"SIR, I already prepared your clothes here," ani Tallulah habang nakaupo lang si Gael sa sofa, sa loob ng silid nito. Matapos nang nangyari kanina, hindi na rin ito umimik na tila nagpipigil lang sa sarili nito. Nahihiya siyang tumungo. "Sir, gusto niyo po bang samahan ko na kayo sa banyo?" lakas-loob niyang tanong dahil alam niya ang kalagayan ng binata. Mahihirapan ito at baka madulas pa ito sa loob ng bathroom. Mabuti kung nandoon siya para mabantayan ito.Gulat na bumaling ito sa kaniya. Kumunot ang noo ni Gael. "What? Are you crazy?" Suminghap ito. "You don't need help me, kaya ko ang sarili ko," kapagkuwa'y seryoso nitong sabi. Umiwas ulit ito ng tingin sa kaniya. "Hindi pa ba dumarating si Mommy?" tanong pa nito."Hindi pa po, Sir sabi po ni Ate Mary baka mamayang gabi pa raw ang uwi ni Madam," sagot niya."Sige na, umalis ka na sa harap ko. Kaya ko na ang sarili ko," pagtataboy nito."Pero, Sir baka po mapaano kayo kung hindi ko—""Damn, Tali! Gaano ba katigas ang ulo mo, huh?
NIYAKAP NI Tallulah ang sarili niya nang umihip ang malamig na hangin habang nasa sala siya ng bahay at nakaharap sa bintana. Napakurap siya at yumuko nang bumagsak ang luha sa kaniyang nga mata. Hindi pa rin mawala sa isip niya ang nangyari sa kanila ni Gael sa bathroom. Pakiramdam niya'y tinapakan nito ang pagkatao niya dahil mababa ang tingin nito sa kaniya. Natatakot man siya na baka kilala na siya nito, alam niyang walang magbabago sa pakikitungo nito sa kaniya."Tali? Why are you still awake?"Agad niyang pinahid ang luha sa pisngi niya. Wala pang alam ang mga magulang niya tungkol sa muli nilang pagkikita ni Gael.Naramdaman niya si Caroline sa tabi niya. Kumunot ang noo nito.Humarap siya sa kaniyang ina pero agad ding umiwas. "O-ok lang po ako, Mom hindi lang ako makatulog kaya lumabas muna ako," dahilan niya.Hindi agad sumagot si Caroline habang sinusuri siya. Kilala siya nito at alam nito kung nagsasabi siya ng totoo o hindi."Hindi ka magaling nagsinungalin, Tali at alam
TAHIMIK na nakaupo si Gael sa sofa ng silid niya. Kanina pa siyang tahimik dahil sa maraming bagay na gumugulo sa kaniya. Kahit pilit niyang itaboy ang nangyari sa kanila ni Tallulah sa bathroom, hindi ito mawala sa isip niya. Maraming alaala nang nakaraan ang nagbalik at muling nagpabuhay ng galit at poot sa puso niya. May bagong damdamin na hindi niya alam kung saan nagmula. "Sigurado ka na ba sa gusto mong gawin, Sir Gael?" Napapitlag siya nang marinig ang boses ni Hiro na alam niyang nasa harap niya ngayon. Sa loob ng ilang araw na bumalik siya sa Pilipinas, sinubukan niyang kabisaduhin ang lugar na kinaroroonan niya para magawa niyang makapa ang bawat hakbang niya. Sa pitong taon na pagkawala ng kaniyang paningin, natutunan niya kung paano iakma ang sarili sa kinaroroonan niya dahil ayaw niyang umasa sa mga taong nasa paligid niya sapagkat hindi niya alam kung kanino dapat magtiwala. Kumurap siya. Kapagkuwa'y sumilay ang ngisi sa mga labi niya. "This is what she deserves, Hiro.
BUMUNTONG-HININGA si Tallulah matapos niyang ayusin ang mga gamit sa silid kung saan siya mananatili habang nandoon sa mansyon ng mga Lopez. Nasa business meeting kasi ang ina ni Gael at nakiusap itong doon muna siya habang hindi ito umuuwi. Gusto niyang tumanggi dahil hindi siya sanay na malayo kay Callum pero wala na rin siyang nagawa dahil alam din niyang kailangan siya ni Gael.Ngumuso siya at sumimangot. Kanina pa siyang nagtataka sa kakaibang kilos ni Gael sa kaniya. Hindi kasi niya narinig na sinigawan siya nito sa buong araw at hinayaan nitong tulungan niya ito sa tuwing may kailangan ang binata."Hindi kaya nadapa si Kuya Gael at bumagsak ang ulo kaya bumait siya?" nagtataka niyang tanong. "He was strange today." Kapagkuwa'y bumuga na lang siya ng hangin dahil wala naman siyang makuhang sagot mula sa sarili. Ok na rin siguro iyon kaysa lagi silang mag-away pero imbis na makapante siya, mas kinakabahan siya."This would be the most exciting part and you should prepare yourself
"I MISS you, Anak!" Nakangiting sabi ni Tallulah habang kausap niya sa cellphone sa pamamagitan ng video call ang anak niyang si Callum habang nasa terrace siya ng mansyon. Wala pang isang araw na nalalayo ito pero labis na niyang nami-miss ang bata. Hindi kasi siya sanay na malayo ito sa kaniya."Mama kailan po kayo uuwi? Sabi po ni Tito Kendric, hindi pa raw po kayo uuwi bukas," malungkot na sabi ni Callum.Ngumiti siya na may bahid ng lungkot. "I'm sorry, Anak pero hindi pa makakauwi si Mama bukas dahil sa trabaho pero hayaan mo, kapag nakauwi ako, babawi ako, ok ba 'yon? Kakain tayo sa labas with Kendric," aniya para kahit pa paano'y i-comfort ang anak.Ngumiti si Callum. "Talaga po, Mama? Tatandaan ko po ang sinabi ninyo," masayang sabi nito.Hindi niya maiwasang hindi malungkot. Yumuko siya at umiwas sa camera para hindi nito makita ang lungkot sa mga mata niya. Hanggang kailan sila magiging masaya? Paano kung malaman ni Gael ang tungkol sa anak nila at dahil sa galit nito ay ku
"A-ANO'NG ginagawa niyo rito?" kinakabahang tanong ni Tallulah nang makarating siya sa sala at nadatnan doon si Kendric at Callum. Imbis na pananabik ang bumakas sa kaniyang mukha, napuno iyon ng pagkabahala at kaba. Paano kung makita ni Kendric si Gael? Hindi nito pwedeng malaman na si Gael ang inaalagaan niya. Ayaw niyang magalit ang binata.Ngumiti si Kendric pero tila may kakaiba roon. Bahagya itong yumuko. "I'm sorry, Talu kung hindi ako nakapagsabi na pupunta kami rito. Nakiusap sa akin ang anak mo na puntahan ka at hindi ko naman kayang tiisin si Callum," sagot nito. Kita niya sa mga mata nito ang kakaibang emosyon doon na pilit nitong tinatago. Napakiling siya at bahagyang yumuko. Kinagat niya ang pang-ibabang labi. Pakiramdam niya'y lalabas na sa dibdib niya ang kaniyang puso dahil sa mabilis niyong tibok. Lumapit siya sa mga ito. "N-no, hindi mo kailangang mag-sorry, Kendric mabuti rin na dinala mo rito si Callum dahil nami-miss ko na siya." Nilapitan niya ang kaniyang ana
TAHIMIK na bumaba ng sala si Tallulah habang nagpapahinga si Gael sa silid nito. Kahit gusto niyang batukan ang binata dahil sa pagsusungit nito, hindi niya magawa dahil boss niya pa rin ito."Hello, Ate Jo, Ate Mary," bati niya sa dalawang katulong na nasa kusina. Abala naman sa paglilinis sa labas ang dalawa pang katulong.Ngumiti ang mga ito. "Kung nandito ka para tumulong sa amin, hindi mo na kailangang gawin, Tali kaya na namin 'to," agad na ani Jo sa kaniya.Napakamot siya sa noo dahil mukhang nahulaan na ng mga ito ang gagawin niya. "Siya nga pala, Tali hindi ba't anak mo 'yong dumating kahapon?" usisa ni Mary sa kaniya.Sumeryoso ang mukha niya at dahan-dahan tumango. "O-opo.""Ang gwapo naman pala ng asawa mo, eh," tila kinikilig na ani naman Jo.Alangan siyang ngumiti. "Naku po! Hindi ko pa po asawa si Kendric, boyfriend ko pa lang po siya," paliwanag niya."Ganoon ba? Pero alam mo, Tali ang cute ng anak mo. Naalala ko sa kaniya si Sir Gael no'ng bata pa siya kasi ganoong-ga
"MAMA!" puno ng pananabik at sayang salubong ni Callum kay Tallulah nang makapasok siya sa bahay Pasado-alas otso na ng gabi pero hinintay pa rin siya nito dahil alam nitong uuwi na siya. Sinalubong niya ito ng mahigpit na yakap na puno ng pagkasabik at pagmamahal."I miss you so much, 'nak!" Pumikit siya para damhin ang yakap ng anak. "Kumusta ka na? Hindi ka ba nagpasaway sa Lolo at Lola mo?" tanong niya matapos itong yakapin.Magiliw itong tumango. "Mabait naman po ako sadya kay Lolo at Lola, eh," confident nitong tugon.Natawa siya. Marahan niyang ginulo ang buhok nito. "Very good naman ang Callum ko, mukhang binata na talaga," pagbibiro niya.Ngumuso ito. "Bata pa ako, 'Ma kaya nga po gusto ko pang maglaro, eh," katuwiran nito. "Saka ayaw ko pa po, 'Ma maging binata kasi naririnig ko po sa inyo at nakikita ko kung gaano kahirap maging isang adult. Gusto ko pong i-enjoy ang pagiging bata ko," masayang anito.Kumunot ang noo niya. Sa murang edad ito, naisip na nito ang mga bagay na