"NEW FAVORITE PILLOWS"

"NAG-APPLY ka sa bakeshop namin noon?" tanong sa kaniya ni James sa tono na hindi makapaniwala.

Tumango ang dalaga. "Kulang apat na taon narin iyon sir, magkasama kami ni Jocel at pareho kaming natanggap. Kaya lang na-assign ako sa branch na malayo dito sa bahay. Mahal ang pamasahe at masyado rin akong mapapagod sa pagbibiyahe kaya hindi nalang ako tumuloy," paliwanag niya.

"You were just a fresh graduate then? Is that what you mean?" tanong ni James sa kaniya.

Muling tumango si Aria. "Opo, at kung alam ko lang naiiwan ko rin ang trabaho na pinili ko sana tumuloy na lamang ako sa company ninyo. Siguro katulad ni Jocel, Branch Manager narin ako ngayon," aniya na sinundan pa ang sinabi ng isang mabini at mahinang tawa.

Matagal muna siyang pinakatitigan ni James bago ito nagsalita. "Kung itinuloy mo iyon, maybe I have known you for a long time," anito. "I might have saved you from Norman," pagpapatuloy pa ng binata.

Napasinghap si Aria sa sinabing iyon ni James. "Ano bang sinasabi mo