CHAPTER 3

ELLE’S POV

Gaya ng sinabi niya, kumain muna kami ng breakfast at siya ang nagluto. In fairness, masarap siya… I mean yung luto masarap.

“See napadami ang kain mo kasi pagod ka.”

Ito na naman siya sa pang-aasar na yan! Nakakainis! Natawa siya sa naging reaksyon ko. Bigla naman tumunog ang phone ko kaya kinuha ko ito sa sling bag ko at halos manlaki ang aking mata ng makita ang caller ID, si Faith.

Shit! Bakit hindi ko agad naalala na may uuwian pa pala akong kaibigan? Nawala sa isip ko! Iniwan ko pala sila kagabi sa bar! Baka nag-aalala na sila. Huminga ako ng malalim saka sinagot ang tawag. Agad ko itong nilayo sa tainga ko ng marinig ko ang sigaw ni Faith sa kabilang linya.

“Gosh! Buti sinagot mo pa! Nasaan ka ba ha?! Bakit hindi ka umuwi kagabi? Bakit mo kami iniwan sa bar? Sino ang kasama mo? Anong address yan?! Siraulo ka ba?! Hoy magsalita ka! Naging pipi kana yata dyan!”

Sunod-sunod niyang tanong. So paano ako makapagsalita eh para na siyang nagra-rap dyan. Hindi ako makasingit sa pagsasalita. Kinabahan naman ako kasi alam ko kagabi pa ito nag-aalala sa akin.

“Chill, Faith. Pauwi na ako. Huwag ka mag-alala. Naligaw lang ako kagabi kaya ko kayo naiwan sa bar.” Nakita ko ang pasimpleng pagtawa ni Ethan kaya masama ko siyang tiningnan at inirapan.

“Mabuti kung ganun! Umuwi kana at marami kang ike-kwento sa akin!” Saad niya saka ako binabaan ng cellphone. Patay! Galit nga siya. Napahawak ako sa sintido ko kasi grabe magalit ang isang iyon.

“Naligaw ka pala kagabi? Kaya pala pagod na pagod ka.”

Ito na naman siya nang-aasar! Hindi ko nalang siya pinansin at kinuha ko ang sling bag ko saka tumayo at tumingin sa kanya. Tumayo din siya.

“Uuwi na ako.”

“Hatid na kita.”

Prisinta niya pero umiling ako.

“No need! Just open the door.”

Wala na nga siyang nagawa kundi buksan ang p***o. Taray niya, may remote yung p***o ng unit niya. Hindi madaling makapasok ang kung sino. Once pinindot niya ang lock, walang sino man ang makakabukas nun gamit ang doorknob or keycard.

Nagmadali na akong makalabas ng hotel dahil bawat minutong lumilipas, mas magagalit si Faith sa akin. Pumara ako ng taxi at hindi rin nagtagal ang nakarating na ako sa apartment namin ni Faith. Magkasama kasi kami sa iisang apartment, since first year college. Habang si Megan naman ay hindi pinayagan ng parents niya, si Keira naman sa bahay din nila nag-stay kaya kaming dalawa lang ni Faith ang magkasama.

Huminga ako ng malalim bago buksan ang doorknob, at nakita ko si Faith nakaupo sa couch at seryoso na nakatingin sa akin. Ngumiti ako sa kanya at dahan-dahan na lumapit saka umupo sa couch.

“So saan ka napadpad ha? Anong nangyari sayo? May nangyari ba sa inyo? Anong pangalan?”

Pati sa personal, sunod-sunod ang tanong niya. Nakakakaba naman ito. Paano ko sasabihin sa kanya na hindi na ako virgin? Magagalit kaya siya? Aystt! Bahala na nga.

“Sorry. Sa sobrang kalasingan ko kasi sumama ako sa isang lalaki at-”

Hindi na niya ako pinatapos magsalita.

“May nangyari sa inyong dalawa at hindi kana virgin, tama ba ako?”

Dahan-dahan akong tumango, hindi ko magawang tumingin sa kanya kasi baka galit siya pero kailangan ko makita ang reaction niya. Seryoso pa rin siya na nakatingin sa akin kaya mahigpit kong hinawakan ang sling bag ko. Napabuntong-hininga siya at hinawakan ang kamay ko

“Kilala mo ba yun? Paano kung may mabuo dyan? Gumamit ba kayo ng proteksyon? Tandaan mo, graduating na tayo at four months na lang ang hinihintay para sa diploma, Elle.”

Bigla akong kinabahan sa sinabi niya. Siguro naman ay walang mabubo diba? Sana wala. Sana gumamit siya ng proteksyon kasi kung hindi, di ko alam ano ang gagawin ko. Magagalit ang pamilya ko pag nangyari yun.

“I don’t know, Faith.”

Wala sa sarili kong sagot.

“Hayst! Sinamahan sana kita kagabi mag CR.”

Saad ni Faith na mukhang sinisisi pa yata ang sarili. Mabilis ko din na hinawakan ang kamay niya.

“Wala kang kasalanan. Ako ang may kasalanan dito, Faith. Sana nga walang mabuo kasi ayaw ko na din siya makita. Kasi nakakainis siya!”

Bigla na naman nabuhay ang inis sa katawan ko lalo na kapag lagi niya akong inaasar tungkol sa nangyari sa amin kagabi. Nakita ko naman na maliit ang mga mata ni Faith na nakatingin sa akin.

“It looks like you two had a good bonding last night, huh?”

Nanlaki ang mga mata ko sa sinabi ni Faith.

“Hoy! Hindi ah! Kinikilabutan nga ako kapag naaalala ko yung nangyari kagabi sa amin.”

Bigla naman tumawa si Faith dahilan para tumingin ako sa kanya ng masama. Kanina lang ay galit na galit siya tas ngayon tumatawa na.

“So rate his performance. 1-10.”

Sabay tawa ng babae, nakakainis na nga kanina tapos dito din sa apartment. Magsama sila pero kung sasagutin ko ang tanong ng kaibigan ko, hmm. 10 siguro kasi di ko maipagkakaila na magaling siya, madiin at ramdam mo yung gigip niya pero hindi! Ayaw ko na ulit maalala ang nangyari.

“Ewan ko sayo, Faith!”

Asar na sabi ko at iniwan siya sa sala habang tawa pa rin ng tawa. Tumawa ka mag-isa mo, basta ako matutulog. Inaantok pa ako kaya pabagsak akong humiga sa kama ko at pinikit ang aking mga mata pero…

“I’ll be gentle.”

Bigla nalang sumagi sa isip ko ang salitang yan, tila nakadikit na sa tainga ko ang malambing niyang boses habang sinasabi ang linya na yan. Naalala ko na naman kung paano ako humalinghing habang pinaparamdam niya ang langit sa akin kagabi. Yung uhaw na mga halik, at init ng katawan namin. Bigla nalang akong kinilabutan doon.

Pinilit kong matulog ngunit hindi ako dinadalaw ng antok. Nakakainis kasi laging sumasagi sa isip ko yung lalaking yun. Kaya naligo na lamang ako atsaka lumabas ng kwarto ko. Wala si Faith sa sala, siguro ay nasa kwarto o di kaya lumabas kaya napagpasyahan ko na lang na bumalik sa kwarto upang humiga kasi pagod na pagod ang katawan ko. Inihiga ko ang katawan sa kama at sa ilang ikot-ikot ay dinapuan din ako ng antok.

Nagising nalang ako ng marinig ko ang boses ng mga kaibigan ko sa sala, ingay ba naman nila lalo na si Keira at Megan mukhang nagtatalo na naman sila. Ganyan ang dalawang yan na para bang aso’t-pusa pero normal lang talaga sa kanila yan. Sanay na kami sa kanila.

Lumabas na ako ng kwarto at nadatnan ko sila na kumakain at nanonood ng romance movie. Lumapit ako at tumabi kay Megan, nagulat pa nga sila sa pagdating ko kasi napunta sa akin ang atensyon ng lahat.

“Buti nakauwi ka pa ng buhay teh?” Mapang-asar na tanong ni Keira, kumuha naman ako ng sandwich at kinagat ito.

“Muntik na nga ako na hindi makauwi eh, nakakatakot kasi yung uuwian ko.” Pagpaparinig ko kay Faith, tumingin naman ng masama ang kaibigan ko kaya natawa ako.

“Aba buti naman at alam mo.” Sagot ni Faith habang umiiling

“So ano masarap ba ang first time? Trust me hindi mo yan makakalimutan, papasok at papasok yan sa isip mo.”

Sambit ni Megan, binato naman siya ni Faith ng unan. Napanguso naman si Megan dahil natamaan siya sa mukha.

“Ginagaya mo pa yan sayo, Megan!” Asik na sabi ni Faith pero natawa lang si Megan.

Maya-maya ay napansin ko na konti nalang ang pagkain sa mini table kaya nag prisinta ako na bibili ng pagkain. Pumayag naman sila at sumama si Keira sa akin. Naiwan si Megan at Faith sa apartment. Habang naglalakad kami ni Keira papunta sa convenience store, parang may nakita akong pamilyar na mukha na pumasok sa loob ng store. Hindi ko lang alam saan ko siya nakita.

“Let’s go! May pogi akong nakita pumasok sa loob!” Biglang sabi ni Keira, basta talaga pogi eh malinaw ang mata niya.

Hinila na ako ng babaita sa loob ng convenience store at halos manlaki ang mata ko ng makita ang lalaki, si Ethan ito hindi ako nagkakamali siya nga yung naa counter. Bigla ko naman hinila si Keira at nagtago kami sa mga shelves bago pa kami makita ni Ethan.

“Ano bang trip mo at nagtatago tayo dito? Baka kung ano pa isipin nila na magnanakaw tayo!”

Naguguluhan na tanong ni Keira.

“Huwag ka nga maingay! Baka makita tayo.” Bulong ko sa kanya at muling sinilip si Ethan at nakalabas na siya ng store kaya umayos na kami sa pagkakatayo at umalis na sa pinagtataguan namin.

Ano kayang ginagawa niya dito? Sa itsura niya at sa ganda ng condo unit niya parang hindi siya pumupunta sa ganitong klaseng convenience store eh.

“Hay nako! Hindi ko tuloy nakita yung pogi, mukhang masarap at mayaman pa naman.” Nanghihinayang na sabi ni Keira at napanguso. “Tara na nga at bumili na tayo ng pagkain.” dagdag niya at siya na ang unang naghanap ng pwede naming kainin sa apartment.

Hanggang sa makarating kami sa apartment, hindi pa rin mawala sa isip ko si Ethan. Hindi naman siguro niya ako nakita eh.

“Nag-text na yung airline na pinasahan ko ng requirements para sa OJT ko. Mag-start na ako next week.” Saad ni Megan. Dream airline niya yun kaya tuwang-tuwa ang babae.

Napagpasyahan kasi namin na magkakaibang sector or industry ang a-apply-an namin for OJT para ibang tao naman ang nakasalamuha namin. Nagsasawa na kami sa isa’t-isa atsaka hindi naman sa lahat ng bagay kami ang magkakasama. We need to explore the world, we need to grow kaya nag-agree kaming lahat.

Si Keira for tour guiding, bagay siya doon kasi sobrang daldal at hindi mabo-boring ang mga tourist pag siya ang kasama nila. Si Faith naman sa hospitality industry which is bagay din sa kanya. Habang ako sa travel agency. Wala trip ko lang sa travel agency at ex ng kuya ko yung kamag-anak ng may ari ng travel agency na yun.

“So magiging busy na pala tayo next week kasi puro start ng OJT natin, next week na.”

Malungkot na sabi ni Faith. Parang ganun na nga.

“Kayo ni Elle magkasama sa isang bahay so magkikita pa rin kayo niyan.” sambit ni Megan, pero hindi namin hawak ang schedule namin.

“Siguro oo, pero gabi na yun since maghapon kaming wala sa apartment.” sagot ko naman.

Gaya ng napagpasyahan ng barkada, dito natulog sila Megan at Keira. Naglatag nalang kami ng kama dito sa sala at inabot na nga ng gabi kakanood ng movie hanggang sa nakatulog na ang tatlo. Habang ako ito gising pa rin pero nakahiga.

Dahan-dahan akong bumangon kasi nakayakap sa akin si Faith, clingy kasi ito masyado. Gusto lagi may kayakap siya. Nang makabangon na ako, nagtungo ako sa kusina para uminom ng tubig. Nang may matanggap akong text sa unknown number. Nakakunot ang noo ko saka binuksan ang message.

To Unknown Number:

Hey, you left your wallet and Id. Can you get it to my place coz aalis ako the whole week in my condo. I guess you need your wallet.

Message palang niya alam kong siya na ito eh. Iisang condo lang naman ang pinuntahan ko… condo ni Ethan. Napakagat ako sa labi ko ng muling maalala ang nangyari between me and him.

I replied.

“Kunin ko bukas.”

Ilalapag ko na sana ang phone ko sa table ng muli na naman ito mag-vibrate. Nanliit ang mata ko, ang bilis naman niya yata mag-reply, huh!

To Unknown Number:

No, you need to get this tonight. Aalis ako bukas.

Napapikit ako sa aking nabasa. Bakit ngayong gabi pa? Bakit hindi niya agad ako tinext kanina habang maliwanag pa, bakit ngayon pa? Kung bukas ko kukunin, wala na akong aabutan sa condo niya bukas. Kaya wala akong choice kundi pumunta sa kanya ngayon.

Nakakainis naman siya!