CHAPTER 3

"Pupunta ako sa bar para kausapin iyong sinsabi ni Alma, Trisha," malungkot na wika ni aleng Fiona.

Napakasakit para sa kaniya na ipag bili ang kaniyang anak na iningatan niya buong buhay nito. Dahil sa pesteng sakit niya ay biglang maglalaho lahat ng sakripisyo niya para sa anak. Ito na ata ang tinatawag nilang karma. Dahil sa madumi niyang trabaho ay pati anak niya ay madadamay. Wala silang magagawa dahil sa kahirapan ay wala silang alam na iba pang paraan upang makakuha ng pera na kailangan nila sa lalong madaling panahon.

"Sige po inay, mag iingat ho kayo! Bumalik lang po kayo inay agad huwag muna kayo mag trabaho ngayon," paalala ni Trisha.

"Oo anak, maiwan na kita babalik ako kaagad," paalam ni aleng Fiona.

Naiwang mag-isa si Trisha sa bahay. Saka bumuhos ang kaniyang luha na kanina niya pa pinipigilan. Hindi niya lubos-maisip na mangyayari ito. Inalagaan siya ng kaniyang ina na halos ayaw siyang padapuan sa lamok pero ngayon ay ibebenta niya ang kaniyang kaluluwa sa isang lalaki na sariling kaligayahan lamang ang iniisip.

"Sabagay ano nga ba naman ang iisipin mo sa mga mayayaman di ba? Sa dami ng kanilang pera ay siguro wala nang mapaglagyan ang bilyonaryong iyon kaya ibibili na lang ng babae at magpapakaligaya sa isang gabi," pagkausap ni Trisha sa sarili.

Natatakot siya sa maaaring mangyari sa kaniya sa oras na mag tagpo sila ng kung sino man na bilyonaryong iyon.

"Ano kaya ang itsura ng lalaking iyon? Baka matanda na kaya bibili na lamang ng babae dahil baka wala nang pumapatol sa kaniya? Ay ewan! Kahit ano pa itsura niya basta kailangan namin ng pera," tuloy-tuloy na salita ni Trisha na animo may kausap.

Pag dating ni aleng Fiona sa bar ay inabutan niya si Alma na may customer kaya kinawayan niya muna ito na ang ibjg sabihin ay lumapit muna sa kaniya sandali. Nang makita naman siya ni Alma ay agad itong tumayo at lumapit sa kaniya.

"Fiona, ano pumapayag ka na?" bungad nito kay aleng Fiona.

"Narinig tayo ni Trisha kanina kaya nalaman niya ang lahat," malungkot na wika ni aleng Fiona.

"Oh eh anong sabi no Trisha?" tanong naman ni Alma.

"Pumayag siya Alma, para sa akin ay handa niya daw isakripisyo ang sarili niya maipagamot lamang ako," naiiyak na sabi ni aleng Fiona.

"Ganoon ba? Nakakatouch naman si Trisha. Napakaganda talaga ng pagpapalaki mo sa kanya Fiona. Lumaki siyang isang mabuting tao," umiiyak na ring saad ni Alma.

"Hintayin natin iyong sinasabi ko babalik daw kasi... ay iyon na pala siya." Sabay turo nito sa lalaking pumasok sa pinto.

Bata, guwapo at malaki ang pangangatawan. Maihahawig mo siya kay Piolo Pascual, napaka tangkad na lalaki na six footer yata dahil ang tangkad nito.

"Bakit bibili ng babae ang ganiyan kaguwapong nilalang? Eh kahit tingnan niya lang ang babae ay kusang bubukaka ito sa harap niya dahil sa kaguwapuhan nito," naibulalas ni aleng Fiona ng makita ang lalaki na sinasabi ni Alma.

"Kaya nga Fiona iyong anak mo ang naisip ko kanina. Kasi sa ganda ng anak mo ay baka magustuhan din niya at malay mo eh asawahin pa di ba? Tiba-tiba ka doon Fiona pag nagkataon," sagot naman ni Alma na hindi pa rin maalis ang tingin sa papalapit na lalaki.

Napaisip naman si aleng Fiona. Kahit ipagbili niya ang kaniyang anak basta't sa lalaking ito ay payag na payag siya at mukhang hindi niya iyon pag sisisihan pa.

"Excuse me?" untag ng lalaki sa dalawa.

"Yes, sir. Ako iyong kausap mo kanina at yes mayroon kaming maibibigay sa iyo na batang-bata, maganda at fresh na fresh," pag mamayabang na saad ni Alma sa lalaki.

"Good! Bukas ipapasundo ko siya dito mga seven thirty in the evening," ma awtoridad na wika nito.

"Sandali, ako pala ang nanay ng babae na ibibigay namin sa iyo. Magkano naman ang ibabayad mo para sa anak ko?" singit naman ni aleng Fiona.

Nabigla naman ang lalaki sa tanong ng babae.

"Ok, i will give you fifty thousand pesos now at dadagdagan ko pa iyan depende sa performance ng anak mo," saad nito sa baritonong boses.

Halos mahimatay naman si Alma sa laki ng ibabayad ng lalaki para kay Trisha.

"Wow! Ok sir makakaasa po kayo sa ibibigay naming babae sa inyo," saad ni Alma.

"Siguraduhin mo lamang na walang mangyayaring masama sa anak ko!" pag sisiguro naman ni aleng Fiona.

"Wow! Sa akin mo pa talaga sasabihin iyan eh ikaw mismo na ina ang nagbenta sa akin ng anak mo!" sarkastikong wika ng lalaki. "Ayan ang fifty thousand pesos, ipapasundo ko na lamang siya bukas." Sabay talikod nito kay aleng Fiona na natahimik dahil sa sinabi niya.

Pagkaalis naman ng lalaki ay tumulo ang luha ni aleng Fiona.

"Tama siya Alma, napakawalang kuwenta kong ina dahil sarili kong anak ay nagawa kong ibenta sa kaniya!" umiiyak na saad nito na napaupo dahil nakaramdam siya ng panghihina.

"Fiona, hindi. Hindi ka masamang ina. Saka si Trisha naman ang nagsabi di ba at payag siya na gawin iyon para maipagamot ka," pag aalo naman ni Alma kay alrng Fiona.

Naaawa siya sa kaibigan dahil alam niya kung gaano nito kamahal ang nag iisang anak pero ito siya at ibenebenta niya ang puri ng kaniyang anak.

"Huwag mo nang intindihin ang sinasabi ng lalaking iyon. Basta tayo alam natin ang totoo at alam natin ang rason kung bakit kailangang gawin ito ni Trisha. Mag tiwala ka na lang sa anak mo ha," patuloy pa nito habang hinahagod ang likod ni Aleng Fiona upang kahit papaano ay maibsan ang sakit na nararamdaman nito.

"Salamat Alma, ikaw lamang ang nakakaunawa sa akin. Kung wala ka baka hindi ko malagpasan ang lahat ng ito. Napakasakit para sa akin na ilagay sa kapahamakan ang buhay ng anak ko. Hindi natin alam kung ano ang puwedeng gawin ng lalaking iyon sa anak ko Alma," saad ni aleng Fiona na patuloy pa ring umiiyak.

"Wala naman sigurong gagawing masama sa anak mo iyon Fiona. Mukha namang mabait di ba?" Sagot nan ni Alma.

Hindi na lang sumagot si Aleng Fiona dahil sa tingin din niya ay mabuting tao naman iyong lalaki.