Chapter 19

A day before Christmas.

Abalang-abala ang aking mga magulang sa pagluluto ng handa para sa pasko nang biglang tumunog ang aming doorbell. Suot-suot ko pa ang apron na nadungisan na ng mga sauce sa kusina. Tinakbo ko ang distansya mula sa kusina hanggang sa tanggapan ng aming bahay, at doon, nakita kong nakatayo sa aking harapan ang nakangiting Ate Miranda at Kuya Ash.

Sumigaw lang ako upang ipaalam sa mga magulang ko na nandito na ang aming pinakahihintay na bisita. Hindi ko rin magawang mayakap ang aking kuya dahil sobrang dumi ko nga at nag do-doble ingat din ako dahil maselan ang pagbubuntis ni Ate Miranda.

“Ang ganda mo talaga kahit kailan, Asheia!” pagpuri pa ni Ate at kinurot ang aking pisngi. Sa sobrang diin no'n ay halos maiyak na ako, kung hindi pa siya sinuway ni Kuya, baka nagkasugat na itong pisngi ko. “Sorry! Ang cute mo kasi! Sarap mong kurutin!”

Nagtungo ulit ako sa kusina at kumuha ng meryenda para sa kanilang dalawa. May naihanda na rin kasi kaming mga pagkain, kung