Chapter 11

Nakahiga siya ngayon at dilat na dilat ang mga mata. Hating gabi na pero hindi pa rin siya inaantok, hanggang ngayon kasi ay hindi pa rin siya makapaniwala sa nangyayari at sa nalaman.

"Oyy. " Kalabit ng lalaki sa kanya pero hindi niya pinansin. Dapat ay magkahiwalay na silang matulog pero hindi niya alam kung bakit nandito ito ngayon sa kwarto niya.

"Sabi mo 'di ka magagalit, pero bakit ngayon di ka namamansin?" Patagilid na humiga siya at tinalikuran ito. Naiinis siya dito. Alam pala nito ang lahat, kaya pala siya isinama sa manila at lalo na sa pag-aalaga sa kanya.

"Yayakapin kita, wag kang magalit." Napangiti na lang siya nang maramdaman niya ang kamay nito na yumakap sa katawan niya. Ganon lang kadali, nawala na kaagad ang tampo niya sa binata.

"Kanina pa ako dito, hindi mo ko pinapansin." Ungot nito. Hindi niya na natiis at humarap na siya sa binata.

"Bakit ka nandito? lumabas kana, makita pa tayo dito ni ti-- ni mama. " Hanggang ngayon ay naiilang pa rin siyang tawaging mama an