Chapter 44

Napakapit ako sa baywang ni Miguel. Parang may kuryenteng dumadaloy sa aking buong katawan nang hawakan niya ang aking kamay. Sinilip ko si Ken. Napalunok ako nang nakita ang kaniyang mga tauhan na nakapalibot sa amin.

"We're cornered," bulong ni Alexander.

"Ibibigay niyo sila sa akin o papatayin ko kayo rito mismo sa teritoryo ko?" pagbabanta ni Ken.

Naramdaman ko ang mahigpit na paghawak ni Miguel sa aking kamay. "Tingnan natin kung sino sa atin ang unang mamamatay," paghahamon ni Miguel.

Nanlaki ang aking mga mata nang may narinig akong malakas na pagsabog sa mansiyon ni Ken. Napalingon ang lahat sa bahay ni Ken na nasusunog.

"What the - Ah!" sigaw ni Ken paglingon niya dahil binaril ni Miguel ang kaliwa niyang paa.

Agad na umalalay ang kaniyang mga tauhan. Gustong lumapit ni Clarissa pero mabilis siyang pinigilan ni Alexander. Sabay-sabay nilang pinagbabaril ang ibang mga tauhan ni Ken. Tinakpan ko ang aking dalawang tenga at ipinikit ang aking mga mata.

Halos matumba ako n