0006: The Deal

= KIAN POV =

Humagalpak ng tawa ang panget na babaeng kaharap ko.

“Joke lang ‘yong lahat ng sinabi ko, ito naman,” pag-amin niya.

Naaasar akong tumitig sa kanya.

“Ano?! Ikaw—” dinuro ko siya.

“Kuya?”

Natigil sa pagtawa ang panget na babae at sabay kaming napalingon sa kapatid kong si Nexie. Nakanganga ito.

“Anong… nangyari sa inyo ni Eya?” nagtataka nitong tanong sa akin.

Napakunot ang noo ko sa sinabi niya. “Eya? Kilala mo ang panget na babaeng ‘yan?” turo ko sa panget na babaeng kaharap ko na agad akong sinimangutan.

“Hoy! Nakakailan ka na, ah! Perfect ka? Perfect ka?” nag-aalburutong pagduduro niya sa ‘kin.

Pinagkrus ko ang braso ko at mayabang akong tumingin sa kanya. “Yes, I can confidently say that I'm perfect, why?” kampante kong sabi saka ko naalalang butas pala ang pwètan ng slacks ko kaya nataranta ako at napatakip ulit.

May nag-click ng camera pero hinayaan ko na lang.

“Hey, ano ‘yan?” natatawang sabi ni Nexie. Do’n niya lang napagtantong napunit pala ang slacks ko. Napahagalpak siya ng tawa. “Si Kuya parang tànga,” pang-aasar niya. Nakitawa rin ‘yong panget na babae sa kanya.

“Yes, I can confidently say that I'm perfect, why?” panggagaya ng panget na babae sa sinabi ko na pabiro pang umarte. Nag-appear sila ni Nexie tapos napakapit sila sa t'yan nila kakatawa.

“Tch,” I hissed. Eh ‘di, kayo na ang masaya.

Sumandal ako sa couch para takpan ang napunit kong slacks. Pinagkrus ko ang braso ko. Iginala ko ang paningin ko sa kabuuan ng bar at hinanap na lang ang ka-blind date ko.

Jhymea, Jhymea, Jhymea.

Sana ay sexy siya at maganda para mahimasmasan naman ako. Napahimas ako sa baba ko at napangiti.

Curious talaga ako sa itsura niya. Tinawag niya pa akong babe kanina. Napailing ako dahil parang kinikiliti ang puso ko. Aaminin kong kinilig ako nang konte dahil do'n. Ang sweet talaga ng boses niya.

Napabaling ako kay Nexie. “Hindi mo pa ba ipapakilala sa ‘kin si Jhymea? ‘Yong ka-blind date ko?” pagpapaalala ko sa kanya. Natigilan ‘yong panget na babaeng katawanan niya. Naiinggit siguro ‘to. Nang-aasar ko siyang tinitigan.

“Uhm—”

“Ano? Natameme ka ‘no?” pagputol ko sa sasabihin niya sana. “She’s my blind date. Pangalan pa lang, pang supermodel na ang dating. Kapag nakita mo si Jhymea ay manliliit ka. Boses pa lang no'n, sexy na. Tinawag niya pa akong babe. Feeling ko nga kami na,” pangiti-ngiti kong sabi kasi naiimagine ko ang itsura ng ka-blind date ko na mala-d’yosa. Aish, makaka-move on na ata ako kay Tanya.

Tumango-tango ang panget na babae bago siya nagsalita. “Kinilig ka na ro’n? Na tinawag ka niyang babe?” naniningkit ang mga matang tanong niya sa ‘kin.

“Yes, baka nga yayain ko na siyang maging girlfriend,” walang atubili at diretsahan kong sabi sa kanya.

Pinagkrus niya ang braso niya. “Talaga? Ayaw kitang maging boyfriend, eh,” tugon niya sa ‘kin.

Napapigil ng tawa si Nexie. Saka lang nag-sink in sa akin ang lahat. Nagulantang ako.

Tàng-ina. Siya ang ka-blind date kong si Jhymea?!

“I'm Jhymea,” pagpapakilala niya sa ‘kin. Inilahad niya ang kamay niya at nang-aasar akong tinitigan. “Babe,” pag-uulit niya.

Nanlaki ang mga mata ko at kinilabutan. So, siya nga?! Napaawang ang bibig ko sa mukha niya.

Shìt! Napakapanget!

Pinasadahan niya ako ng tingin mula ulo hanggang paa. Nang magtagpo ang paningin namin ay ngumisi siya nang mapanuya.

***

Nagtagisan kami ng tingin ni Jhymea habang kumakain ng mani. Dama mo ang nagpupuyos na galit namin sa isa't isa.

Napapigil ng tawa si Nexie. “Kapag kayong dalawa talaga na-fall kakatitig niyo…” panunukso niya sa amin.

“Tch,” I hissed. “Ang panget niyan, eh,” panlalait ko.

Nanlaki ang mga mata ni Jhymea. “Ikaw—” Tatayo sana siya kaso pinigilan siya ni Nexie.

“Oh, oh, oh, kalma lang, sis,” pagpapaupo sa kanya ng kapatid ko. Walang ibang nagawa si Jhymea kundi ang sumunod na lang at sumimangot.

Bahagya akong natawa sa inasta niya. “Hay, I don't understand some girls. Hindi maayos-ayos ang sarili tapos kapag sinabihang panget ay magagalit. Hindi na lang tumulad sa iba na sèxy kung manamit kaya maraming nagkakagustong lalaki,” pasaring ko na agad na ikinitaas ng kilay ni Jhymea.

“Tss,” she hissed. “Eh, kasi nga, rito ako komportable. Ang yabang ng mga lalaking feeling nila, nagdadamit lang ang mga babae para magustuhan nila. Ayokong makatawag ng pansin dahil lang sa katawan ko, ‘no. Hindi naman true love ‘yon, kundi LIBOG,” pagdidiin niya sa pinakahuling salita. Napaatras tuloy ako at napangiwi sa sinabi niya.

Masyadong ideal ang tingin niya sa pag-ibig. Boring. Kaya siguro iniwan siya ng ex niya.

“Kung gano'n, eh ‘di, tatanda kang dalaga tsaka walang dilig,” natatawa kong sabi. Napapigil din ng tawa si Nexie.

Agad na napasalubong ang kilay ni Jhymea.

“Nexie, namumuro na talaga ‘yang kapatid mo, ah. H'wag na h'wag mong ibibigay sa kanya ang impormasyong gusto niyang makuha. Kahit magkamatàyan pa!” mariing pasaring niya sa akin.

Natigil ako sa pagtawa.

Si Nexie lang ang makakapagbigay ng impormasyong kailangan ko kasi masyadong pribado si Tanya. Kay Nexie lang din siya nagkukwento, pero ayoko rin namang magpatalo sa panget na Jhymea'ng ‘to.

“Ipis!” panglalait ko sa kanya na ikinausok ng ilong niya.

“Ano? ULITIN MO!” naiinis niyang sabi na napahampas pa sa mesa at tumayo.

“Mukha kang ipis,” nang-aasar na pag-uulit ko at pinagkrus ang braso ko. Sige, ano ka ngayon?

Dinampot niya ang walang lamang bote ng vodka na ihahampas niya sana sa akin pero pinigilan ulit siya ni Nexie. “Oh, oh, oh, kalma lang, ‘te, physical injury ‘yan,” nagkukumahog nitong sabi kaya napilitang umupo ulit si Jhymea.

Tatawa-tawa akong tumitig sa itsura niyang pikon na pikon.

“Mukha kang—” napahinto siya sa pagsasalita para suriin ang mukha ko.

Umabante ako sa kanya at nagpangalumbaba. Pangiti-ngiti ako kasi halata namang wala siyang malalait sa gwapo kong mukha.

“Ano?” panghahamon ko sa kanya na nanunukso pa siyang tinitigan.

Napasalubong ang kilay niya dahil sa inis pero kalaunan ay malapad siyang ngumiti. “Mukha kang pwèt,” pang-aasar niya na pinaalala na naman ang pagkapunit ng slacks ko. Napahagalpak sila ng tawa ni Nexie.

Napaungot ako at napipikong sumandal sa kinauupuan ko. May mailalait pa rin pala siya kahit napaka-perfect ko na.

Mabuti na lang talaga at pinahiram ako ng jacket ng manager na siyang itinakip ko sa nabutas kong slacks. Kung hindi, ay baka maglakad akong lantad ang brief ko rito sa bar.

“Ha Ha,” walang kabuhay-buhay na pakikisabay ko sa tawanan nila.

Napailing si Nexie at tuluyang nagsalita matapos tumawa. “Tutal, ako naman ang nakakaalam ng information tungkol sa event na pupuntahan ni Tanya ay ako na ang magde-decide,” pagdedeklara niya.

“Go on, Nex. Spit it, para makauwi na ako kasi nauumay na ako sa pagmumukha niyang kaibigan mo,” pag-aapura ko.

Nag-make face sa akin si Jhymea at umakto na parang gusto niya akong sapakin sa pamamagitan ng pagpapalutong ng mga daliri niya.

Ngumisi-ngisi naman ako para lalo siyang asarin at mapigti na ang ugat niya.

Nagpatuloy lang kami ni Jhymea sa pagtatagisan namin nang magsalita ni Nexie.

“Okay, I made up my mind,” nakangiting sambit niya. “Both of you should make love tonight, yieee,” kinikilig niyang sabi.

“ANO?!” sabay kaming napalingon ni Jhymea sa kanya.

Nagkatinginan kaming dalawa at agad na napaatras na para bang diring-diri kami sa isa't isa.