Kabanata 30

“I’M home,” anunsiyo ni Jacob nang makapasok sa loob ng kanilang apartment.

Nagtuloy siya kaagad sa kusina at inilagay sa freezer ang ice cream na binili niya na noon ay malapit nang matunaw. Mukhang nagising lang ang asawa niya pero hindi pa ito bumababa. Ibinaba lang niya sa kitchen counter ang ibang pinamili at nagtungo na sa kanilang kuwarto. Doon ay inabutan niya si Adelyn na nakaupo habang sapo ang noo. Ni hind inga rin nito napapansin na naroon na siya at nakasandig sa may doorframe.

“Adelyn,” tawag niya rito na sinundan pa niya ng pagkatok sa pinto.

Nakita niyang napaigtad pa ito dala ng pagkagulat.

“O-o? Nandiyan ka na pala. Kanina ka pa ba?” Nilingon siya nito.

Nagtuloy na sa pagpasok si Jacob at lumapit dito. Kaagad niyang sinapo ang noo ng asawa nang makaupo sa gilid ng kama. Normal naman ang temperatura nito nang sandaling iyon.

“Masama ba ang pakiramdam mo?” nag-aalalang tanong niya.

Inalis nito ang kamay niyang nakasapo sa noo nito at umiling.

“Masakit lang ang u