Kabanata 2

Nang dumating ang umaga, binati ni Elias si Adele sa karaniwan niyang halik.

“Addie, nakaligtaan ko ang wedding anniversary natin kahapon. Hayaan mo akong bumawi ngayon, okay?”

“Punta tayo sa amusement park. Hindi ba't sabi mo gusto mong pumunta doon noon?”

Walang interes si Adele at tatanggi na sana, pero inihahanda na ni Elias ang lahat nang hindi man lang hinihintay ang sagot niya. Naghanda na ito ng isusuot niya.

Sa amusement park, pinapanood nito ang bawat ang galaw niya. Sa oras na tumikom ang labi niya, ilalapit nito ang tubig sa kaniyang bibig. Kapag nagtagal ang tingin niya sa stuffed toy mang ilang segundo, agad niya itong bibilhin.

Carousel rides, bumper cars, ang Ferris wheel—walang pakialam si Elias kung gaano ka-isip bata ang aktibidad. Basta masaya siya rito, masigla siyang nakikisama.

Mahigpit ang hawak niya sa kamay nito, halos hindi bumitaw. Kahit na sinusubukan niyang kumawala, mas humihigpit lang ang hawak niya sa kamay nito, para bang natatakot siya na mawala ito.

Dumating sa punto na nagtali siya ng lobo sa bag ni Adele at tumawa. “Sa ganitong paraan, Addie, hindi ka na mawawala.”

Hindi mawawala…

Pero ang lugar na pupuntahan niya ay isang lugar na hindi siya kailaman mahahanap nito.

“Elias, matagal na akong nawala sa’yo,” Gusto itong sabihin sa kaniya ni Adele.

Ang hindi maitatanggi nilang chemistry at kaakit-akit na mga itsura ay umagaw ng atensyon ng ibang bisita. Hindi nagtagal nang magsimula ang bulungan at may nagturo sa kanila.

“Tingnan nito! Hindi ba't si Mr. Sterling at Mrs. Sterling ‘yon? Hindi ako makapaniwala na makikita ko sila sa personal! Ang lambing nila sa isa't isa!”

Masiglang gumalaw ang babae, halos tumalon-talon ang kaniyang paa habang hawak ang braso ng kaniyang boyfriend at hinila siya papunta kay Adele.

“Um… pwede ba kami magpa-picture sa inyo? Fan na fan niyo kami! Kayo ang paborito naming couple!”

Nang makita ang masiglang ekspresyon ng babae, hindi kaya ni Adele na tumanggi at tumango na lang.

Hindi mahilig si Elias na kumuha ng litrato pero handa siyang makisama kay Adele.

Tumunog ang camera at ngumiti sa saya ang couple. “Napaka perpekto niyong couple. Sobrang naiinggit kami. Please maging masaya kayo habambuhay!”

Ngumiti si Elias at magalang na tumango. Hindi niya napansin na tahimik lang na nakatayo sa gilid si Adele habang walang sinasabi. Siya lang ang nakakaalam ng katotohanan—walang “habambuhay” na naghihintay sa kanila.

Sa kanilang lunch break, patuloy na nakatingin si Elias sa kaniyang phone. Sa tuwing makikita niya ang tingin ni Adele, agad siyang humihingi ng tawad gamit ang mahinahon at malambing na tono.

“Addie, pasensya na. May trabaho ako na kailangan asikasuhin agad. Kumain ka na muna. Pangako babawi ako sa'yo mamaya, okay?”

Pero biglang, may imahe ng mamahalin na castle ang makikita sa kaniyang phone screen.

Hindi siya nagtatrabaho. Nanonood siya ng livestream.

Pilyo na ngumiti si Adele habang tahimik na binubuksan ang livestream sa sarili niyang cellphone.

Si Evelyn 'yon, isang hindi gaanong kilalang internet influencer na kamakailan lang ay pumirma sa ilalim ng kumpanya ni Elias. Hindi lang siya pumasok dito, ginawa pa siyang mukha ng "Adele," ang jewelry line na sinasabing alay ni Elias sa kanyang asawa.

Lahat ay nag-iisip kung paano nakakuha si Evelyn ng biglang pagkakataon sa mga mataas na posisyon. May mga usap-usapan na baka may malakas na tao na tumutulong sa kanya.

Tama sila. Ang tao na ‘yon ay si Elias. Sa oras na ‘yon, nakatayo si Evelyn sa entrance ng amusement park, naka-livestream sa kaniyang manonood. Mayabang niyang hawak ang kaniyang phone, nagyayabang sa mga viewers.

"Tingnan niyo, guys! Itong amusement park na 'to ay regalo ng boyfriend ko. Sabihin niyo lang ang pangalan ko para makakuha ng discount pag bumisita kayo. Tara, mag-enjoy tayo!"

Nang hawakan ni Adele ang cellphone niya, bigla itong naging sobrang lamig. Lalong tumigas ang hawak niya habang parang may malamig na hangin na dumaloy sa mga ugat niya.

“Itong amusement park… na pinagdalhan niya sa akin… ay regalo para sa kaniya?” iniisip ni Adele.

Puno ng pagtataka ang comment section ng livestream.

“Huwag ka na mag-sinungaling. Paanong ang maliit na influencer na tulad mo ay kayang bumili ng palaruan ng mga bilyonaryo?”

“Gusto lang niya makakuha ng atensyon. Nang walang patunay, kahit sino ay kayang tumayo sa harap ng park at sabihin na kanila ito.”

“Baliw ka na kung iniisip mo na maniniwala kami rito. May ideya ka ba kung ilang bilyon ang kailangan para magkaroon ng ganiyang lugar?”

…

Kinagat ni Evelyn ang labi niya, mukhang na-agrabyado. “Hindi ako nagsisinungaling! Tingnan niyo, hindi ba't nandito ang pangalan ko?”

Kinuha niya ang property deed mula sa kaniyang bag, itinutok niya ito sa camera. Malinaw pa sa araw, nakasulat mga ang pangalan niya sa black and white na dokumento.

Agad na naging maingay ang livestream, puno ng komento habang gulat at hindi makapaniwala ang reaksyon ng mga manonood.

“Binabawi ko na. Hindi pa ako nakakita nang ganiyang makapangyarihan na tao sa buhay ko.”

“Isang buong amusement park bilang regalo? Kakaibang pag-spoil na ‘to! Tatapat na ‘to sa pagmamahal ni Mr. Sterling para kay Mrs. Sterling!”

"Sabi nila, makikita mo ang pagmamahal ng isang lalaki kung saan napupunta ang pera niya. Bakit kaya hindi ako makatagpo ng ganitong perfect na lalaki?"

"Eh kasi, dalawa lang ang perfect na lalaki sa mundo: si Mr. Sterling, at yung misteryosong boyfriend ni Evelyn. So, sino sa tingin mo ang mas nagmamahal sa partner nila? Ang devotion ni Sterling kay Mrs. Sterling o yung pagmamahal ng boyfriend ni Evelyn sa kanya? I-press ang 1 para kay Mr. Sterling, 2 para kay Evelyn’s boyfriend!"

Ang comment section ay napuno ng mga "1". Syempre, kilala ang pagmamahal ni Elias kay Adele—hindi lang pera ang ginugol niya, halos buhay niya ay inalay niya para sa kanya.

Bigla na lang lumabas ang bagong account na "LovesEvelyn" at agad nagpadala ng 10,000 na luxury virtual gifts sa livestream ni Evelyn. Kumislap ang screen ng mga makulay na animation, kaya’t nagulat ang mga nanood.

Dahil sa flood ng mga gifts, tumaas ang bilang ng mga viewers sa livestream ni Evelyn mula sa daan-daang libo, naging mahigit sampung milyon!

Biglang, isang malaking mensahe ang lumabas sa screen: “Syempre, mas mahal ko si Evelyn.”

Agad na nagkagulo sa livestream.

“Dumating na ang boyfriend! Sobrang yaman! Napakayaman!”

“Kakaiba ito! Sobrang nakakagulat!”

Ngumiti si Evelyn na may mayabang na saya, puno ng kayabangan ang mata niya. “Nakita niyo na? Sinabi ko na sa inyo na mahal ako ng boyfriend ko.”

Nanginig ang kamay ni Adele habang hawak ang kaniyang phone. Nang tumingin siya ay naabutan niya ang bahagyang ngiti ni Elias, hindi maikakaila ang masayang mata niya.

Siya si “LovesEvelyn.”

Parang hiniwa ang puso niya, at ang sakit ay nanatili kahit matagal na nang binitiwan siya ng kamay na nagdulot nito.