Kabanata 1678

“Hindi ako galit.” Umiling si Catherine. “Iniisip ko lang kung ano ba ang mayroon sa ating dalawa. Shaunny, ano ba ako para sa’yo?”

Natulala si Shaun. Pagkatapos ay bumulong ito, “Aunty kita… Ang taong minamahal ko…”

Pilit na ngumiti si Catherine. “Shaun, hindi mo ako Aunty, pero sige, hindi mo rin naman maiintindihan kahit na ipaliwanag ko sa’yo. Tara, tulog na tayo.”

Humarap na lamang si Catherine sa bintana.

Sa loob-loob niya’y nagtatampo siya sa kanyang sarili sa pagtatanong ng mga bagay na iyon. Alam niya namang imposibleng mamahalin siya ng lalaki dahil naging tulad ng bata ang utak nito. Ang pinakahigit na sigurong mangyayari ay gugustuhin siya nito.

Nang makita nito ang anino ng babae, naramdaman ni Shaun na may kumirot sa kanyang puso. Nagsimula siyang mabalisa.

Nararamdaman niya sa ‘di maipaliwanag na paraan na naging bitter si Catherine. Dahil ba may mali siyang nasabi?

Sa unang pagkakataon, nahirapang makatulog si Shaun.

Pagkagising nito kinabukasan, ramdam na ramda