Kabanata 19.2: Frustration

Nakita niya ang pagbuhos ng luha sa mga mata ni Tallulah habang bakas ang sakit at labis na lungkot sa mukha nito pero wala na siyang makitang awa o kaunting simpatiya para sa dalaga dahil sa galit niya.

Sinubukan nitong hawakan siya pero marahas niyang piniksi ang kamay nito. "Hindi kita pakakasalan, Tallulah dahil hindi kita mahal. Alam mo kung ano'ng nararamdaman ko sa iyo? Pagkamuhi! Galit at poot na hindi mo na matatanggal pa kahit lumuhod ka sa harap ko. Hindi ko makakalimutan ang lahat ng ginawa mo na naging dahilan ng pagkasira ng lahat!" sigaw niya rito. Halos lumabas na ang mga ugat sa leeg niya dahil sa galit.

Tumalikod siya at akmang hahakbang palabas ng bahay nang yakapin siya ni Tallulah mula sa kaniyang likod. Nakagat niya ang pang-ibabang labi at marahas na inalis ang mga braso nito sa katawan niya.

"Nagkamali ka ng lalaking minahal, Tallulah dahil wala kang mararamdamang pagmamahal mula sa akin. Poot at galit ko ang ipapadama ko sa iyo!" Kahit pa paano'y nakontrol pa