Kabanata 7

Kabanata 7

"LUMAYAS KA! HUWAG NA HUWAG KA NANG BABALIK SA PAMAMAHAY KO! SIMULA NGAYON, SI MERELLA NA LANG ANG KIKILALANIN KONG ANAK!" galit na galit na sigaw ni Cindy habang hinahagis ang mga damit ni Mereya sa labas ng gate ng mansyon nila.

"Lalayas na po talaga ako rito kasi parang hindi niyo rin naman ako nakikita, parang hindi rin naman po ako nag-e-exist sa mansyon na ito!" Isa-isang pinulot ni Mereya ang mga damit na itinapon ng kaniyang ina.

Tumawa nang pagak si Cindy. "Anong hindi nag-e-exist na sinasabi mo? Madalas kitang binibisita sa kuwarto mo ah. Isa pa, hindi ka na bata para gabayan at bigyan palagi ng atensyon. Malaki ka na, Eya!"

"Laging binibisita? Eh pumupunta lang naman po kayo sa kuwarto ko kapag hinahanap niyo 'yang si MERELLA. Ni kumustahin nga po ako hindi niyo man lang magawa. Opo, hindi na ako bata para gabayan niyo pero kahit naman noong bata pa lang ako, hindi niyo rin naman nagawang gabayan ako. Palagi po kayong busy sa trabaho at sa lalaki niyo pero kapag s