Chapter 4: shocked

 NASA isang dance studio  si Kariel kasama ang kapatid at mga ka-grupo nito. Isang sikat na dance group na s’yang hinahangaan ng lahat. Umani na ng samot’saring parangal ng grupo  sa loob at labas ng bansa. Nagkakaubusan rin ng tickets  sa tuwing magkakaroon ang mga ito ng concert. Nakaupo sa sopa na sa isang tabi si Kariel habang pinapanood ang pagsayaw ng kapatid at mga kasamahan sabay sa sikat na tugtog  Enhypen na ‘Brought the heat back’.  Bukod sa magaling ay hindi rin maipagkailang may angking kaguwapuhan ang mga ito. Mga mayayaman  ngunit  mas pinili nilang maging mananayaw at ipakita sa buong mundo ang kanilng  angking talento. 

 

Minutes passed,  ay natapos rin ang pag-ensayo ng grupo. Nakangiting lumapit ang kapatid sa kanyang puwesto.

“Kumusta? Okay lang ba ang performance, namin?” tanong ng kapatid ng makalapit sa kanya. Agad itong umupo sa tabi niya. Sunod lumapit ang ibang kasamahan ng kapatid.

“Nag-enjoy ka bang panoorin kami, bunso?” usisa ni Nanon. Isa sa kasamahan ng kapatid.

“Okay naman,” kunot ang noo’ng tugon niya.

“Hey! Sa pagkakaalam ko tatlo lang ang mga kapatid ko. At hindi ka kasama,” sabad ni Kieth. 

“Bakit? Kapatid naman tayo rito ah,” sagot nito.

“Ang kapatid mo, ay kapatid na rin ng grupo.  Diba mga tol?” dagdag at tanong ni Nanon sa grupo. Nagkibit-balikat naman ang kasamahan nila at nagtawanan.

“Magkapatid nga tayo, pero labas ang mga kapatid ko roon. Lalong-lalo na itong si Kariel,” turan ng kapatid.

“Ano ba kayo, ‘wag na nga kayong magtalo at pareho ko naman kayong mga kuya.” Saway niya rito.

“O, kapatid mo na mismong may sabi tol. Kaya ‘wag ka nang kumontra,” nakangising ani Nanon. Lalo pang nainis ang kapatid bagay na ikinangiti niya. Para itong bata na takot maagawan ng lollies. Ramdam niya ang pagmamahal ng kapatid. 

Malalim na buntonghininga na lamang ang pinakawalan ng kapatid at kinuha ang cellphone nito.

“Bahala na nga lang kayo d’yan,” usal nito.

Ganun din ang iba nitong kasamahan ng kapatid. Kanya-kanyang nagsihawakan ng cellphone at naglaro ng online games.

“Banyo na muna ako,”paalam ni Kariel saka tinungo ang banyo.

PAGKATAPOS magbanyo ay humarap siya sa salamin at bahagyang sinuklay ang buhok. Naglagay na rin siya ng kaunting lipshiner at pulbong dala. 

“Ayan. Okay na,” naisatinig niya bago binalik sa dalang purse ang gamit.

Napatingin na din siya sa kanyang cellphone. At laking gulat niya ng makitang mag-a-alas siete na ng gabi. Dali-dali s’yang lumabas ng banyo.

“Kuya!” hiyaw niya dahilan para matigilan ang lahat.

“Bakit! Anong nangyari?” tarantang anang kapatid at dali-daling tumongo sa kanya. Agad namang sinuri ng kapatid ang kabuuan. 

“May masakit ba sayo, Huh?” 

“No, hindi iyan ang ibig kong sabihin. Kuya, gabi na pala. Kailangan na nating umuwi,” turan niya. Namilog ang mata ng kapatid na napatingin sa suot nitong wrists watch. 

“Sh*t!” bulalas nito at dali-daling kinuha ang susi ng sasakyan na nakapatong sa lamesa.

“Hey, bro. May problema ba?” usisa ni Nanon.

“Yes bro, malaking problema. Mauna na muna kami. At baka mapalo kami ng kapatid ko,” paalam at pagbibiro ng ni Keith sa kasama.

“Ingat, bro. Kita na lang tayo sa sunday,” 

“Sige,” tugon ni Kieth.

“Bye,” paalam ni Kariel sa mga kasamahan ng kuya niya. Inakbayan siya ng kapatid palabas sa silid. Hanggang  makalabas sila ng building. Tinungo nila nakaparadang sasakyan sa harap ng gusali. Agad siyang pinagbuksan ng kapatid.

“Thanks,” 

Agad naman iyong isinara ng kapatid at lumipat sa drivers seat. 

“Let's go,” usal nito saka binuhay ang makina ng sasakyan. 

PAGDATING nila sa mansyon ay agad silang sinalubong ng ina. Abot tainga ang ngiti ng ina nang masilayan silang bumaba ng sasakyan. 

 “Saan ba kayo galing, anong oras na?” bungad sa kanila ng ina. 

“Hi, mom. I miss you,” saad niya sabay halik sa pisngi ng ina. 

“Me too. Mom,” sabad ni Keith.

“Kieth! Saan mo na naman ba  dinala itong kapatid mo?” anang ina sabay hampas sa balikat ng kapatid.

“Mom, naman. Ako na lang palagi,” reklamo nito. Dinilaan niya ito saka muling yumakap sa ina. “I really miss you. Mom,” aniya. Yumakap na rin ang kapatid dahil sa sobrang pagka-miss sa ina.

“Me too, anak. O s’ya. Magbihis na kayo at amoy pawis na kayo,” sambit ng ina. Bagay na parehong inamoy ang damit at  ang kili-kili nilang magkapatid. 

“Mabango pa naman ah,” sabay nilang sambit. 

“Nga pala, mom. Ang daddy nasaan?” palinga-lingang ani Kariel  sa ina.

“Ah. Ang daddy mo?  Nasa kanyang library. May kausap,” tugon  ng ina.

“Sino?” Kunot-noo’ng tiningnan ang silid kung saan naroon ang ama.

“Huwag mo nang intindihin ‘yon. Magbihis na muna kayo at maya-maya pa’y lalabas ng ang daddy ninyo. Ipapahanda ko na rin ang hapag para makapaghapunan na tayo,” turan ng ina.

“Okay, po. Akyat na muna kami,” paalam niya. Nagpaalam na rin ang kapatid at sabay silang umakyat ng hagdan patungo sa kanilang silid.

NANG makapasok sa kanyang silid ay agad na hinubad ni Kariel ang suot na damit at inilagay sa basket na nasa gilid ng closet. At agad na pumasok  ng banyo. Pagkabukas ng  shower, ay piikit-matang dinama ang maligam-gam na tubig na dumadampi sa kanyang katawan.  Dahan-dahan niyang sinabon ang katawan mula leeg pababa sa malulusog niyang dibdib hanggang sa ibabang parte ng katawan niya. Ilang beses pa niyang sinabon ang sarili bago tuluyang pinatay ang shower. Agad niyang kinuha ang tuwalyang nakasabit at pinulupot sa katawan bago lumabas ng banyo. 

Akmang bubuksan niya ang pinto ng aparador  ay narinig niya ang sunod-sunod  na pagkatok sa pinto ng kanyang silid.

“Señorita, kakainin na daw po. Sabi ng mommy ninyo,” rinig niyang ani nang kumakatok sa pinto ng silid.

“Susunod na lang po, ako!” Sinadya n’yang taasan ang boses upang marinig sa kung sinong kumakatok sa labas ng silid.

“Haist. Makapagbihis na nga,” maktok niya saka dalidaling kumuha at nagbihis ng damit. Agad  s'yang lumabas ng silid pagkatapos ayusin ang sarili. Bumaba siya ng hagdan at nagtungo sa kusina. 

“O anak. Nariyan  ka na pala,” anang ina ng makarating siya sa kusina. Halos naroon na lahat kasama na ang bisita nila maliban sa kapatid na si Kenneth. Busy kasi ito sa propesyong napili. Nakangiti siyang lumapit sa puwesto ng ina.

“Umupo ka na rito,” senyas ng ina at itinuro ang upuang katabi nito. 

“Pasensya na po natagalan ako,” aniya pagkatapos n’yang maupo. Napasulyap naman siya sa gawi ni Darrius na katabi ng babaeng nagngangalang Kc. 

“Tsk. Duh,” bulong niya sa sarili. Siniko  siya ng kapatid na tila narinig ang pagmaktol niya.

“Kumain na tayo. Habang mainit pa ang pagkain,” pag-anyaya ng ama saka kumuha ng kanin. Isa-isa naman nagsikuha ng pagkain ang mga kasama nila sa hapag-kainan. Tahimik namang kumakain si Kariel at paminsan-minsang tinitingnan ang lalaking dumating.

“Oo nga pala, kumusta ang kompanya. Darrius?” basag sa katahimikan ni Manolo at usisa na rin. Nag-angat siya nang tingin at hinihintay  na sumagot si Darrius. 

“So far, maganda naman po ang takbo  ng kompanya. Dad,” tugon nito.

“Good,” nakangiting anang ama.

“Ikaw. Hija, kumusta ang career mo?” baling ng tingin sa babaeng katabi ni Darrius. Bagay na ikinakunot  ng kanyang noo.

“Ay wow! Mas inuna pa talaga ni dad na tanungin ang career ng babaeng ‘to,” saad ng isipan niya.  

“So far, mabuti naman po. Pinabakasyon na muna ako  ng manager ko pagkatapos  nang issue,” sagot nito. Napasulyap rin ito sa gawi niya kaya tinaasan niya ito ng kilay.

“Stop that,kariel!” saway sa kanya ng ama ng makitang tinarayan niya ang babae.

“Huwag kang bastos  sa bisita. Hindi ka namin pinalaking bastos!” tiimbagang dagdag nito. 

“Sorry,” nakayukong aniya at tahimik na isinubo ang pagkaing nasa kutsara. 

“Pagpasensyahan niyo  na ang anak ko. Kumpadre” paghingi nang despensa sa katabing  lalaki na kasing-edad ng ama.

“Walang problima iyon sa akin. Kumpadre,” nakangiting  tugon nito.

“What’s happening?” sa isip niya. 

“What’s going on, kuya?” pabulong n’yang ani sa kapatid. Nagkibit-balikat lamang ito at wari’y hindi rin alam ang nangyayari.   

“Oo nga pala, hindi ko nasabi sa inyong  dalawa ang tungkol  sa kasal,” agad na namilog  ang mata ni Kariel  ng marinig ang sinabi ng ama.

“ Kasal! Sinong  ikakasal, dad?” gulat na aniya.  

“Hindi ‘ata kami na-informed,” dagdag  pa niya. 

“Oo nga, dad. Sina kuya Darrius  at Kc ba ang tinutukoy  niyo?” napalingon naman siya sa sinabi ng kapatid. Hindi niya naisip ang bagay na iyon  kanina. Tumawa lamang ang ama. Hindi pa man kinukompirma ng ama ay mabilis na ang pagpintig ng kayang puso. “Gosh! Kaya ba narito ang babaeng ‘to,” sa isip-isip niya.

“Nope. Hindi sila ang tinutukoy ko. Kaya narito si Kc dahil kailangan niyang kalimutan ang nangyaring issue sa kanya sa Paris,” saad ng ama  naikinampante niya. “Akala ko pa naman sila ikakasal,” naiusal niya.

“Eh, sino ba ikakasal dad?” tanong ng kapatid. Napatingin siya sa ama at hinihintay ang sagot nito.

“Its your sister,” nakangiting tugon nito. Nimilog ang mata niya sa narinig mula sa ama.

“W-what! Me?” gulat na aniya  sa sinabi ng ama. Maging si Darrius ay nagulat din ng masulyapan niya ito.