birthday

VENUS POINT OF VIEW.

Mabigat ang katawan ko ngayon at para akong lalagnatin. Gusto ko pa sanang mag-extend pa nang pagtulog kaso naalala ko na ngayon na pala ang kaarawan ni Ralph.

"Omg! Kailangan ko nang mag-ayos!"

Dali-dali ko ng inayos ang aking mga gagamitin mamaya tulad ng aking mga make up at susuoting damit.

"Kailangang mangibabaw ang kagandahan ko mamaya. Kailangan kong maakit ang anak ni Kapitan!"

Para kasi sa 'kin, ay si Ralph na ang magiging tulay ko para makaalis na ako rito sa putikan. Nakakasawa na kasing maging mahirap!

Kahit na hindi ko naman talaga siya type ay pipilitin ko pa rin siyang gustuhin.

Naisip ko lang, ano kaya ang pakiramdam ng ipinanganak na mayaman?

'Yung tipong mag-aalmusal ka na punong-puno ng pagkain ang mesa. May mga bacon, tocino at isang pack na hotdog tapos ang panulak ko ay fresh orange juice kaso hindi ko iyon gagalawin dahil late na 'ko sa work tapos kapag matigas ang ulo ko, ipapatapon ako nila mom at dad sa states.

Ang sarap siguro sa pakiramdam no'n!

"Hoy! Nangangarap ka na naman ng gising!" wika ni Glo sa aking likuran.

"Bakit? Masama ba? Libre lang naman 'yon, 'di ba?" sagot ko sa kaniya sabay irap.

"Hay, naku! Tigil-tigilan mo 'yan! Ang mabuti pa eh, magmeryenda muna tayo bago mag-make up. Mukhang nalipasan ka lang kasi ng gutom."

Inilabas ni Glo ang dalawang piraso na kulay dilaw na pancit canton at isang twinpack na white coffee. "Lutuin ko lang 'to. Bumili ka muna ng monay." inabot niya sa 'kin ang isang bente pesos na papel sabay nguso sa pintuan.

Dahil si Glo ang taya ngayon, ay wala akong nagawa kun 'di ang sumunod.

Pagkalabas na pagkalabas ko pa lang sa aking bahay ay may narinig na akong baswit mula sa mga tambay.

"Sexy!"

"Venus, p'wede bang manligaw?"

"Venus, tara! Shot puno!"

Tanging ismid lamang ang sinagot ko sa kanila.

"Ang dudugyot!" sa isip-isip ko. "Eeewww!!"

Dire-diretso lang ako na naglakad patungo sa tindahan, nang isang pamilyar na mukha agad ang aking nabungaran. Si Diego!

Nakasuot siya ng jersey habang umiinom ng hindi ko mawari kung cobra ba 'yun o royal. Basta kulay orange! Aaminin ko, ang cute niya pa rin kahit na punong-puno ng pawis ang kaniyang mukha. At ang kaniyang labi, shit ang pula!

"Mauuna na akong umuwi, mga tol!" paalam ni Diego sa mga kasama

Bigla tuloy akong nakaramdam ng kirot sa aking dibdib. Hindi ako sanay ng ganito siya sa 'kin. Obvious na obvious naman kasi na iniiwasan niya ako at iyon ay dahil sa ginawa kong pang babasted sa kaniya.

"Bakit parang ako 'yung binasted? Bakit ang sakit?" sa isip-isip ko.

Samantala.

Bigla akong bumalik sa aking ulirat ng tapikin ako ng tindera. "Ano kako ang bibilin mo?" wika nito.

"Ahh, a-ano po, mo-modess po!" natatarantang sabi ko.

"May wings o wala?"

"M-meron po."

Nagtatakbo ako pabalik ng aking bahay at hiyang-hiya sa nangyari.

"Napansin kaya no'ng tindera na nakatingin ako kay Diego?"

Pagdating ko sa bahay ay kaagad ko nang naamoy ang bagong lutong pancit canton. Lalo tuloy akong nagutom matapos kong makita ang umuusok na kape.

"Nasaan na 'yung monay?" wika ni Glo habang nakapamewang.

"Anong monay?"

"Monay. As in tinapay!"

Napakamot ako sa aking ulo nang maalala ko na monay nga pala ang ipinabibili niya sa 'kin at hindi modess.

"Ay sus!" tinapik ni Glo ang kaniyang noo nang makita ang hawak-hawak ko. "Ang layo ng modess sa monay, Venus!" sermon niya sa 'kin.

Natawa na lang ako sa aking sarili.

Lutang lang?

Dahil gutom na kami ay pinagtiyagaan na lang naming kainin ang nasabing pancit canton.

"Masarap sana ito kung ipapalaman sa tinapay eh."

"Ok na 'yan!"

"huh, ewan ko ba naman kasi sa 'yo. ang lalim siguro ng iniisip mo."

"naku, sinabi mo pa. kinakabahan kasi ako para mamaya." pagsisinungaling ko. ang totoo niyan ay nawala ako sa aking sarili kanina. grabe naman kasi ang ginawang pag-iwas sa 'kin ni Diego.

Hindi na kumibo si Glo at kinain na lang namin kung ano ang nasa lamesa at pagkatapos ay agad rin namin iniligpit ang mga pinagkainan namin.

samantala.

hang nakaset ang aking buhok sa curler ay minabuti ko na muna na unahin nang ayusan si Glo.

"Venus, pagandahin mo rin ako ha! dapat maganda rin ayos ko mamaya para naman may magkagusto man lang sa akin kahit na anak lang ng brgy. tanod." biro ni Glo kay Venus.

"aba, syempre. hindi tayo papayag na matalbugan."

Siguro, inabot din ako ng mga kulang trenta minutos bago ko natapos ang pag-aayos kay Glo kaya naman wala na akong sinayang na oras at inayusan ko na rin ang aking sarili.

Hindi ako mahilig sa mga heavy make up kaya sinimplihan ko lang ang ayos ko. Hindi rin kasi bagay sa akin ang mga dark color ng lipstick kaya i stick more on nude colors. pale lips but surely seductive. isinuot ko na rin muna ang aking mini dress bago tanggalin ang mga curler sa aking buhok.

"wow, ang ganda mo talaga, Venus. sigurado ako na pagtitinginan ka ng mga tao ro'n. napaka sexy mo!" puri ni Glo sa akin.

maging ako man ay hindi na nakilala ang sarili pagkaharap ko sa salamin. Ang malalaking alon ng aking buhok gawa ng pagkakakulot ay isa pang nagbigay ng kagandahan sa akin.

at bilang pang wakas, nilagyan ko ng high lighter ang aking cleavage at collar bone bilang pambagay sa aking suot na damit.

"Perfect!" dinig kong sabi ng isang lalaki mula sa may pintuan.

Nang lingunin ko iyon ay nasurpresa ako. "R-ralph ." bigla akong kinabahan.

Ang lagkit kasi ng tingin niya sa 'kin at parang may malisya. hindi pa man din kami ay nakakaramdam na ako ng pagkailang.

"ready ka na ba?"

"ha?"

"pumunta samin, birthday ko ngayon 'di ba?"

"o-oo."

Mabilis kong sinensyasan si Glo na tumayo na. kinuha ko na rin iyong handbag ko at lumapit na kay Ralph.

"you're so beautiful!" puri niyang muli. hinawakan niya ako sa aking balakang at inalalayan palabas.

Hindi ko naman maiwasan na hindi kagatin ang aking daliri habang nakasakay kami sa kotse. Nasa likod namin si Glo at ako naman ay nakaupo sa may passenger seat katabi ni Ralph.

"huwag kang lalayo sa tabi ko mamaya. tandaan mo, sa akin ka ngayong gabi. sa akin lang." nagulat ako nang haplosin niya ako sa aking hita. parang may ibig sabihin din ang sinasabi niya dahil may diin niya itong sinabi.

"ahh, si-sige," sagot ko sabay tapik sa kaniyang kamay. masyado ata siyang mabilis sa mga bagay-bagay.

pagdating namin sa bahay nila Ralph ay napanganga ako ng kusang bumukas ang gate. "wow!" manghang sabi ko sa isip ko.

pinagbuksan ako ng pinto ni Ralph at inalalayang makababa. Samantalang si Glo naman ay mag-isang bumaba.

"Venus, tignan mo 'yung swimming pool oh, ang laki! ang sarap sigurong maligo d'yan."

pasimple kong siniko si Glo. "uyy, huwag ka ngang maingay baka mahalata nilang poor tayo." pabulong kong biro sa aking kaibigan.

"bakit tayo aamin?" pabirong tugon naman niya sa akin.

panay ang bungisngisan namin habang naglalakad. hindi rin namin pa kasi alam kung saan kami mauupo.

Maya maya pa ay nakita kong may sineyasan si Ralph na wari ko'y pinapalapit niya sa amin.

grabe, iba talaga kapag nakaka L-L. isang senyas lang lalapit agad.

"Ahh, Bert, ikaw na muna ang bahalang umistima sa kaibigan ni Venus. Hindi kasi kami mag-eenjoy kapag palagi siyang nakasunod sa amin."

"yes, boss. ako na ang bahala sa kaniya.

Nakita ko ang biglang pagsimangot ni Glo. para siyang pusa na inihabilin sa kapit-bahay dahil aalis 'yung amo. Naawa tuloy ako sa kaniya.

"Glo, ok lang ba?" tanong ni Ralph gamit ang malamig na boses.

"o-oo. o-ok lang."

Kilala ko si Glo. alam kong nabadtrip siya kay Ralph. Hindi pa man din kasi kami nagtatagal rito ay gano'n na ang ginawa ni Ralph. ni hindi man lang kami niyayang kumain muna.

"tss," napailing na lang ako.

pagkatalikod nila Glo ay bigla na akong hinawakan ni Ralph sa aking tagiliran.

"Venus, i'm sure na matutuwa sila dad kapag nakita ka nila."

Hindi ko alam kung bakit parang nakakaramdam ako ng pagkailang. para kasing sa akin lahat nakatingin ang mga bisita ni Ralph. "masyado atang maigsi ang suot ko." sa isip-isip ko.

May mga ilan-ilan din akong narinig na bumabaswit kaya naman napalingon agad ako.

"Don't look at them." naramdaman ko na piniga ni Ralph ang aking tagiliran. "nagsuot-suot ka kasi ng ganiyan kaya ka nila binabaswitan."

hindi na ako kumibo. parang nanliit kasi ako sa sinabi ni Ralph. tama nga siya, nagsuot kasi ako ng sobrang igsi na dress kaya siguro pinagtitinginan ako ng mga tao.

sa isang banda. Ralph make me feel secured. hindi niya inalis ang kamay niya sa aking likuran hanggang sa makapasok kami sa napakalaki nilang bahay.

Naisip ko tuloy, kung magiging kami pala ni Ralph ay kailangan kong maging maingat sa mga damit na aking susuotin.