Chapter 5

Nakauwi na si Kate sa bahay nila at nakita niya na nasa sala si Manang Siony at naglilinis. Agad siya nitong binati dahil nag-aalala ito sa kanya lalo at ilang araw siyang hindi lumabas sa kanyang kwarto.

“Nandito ka na pala! Kumain ka na ba?” tanong nito sa kanya 

“Tapos na po, Manang, salamat po!” magalang na tugon niya dito

Umakyat na siya sa kwarto para kumuha ng damit na dadalhin niya sa kanyang pag-alis. Gusto niyang umalis muna sa bahay na ito habang hindi pa naibbigay ng korte ang desisyon sa kanilang annulment.

May naiwang unit si Deniz at pumayag ito na doon muna siya tumuloy habang dinidinig ng family court ang kaso nila. Sana lang, pumabor ito sa kanya para naman makalaya na siya sa kasal na ito.

Nagulat pa nga si Manang Siony nung bumaba siya ng hagdan at may dalang dalawang maleta. Agad naman siyang dinaluhan ng isang kasambahay at ito na ang naglabas ng mga gamit niya.

“Kate, saan ka pupunta?” tanong ni Manang Siony

“May aayusin lang po ako Manang!” maiksing sagot ni Kate dito pero hindi naman ito naniniwala lalo pa at nakita niya ang mga inilabas na gamit nito

“Manang, darating na po si Aiden sa makalawa, pakiabot na lang po ito sa kanya!” pakiusap ni Kate at kahit nag-aalangan ay tinanggap niya naman ito

“Aalis na po ako!” sabi pa ni Kate saka siya lumabas ng bahay na iyon

Masakit sa pakiramdam pero wala naman siyang magagawa dahil nasaaid na din siya. Naubos na siya at kung hindi pa niya gagawin ang pagbitaw, baka hindi na niya makuhang igalang ang kanyang sarili. 

There is no need to drag things lalo pa at wala naman na itong saysay sa simula pa lang.

Nagmaneho na siya paalis at dumiretso siya sa unit ni Deniz. When she settled herself ay tinawagan niya ito at labis ang saya nito noong malaman niya ang kanyang ginawa,

“Finally! Nagising ka na din sa katotohanan!” sabi ni Deniz habang nagvi video call sila

“Ibinigay ko na din ang custody ni Pauleen sa kanya!” sabi ni Kate kaya napahinga naman ng malalim si  Deniz

“I know! Nakausap ko na si Emir! Naku Kate, sigurado ako na kung ano-anong kasinungalingan ang ipinasok ni Aiden at ng kabit niya sa utak ng anak mo kaya yan nagkaganyan!” 

Yun din ang hinala ni Kate pero wala na siyang magagawa sa bagay na iyon! The damage has been done at sana lang, pag mas malaki na si Pauleen, mas maintindihan niya ang lahat.

“Hayaan mo na, Deniz! Ang importante, matapos na ito!” matatag na sabi naman ni Kate

“Tama ka naman diyan at may good news pala ako sa iyo!” masayang sabi ni Deniz sa kanya

“Ano yun?” tanong naman niya dito

“Well, nakausap ko na ang boss ko at nakita na din niya ang mga designs mo! He is so happy about it at sobrang gandang-ganda siya!” masayang  sabi ni Deniz

Hindi siya nakapagsalita dahil nabigla siya at hindi niya inaasahan na magugustuhan ng boss ni Deniz ang nga designs na gawa niya.

Nagtatrabaho sa isang sikat na kumpanya si Deniz sa United States na ang main market at mga mamahaling alahas. Pangarap talaga ni Kate ito noong bata pa siya pero hindi naman nabigyan ng daan lalo pa at ipinakasal sila ni Aiden noong nabuntis siya matapos ang gabing iyon.

Nakalimutan na niya ang hilig niyang na ito pero noong nagsimula ang problema nila ni Aiden dahil kay Charlene, nagawa niya ulit gumuhit. Sa katunayan, ang ibang alahas niya ay sariling disenyo niya at pinapagawa niya ito sa mga alahero na nakilala niya. Bukod naman kasi sa kita niya, may natatanggap din siyang pera buhat sa kita ng hacienda sa probinsya nila.

Ang Kuya Rafael niya ang namamahala ng hacienda at dahil silang dalawa lang, pantay ang naging hatian nila sa perang pumapasok sa hacienda. Hindi nga niya pinapaalam sa Kuya niya ang nangyayari sa kanya dahil natitiyak niyang hindi ito uupo lang sa isang  sulok at magsasawalang kibo.

For sure, susugod ito sa Maynila!

“Talaga Deniz?” hindi makapaniwalang sabi ni Kate at nakaramdam naman siya ng kakaibang saya

“Yes, bessy! At ang gusto ni boss, magtrabaho ka sa kanya! Kaya naman magpunta ka na dito!” 

Hindi naman nakapagsalita si Kate sa sinabi ni Deniz dahil ang alam niya, malaking kumpanya ang pinapasukan nito at sikat na sikat sa buong mundo!

“Talaga? Gusto niya akong makatrabaho?” ulit niya pa at agad na tumango si Deniz

“Kaya ayusin mo na ang mga papeles mo at ang sabi ni Boss, siya na ang bahala sa iba! Gusto ka na niyang makapunta dito talaga!” sabi ni Deniz

Naisip niya na magandang opportunity ito para sa kanya! At magagawa na niya ang isang bagay na gustong-gusto talaga niya.

“Sige, Deniz! Kakausapin ko muna si Aiden para pirmahan na niya and annulment papers.” sagot agad ni Kate

Kahit papano, may magandang mangyayari naman pala sa buhay niya!

Kinabukasan, pumasok siya sa opisina para i-endorse ang kanyang trabaho sa papalit sa kanya bilang sekretarya ng Daddy ni Aiden. Habang ginagawa niya ang pagtuturo ay pumasok naman si  Mr. de Castro para i-check sila.

“Nasa Accounting na ang last paycheck mo, Kate! Wala kang makukuhang separation f*e dahil na rin sa pagre-resign mo!” sabi niya kay Kate

“Okay sir!” sagot lang niya saka niya itinuloy ang pagtuturo sa bagong sekretarya

“Bago ka umalis, dumaan ka muna sa opisina ko! May pag-uusapan tayo!”utos nito kay Kate saka siya lumabas ng opisina ng presidente

Napahinga na lang ng malalim si Kate saka niya itinuloy ang endorsement ng trabaho. The sooner na makaalis siya dito, the better!

“Nasabi ko na ang lahat ng dapat mong malaman!” ani Kate bago niya binuhat  ang kahon na naglalaman ng gamit niya

“Thank you Ma’am Kate! Pangako, pagbubutihan ko po!” nakangiting sagot nito sa kanya

Tumango na lang siya at saka siya nagpunta sa opisina ni Mr. de Castro. Hindi nga niya alam kung bakit pa ba siya nito kakausapin. Kumatok muna siya sa opisina nito at pinapasok naman siya nito.

“Yes, Mr. de Castro?” tanong niya dito habang nakatayo at kipkip ang kahon na dala niya

“Ano ba talaga ang dahilan ng resignation mo, Kate? Ni hindi ito alam ng presidente!” tanong nito sa kanya

“Personal po ang dahilan ko sir!” sagot niya dito

“Personal!? Dahil ba ito kay Aiden at kay Charlene?” hindi nakapagsalita ni Kate nung banggitin ni Mr. de Castro ang pangalan ng babaeng iyon

Mukhang alam na ng buong mundo ang tungkol sa affair niya at ni hindi siya nahihiya sa sasabihin ng mga tao.

“Yun ba Kate? Isinusuko mo na ba si Aiden?” naramdaman naman niya ang concern sa tinig ni Mr. de Castro dahil ang alam niya, isa nito sa mga pioneer na empleyado ng kumpanya

“Ayoko na pong pag-usapan!” sagot niya dito at nakita niya paghinga nito ng malalim

“Alam ko na nasasaktan ka sa mga ginagawa niya pero sana, huwag kang sumuko, Kate! I know in time, he will see your worth!” natawa ng pagak si Kate dahil ilang beses na ba niyang narinig ang mga salitang iyon

“Well, if that happens, ako naman ang wala ng pakialam sa kanya! Aalis na po ako! Thanks!”