Kabanata 39

EXCITED si Jacob na madala si Adelyn sa mansiyon kung na magiging bago nilang tahanan na mag-asawa. Kaya naman dali-dali siyang umuwi. Pasipul-sipol pa siya nang makarating sa bahay. Nakaparada na sa labas ang sasakyan kaya nasisiguro ni Jacob na nakauwi na ang kanyang asawa.

Kaagad niya itong tinawag nang makapasok sa bahay.

“Adelyn… where are you, love?” magiliw na tawag niya rito.

Sumulpot naman ito kaagad mula sa kusina na may hawak na isang basong tubig.

“Ano iyon?” nakakunot ang noong tanong nito.

Nakangiting lumapit si Jacob sa asawa at hinawakan ang kamay nito.

“Pagod ka na ba?”

Lumagok ito ng tubig na hindi nag-aalis ng tingin sa kanya pagkatapos ay umiling.

“Nakapagpahinga naman na ako pagkagaling kina Nanay. Ang totoo niyan kakagising ko lang. Bakit?”

“Hayun!” Kinuha niya mula rito ang baso at ipinatong na lang iyon sa kalapit nilang estante. “Come with me.”

Hinila niya ang asawa palabas ng bahay.

“Sandali.” Bigla itong tumigil.

Bumaling siya paharap dito. “Ang s