2 - the mother who is untouched

NANLAMBOT ang mga tuhod ni Glen at tuluyang napaluhod sa sahig ang dalaga pagsapit niya sa loob ng banyo. Iniwan niya muna kay Vladimir ang sanggol dahil kailangan niya ng hangin kundi hihimatayin siyang dilat ang mga mata sa harap nito. Mahigpit siyang kumapit sa doorknob habang saklot ang dibdib na halos sumabog na sa tindi ng pagbayo ng kanyang puso dahil sa nerbiyos.

Walang nagsabi sa kanya na ganito kalakas ang dating ng isang Vladimir Andromida. Pakiramdam niya'y dinaanan siya ng ipo-ipo at hinigop palabas ang kanyang kaluluwa pagkatapos ay itinapon patungo sa kawalan. Kaya pa ba niyang ituloy ito? Kaya ba niyang panindigan? Sinipat niya ang nanginginig na mga kamay at kinuyom. Naiiyak siya sa sobrang takot.

His eyes are literally soul-stealing. Kung gaano ito kagandang lalaki sa litrato, mahigit sampung beses itong mas gwapo sa personal. Bakit pati iyon ay hindi sinabi sa kanya ng mga katutubo? Dapat binigyan man lamang siya ng babala na baka maglaglagan lahat ng suot niya sa katawan pag kaharap niya ang binata para sana nakapaghanda siya.

Pwede pa sigurong umatras. Hihingi siya ng tawad at sasabihin niyang nagkamali lamang siya. Pero paano ang mga Mangyan sa Baco? Saan pupunta ang mga iyon kapag nawalan ng tahanan? Naguguluhan na siya.

THE BABY is practically cute, he'll admit but he can't feel anything. Kung siya ang ama nito, dapat dama niya kahit kunting lukso ng dugo pero wala. His emotions are empty. Binawi niya ang mga mata at sinulyapan ang nakapinid na pinto ng banyo. Biglang kumaripas papunta roon ang babaeng bisita niya matapos ibigay sa kanya ang bata.

"Iyan na ba ang tagapagmana mo? Pwede na. Bagay na bagay." Boses ni Gabrylle mula sa may pinto. Sumandal ito sa hamba.

"You're eavesdropping, Gabrylle." Kastigo niya sa kapatid.

Tumawa ito. "Curious lang ako sa mag-ina mo. Anyway, she's not bad. She's gorgeous and-"

"Shut up!" Agap niyang lalong nagpasabog ng halakhak nito.

"But, don't you think it's a high time for you to make your own family? Tumatanda ka na. Naisip ko na nga na regaluhan ka ng tungkod sa darating mong kaarawan." Pang-aasar nito.

"Try harder, Gab. You won't beat me with that." He ignored the teasing and dropped a gentle glance at the baby sleeping in his arms.

"Seriously, you need to consider marrying, Vladimir." Pumasok ito at lumapit sa kanya. Sinilip ang sanggol. "Your women have waited long enough for ages."

"Know what? Spare me from the argument. You're not the one walking in my shoes."

"Of course, I have my own shoes to walk with."

Napailing na lang siya sa pabalang na naman nitong sagot. Kapag napunta na sila sa usapan ng pag-aasawa, kahit magdamagan pa ay ilalaban ng mga kapatid niya ang ideyang dapat ay lumagay na siya sa tahimik.

"Kontento ako at masaya kung anong mayroon ako sa ngayon, Gab. Huwag niyo munang ipilit iyang pag-aasawa. Hindi pa naman ako lumagpas sa kalendaryo." Katwiran niyang muling pinukol ng sulyap ang pinto ng banyo. Where the hell is she? Baka nagbigti na iyon sa loob. "Hawakan mo nga muna itong bata."

Pero mabilis na umurong si Gabrylle. "Nope, I need to go. Enjoy rocking your baby, Vlad. That's a blessing." Tinungo nito ang pinto. "And, Athrun will be going to hear this good news." Bago lumabas ay pahabol nitong pahayag.

"Gabrylle, huwag kang magkakamaling ipagkalat ito kung ayaw mong magsisi na nagkaroon ka ng bunganga!" Malakas niyang sigaw.

SUNUD-SUNOD na katok sa pinto ang nagpaiktad kay Glen mula sa malalim na pag-iisip at kalituhan kung anong gagawin. Tarantang inabot niya ang doorknob at sinigurong naka-lock iyon. Saan ba pwedeng makahanap ng butas dito na pwede niyang pagtaguan? Hindi na yata niya kayang humarap pa kay Vladimir. Nakakatakot ang lalaking iyon.

Lalo siyang nabaghan nang biglang matanggal mula sa kinakapitan ang lock kasunod ang pag-ikot ng seradora at ang tuluyang pagbukas ng pinto. Literal niyang nakita ang kaluluwa niyang nagkukumahog na makalabas mula sa kanyang bibig.

Katapusan na niya. Kawawa naman siya, mamatay siyang virgin at hindi man lang nakaranas na magkaroon ng boyfriend. Mamamatay siyang busilak. Kinagat niya ng mariin ang ibabang labi at napaingos.

"Are you crying?" tanong na nagsusumiksik sa nabibingi na niyang tainga dahil sa sumasabog na tibok ng kanyang puso.

Kunyari nagpunas siya ng mga luha. "Nalungkot lang ako dahil ayaw mong kilalanin ang anak natin." Kinutusan niya ang sarili dahil sa panibagong kasinungalingan na kanyang hinabi.

"Lumabas ka riyan at mag-usap tayo ng maayos." Tumalikod ito at iniwan siya.

Ngayon ay naniniwala na siyang nakababaliw ang sobrang takot. Gusto niyang tumakas pero gusto ko rin niyang manatili at magpatuloy. Natatakot siya pero natutukso siyang pagmasdan ang lalaki lalo na ang mga mata nitong nagkukubli sa daan-daang misteryo.

Nagawa niyang makatayo ng tuwid sa kabila ng umuugang mga tuhod. Sinilip niya muna ang sarili sa salamin at nagpasyang magretouch ng lipstick para hindi gaanong halata ang pagputla ng kanyang mga labi na tila pinagkakaitan ng dugo.

Lumabas siya ng banyo matapos ang tatlong buntong-hininga na masigla niyang ibinuga. Ibinalik agad sa kanya ni Vladimir ang sanggol pagkalapit niya rito.

"Where's the father of that baby? Bakit gusto mo akong gawing Salvador del Mundo?" He is abnormally straight-forward and doing that with a scowl on his face makes him scarier. "He is not mine, we both know that. And if you are going to insist, I can take this to a legal battle. Pwede kang makulong." Naupo ito sa malaking swivel at itinuro sa kanya ang silyang nasa harap ng desk.

Inalis niya ang bara sa lalamunan at ibinagsak doon ang puwit habang maingat na karga sa mga bisig ang sanggol. "Kung gusto mo ng DNA test, payag ako para mapatunayan na anak mo siya." She's aware that psychological diplomacy won't work for someone like him yet, she did not have much choice but to try her remaining cards on board.

"Miss, huwag mong hintayin na magsayang pa ako ng panahon para ipamukha sa iyo ang panlolokong ito. Once I've done that, you'll pay every piece of your being."

"But I didn't-"

"Really, huh?" Tumayo ito. Lumigid sa gawing likuran niya. Para siyang tinusok ng libo-libong boltahe ng kuryente nang pisilin nito ang kanyang braso. "A virgin mother? Ilan lang kayong may ganyang kakayahan? Nananatiling birhen pagkatapos magsilang ng anak. I am not that naive."

"M-mali ka hindi na ako birhen-"

"You wage war against me when you're not yet even done educating yourself about the boss you're messing with, Miss Virgin. You will regret knowing my name. Include that in your data."

Sa sinabi nitong iyon ay tuluyan na siyang natahimik.