Chapter 4

“Are you sure about this?” napatingin si Kate kay Emir as she was flipping the pages of the annulment papers na pinabasa nito sa kanya

Nandito siya sa opisina ng abogadong ito na pinsan naman ng kaibigan niyang si Deniz.

He is a good lawyer according to Deniz at specialty niya ang mga ganitong kaso. 

“Oo naman, attorney! Pinag-isipan ko na ng mabuti yan!” saad ni Kate 

“Drop the formalities, Kate! Kaibigan ka ni Deniz kaya kaibigan  na din kita!” magiliw na sabi ni Emir

“And are you sure that you are giving up the custody of your daughter? May tinatawag naman tayong shared custody, Kate, kaya hindi mo kailangang gawin yan!” ani Emir pero umiling na si Kate

“My daughter loves his mistress more than she loves me, ano ang laban ko doon?” malungkot na pahayag ni Kate  kaya napailing naman si Emir

“Alam mo na kapag kailangan, papaharapin ninyo si Pauleen sa family court.” Emir said at tumango naman agad si Kate

Kung mangyari man yun, isa lang naman ang tiyak, mas kakampihan ni Pauleen si Charlene!

“Okay then, if you are already sure, pirmahan mo na at papirmahin mo na din ang asawa mo!” ani Emir 

Binasa niya ang huling bahagi ng agreement at nakasaad doon na hindi siya hihingi ng kahit ano sa mga properties na dapat ay may karapatan siya bilang asawa.

Walang perang ibibigay sa kanya pero ang tanging hiling lang niya ay iwan sa kanya ang bahay.

Hindi nga niya alam kung bakit yun ang gusto niya. Kapag nakapirma na si Aiden, pwede naman siyang umuwi sa probinsiya but nevertheless, gusto niya talagang manatili sa kanya ang bahay.

“I’m sure, mabilis pa sa alas-kwatro na pipirmahan ni Aiden ang mga papel na ito, Emir! Makakasama na niya ang kerida niya at pwede pa niyang pakasalan!” sagot naman ni Kate sa abogado

“Ikaw naman ang masusunod sa bagay na yan, Kate! Nandito lang ako to give advice bilang abogado mo at bilang kaibigan!” napangiti si Kate kay Emir saka siya nagpasalamat dito

“May laban ba ang kaso ko, Emir?” ani Kate saka niya inilagay sa envelope ang annulment papers na pipirmahan ni Aiden

Dalawang araw na lang at uuwi na ang mga ito mula sa biyahe nila. Pero hindi na siguro niya hihintayin ang pagdating ng mga ito. Kailangan na niyang masanay na hindi makita si Pauleen lalo at nawalan na din siya ng pag-asa sa kanyang anak.

Naalala ni Kate ang pagkakataon na narinig niya si Pauleen na may kausap sa telepono. Gabi na yun at kinabukasan na nga ang lakad nila ng kanyang ama kasama si Charlene. Gusto sana niya itong mayakap at makatabing matulog bago sila umalis pero sana hindi na lang niya iyon tinangka. 

Dahil noong gabing yun, tuluyan ng nawasak ang puso ni Kate! Sinaktan siya ni Aiden at gaya ng isang gamit na babasagin, nagkaroon ito ng lamat.

But after hearing her daughter’s words, her heart was shattered into pieces.

“Yes po tita, I am so excited! I can’t wait to be with you on your birthday!” masayang sabi ni Pauleen so she guessed na si Charlene na naman ang kausap nito

Samantalang siya, ni hindi man lang siya magawang kausapin ni Pauleen. Ni hindi nga ito nagke kwento sa kanya tungkol sa mga ginagawa nito sa school. Buhat nung makilala niya si Charlene, naging malayo na ang loob sa kanya ng kanyang anak.

“Of course Tita! Mahal ko po kayo! I have been wishing na sana nga po, kayo na lang ang Mommy ko!” natutop ni Kate ang bibig niya para pigilang mapaiyak dahil sa narinig niya and she walked away from Pauleen’s room

Durog na durog siya! Daig pa niya ang pinagbagsakan ng langit at lupa!

Noong araw na sinundo si Pauleen ng driver ni Aiden ay hindi siya lumabas ng kwarto. Ayaw niya ng makita kung gaano kasaya ang kanyang anak dahil makikita na niya ang babaeng sumira ng pamilya niya.

Nagkulong siya ng ilang araw sa kwarto at kahit si Manang Siony ay walang nagawa para maibsan ang kalungkutan niya. Hanggang sa magpasya na siyang makipagkita sa pinsan ni Deniz na isang abogado.

“Malakas ang laban mo lalo na at may mga ebidensiya tayo sa affair ng asawa mo! Kung ako sa iyo, idedmanda ko muna sila ng adultery bago ka makipaghiwalay!” ani Emir dahil yun naman talaga ang payo nito sa kanya

Si Emir din ang kumontak sa Private Investigator na sumusunod kina Aiden habang nasa bakasyon sila. And he already sent photos of the two habang nasa isang beach resort sila sa Maldives.

Hindi na pinagkaabalahan ni Kate na tignan  ang mga pictures dahil lalo lang naman siyang masasaktan at sapat na ang sinabi ni Emir na once itanggi ni Aiden ang affair, the evidences will speak for itself.

“There’s is no need for that, Emir! Hayaan mo na silang mag-sama para naman matuwa na sila! Hindi ko ipagkakait sa kanila yun dahil maghahanap na din ako ng sarili kong kaligayahan!” matigas na pasya ni Kate kaya wala ng nagawa si Emir 

Sa totoo lang, naaawa siya kay Kate! Hindi niya deserve ang ganitong pagtrato kaya naman nangako siya sa kanyang sarili na tutulungan niya ito para makawala sa asawa niyang walang kwenta.

Matapos ang pag-uusap nila ay dumiretso na siya sa opisina ng mga Beunavista para naman ihain ang resignation letter niya. Hindi na siya pwedeng magtrabaho dito lalo na at maghihiwalay na sila ni Aiden.

Nagulat pa nga si Mr. de Castro, ang head nila doon nung mabasa niya ang resignation letter ni Kate.

“Alam na ba ito ng father in law mo?” tanong niya kay Kate at nagkibit balikat lang siya

“Kayo na ang bahalang magsabi sa kanya!” matabang na sagot niya at hindi iyon nagustuhan ng head nila

Sanay kasi siya na tahimik lang si Kate at kung trabaho naman ang pag-uusapan, maayos naman ito at wala siyang maipipintas dito. Hindi niya lang alam kung bakit ito ganito ngayon at kung bakit ito biglang nagresign sa trabaho.

“Alam mo naman na hindi ka basta pwedeng umalis na wala ka pang kapalit!” ani Mr. de Castro at tumango naman si Kate

“I know that very well, Sir! But don’t worry, nasisiguro ko na makakahanap kayo agad ng kapalit ko! Maraming nag-iinteres sa posisyon ko, you know that, right?” sagot ni Kate

Hindi naman nakasagot si Mr. de Castro dahil totoo naman yun. Kahit bukas lang, makakakuha na sila ng kapalit niya.

“Papasok pa rin ako bukas at kung may kapalit na ako, ituturo ko sa kanya ang mga kailangan niyang malaman.” balewalang sagot ni Kate kaya naman lalong nagtataka si Mr. de Castro kung ano ang nangyari kay Kate

Nagpaalam na ito at taas-noong umalis ng opisina ng kanilang head saka siya dumiretso sa table niya para icheck ang mga gamit niya. Nasa bakasyon din ang mga magulang ni Aiden kaya naman alam niya na magugulat din ang mga ito sa pagre resign niya lalo na kapag nalaman nila ang tungkol sa annulment.

She left the company saka siya nagpunta sa isang Spa para magpamasahe. Matagal na din buhat nung huling gawin niya ito at nakakalungkot na sabihin na napabayaan na niya ang sarili dahil gusto niyang pagsilbihan ang kanyang pamilya.