CHAPTER 45: Sa Gitna ng Laban at Tukso

Ramdam ko pa rin ang bigat ng bawat halik niya sa labi ko, parang marka na hindi basta-basta mabubura. Nakatayo kami sa loob ng opisina niya, nakasandal ako sa malamig na dingding habang hawak niya ang bewang ko, mahigpit… parang ayaw niya akong pakawalan.

“Dominic… tama na,” mahina pero nanginginig kong sabi, pilit na itinutulak siya. Pero imbes na bumitaw, mas lalo pa niyang nilapit ang katawan niya sa akin, at ang init ng hininga niya ay parang apoy na sumusunog sa manipis kong balat.

“Alam mong hindi ko ‘to titigilan, Cassandra,” mababa at madiin niyang bulong, halos dumampi ang labi niya sa tainga ko. “Kahit pa magwala ka. Kahit pa magmakaawa ka.”

Napapikit ako, sinusubukang pigilan ang sarili na tuluyang bumigay. Pero paano… kung bawat haplos niya ay hinuhubog ulit ang katawan ko para maging kanya?

“May asawa ka na,” pilit kong paalala, kahit alam naming pareho na iyon ay isang linya lang na matagal nang nabura sa pagitan naming dalawa.

“May asawa nga ako…” ngumisi siya nang map