Chapter 36 - Injured Soul

"Haaay! Grabe naman! Binabaan ba niya ako ng telepono? Ewan ko sa'yo, selfish!" Sigaw ni Ayla habang nakatapat sa nanggagalaiti niyang bibig ang kanyang cellphone.

Nagtext si Shane kay Ayla ng, "Ipagpapalit mo ba ang friendship natin dyan sa doktorang kabit na 'yan?! Alam mo namang sukang- suka ako sa pagmumukha nyan!"

Sinagot naman ito ni Ayla na gigil na gigil na nagtext, "Grabe ka naman, malay ko bang 'yun si Snakie, 'wag mo na nga akong idamay dyan sa galit mo kay Snakie, matatanda ang mga anak nyo, matagal ng patay ang asawa mo, move on din pag may time."

"At pinagtatanggol mo pa ang anak nyang Snakie na 'yan ha! Dahil ba dyan sa anak mo? Sabagay sino ng naman ang magkakagusto sa anak mong abnoy!"

"Sumosobra ka na Shane ha! Si Snakie lang ang kaaway mo, bakit pati kami ng anak ko dinadamay mo! Siguro nga kaya pinagpalit ka dahil dyan sa ugali mo, makasarili ka! gusto mo ikaw lagi ang bida!"