Chapter 9

Clayton Pov

Nang makapasok ako sa kwartong tinutuluyan ko dito ay napasandal ako sa pinto saka naghahabol ng hininga. Mariin akong napapikit sa hiya. Naiisip ko palang ang mga mukha ng mga bisita ni Lorcan nang makita nila ako ay nanghihina na ako. Hindi ko kasi mabasa ang mga ekspresyon nila at saka, jusko sa ganitong ayos pa ako. Ano na lang kaya ang iniisip nila?

Mabilis akong kumuha ng tuwalya saka pumasok sa CR at naligo. Pero kahit sa pagmamadali ko ay nakahawak pa rin sa bewang ko ang isang kamay ko dahil masakit talaga. Hindi ko alam kong ilang beses ipinasok ni Lorcan ang batuta niya sa akin.

Habang nagsisipilyo ako at nakaharap sa napakalaking salamin na walang bakas ng kahit na anong dumi o alikabok ay pumasok sa isip ko ang nangyari sa amin ni Lorcan kagabi. Kagabi ay hindi naman iyon ang ipinasok ko sa kwarto ni Lorcan. Gusto ko lang magpaalam sa kanya na ipagpapatuloy ko ang pag-aaral ko pero nauwi kami sa ganun.

Nagmumog ako saka natulala ulit sa harap ng malaking sal