personal na pag usapan ang pinaplano naming collaboration sa bagong project ng kumpanya ko. "Mukhang good mood na good ka ngayon ah." Untag ni Austin sa akin.Ngumisi ako. "Maganda lang ang gising ko." Ngumisi din sya. "Yung hitsura mo para kang nakarating sa ikapitong langit kagabi." Natawa ako sa sinabi nya. Ganun ba ang hitsura ko ngayon? Maganda lang talaga ang mood ko pagkagising ko kahit medyo kulang sa tulog. "Sya nga pala pare, nagpaalam sa amin ni Mika si Maggie. Mamamasyal daw kayo sa linggo." Nag angat ako ng tingin sa kanya pero mabilis din nagbaba ng tingin ng masalubong ko ang matiim nyang mata. "Oo, sinabi nya kasing hindi pa sya gaanong nakakapamasyal dito sa Manila. Marami daw syang gustong puntahan eh wala naman daw syang kasama. Nahihiya naman daw syang mangistorbo sa inyong mag asawa. Eh naawa naman ako kaya nagpresinta na akong samahan syang mamasy
MAGGIEANG LAKAS ng kalabog ng dibdib ko. Sinundan ko ng tingin ang asong papalayo."Ano ba yan manong? Muntik na tayong makasagasa ng aso. Hindi ka kasi tumitingin sa kalsada eh." Sermon ko kay manong. "Bakit ako? Ikaw yung nagtatanong sa akin dyan na tingnan ko yung labi mo kung masyadong mapula eh." Angal nya. "Eh ang bagal mong sumagot eh, nakatitig ka lang." "Tsk!" Palatak nya at hindi na nagsalita. Pinausad na nya ang sasakyan. Tinatahak na namin ngayon ang malawak na kalsada ng metro manila. "Bakit ba kasi naglalagay ka pa ng ganyan?" Biglang tanong nya pagkatapos ng ilang minutong katahimikan. Ngumuso ako. "Syempre para maganda ako." "Hindi mo na kailangan ng ganyan dahil maganda ka na." Natigilan ako sa sinabi nya. Hindi ako makapaniwala na sinabihan nya akong maganda. Baka inuuto lang nya ako. Ngumuso ako. "Weh di nga? Sabi mo noong una tayong nagkita sa bahay pangit ako." Lumingon sya sa akin at ngumisi. "Nagbibiro lang ako nun." Tinaasan ko sya ng kilay. "Talaga