Chapter 8

Bigo akong umuwi. Halos mapudpod na ang swelas ng suot kong sandals kakalakad pero hindi man lang ako pinaburan ng kapalaran na makahanap ng mapapasukang trabaho. Madilim na ng bumaba ako ng jeep.

"O, Elora! Sa'n ka galing?" si Miles ng makasalubong ko.

Huminto ako sa paglakad at nginitian ito.

" Naghanap kasi ako ng pwedeng maging trabaho," ani ko.

" May nahanap ka naman ba?"

Matamlay akong umiling.

" Wala eh. Pero susubok ulit ako. Baka bukas, may mahanap na ako. Eh, ikaw?"

Tulad ng una kong kita kay

Miles, ngayon ay posturang-postura ito. Makapal ang make-up at ubod tipid sa tela ang suot na damit.

" May booking ako ngayon. Hinihintay ko lang sundo ko," sagot nito.

Mamaya ay may bumusinang isang pulang kotse sa tapat namin. Bumaba ang salamin ng bintana sa driver's side at sumilip mula roon ang nagmamaneho ng kotse. Kinawayan ito ni Miles kaya nagpaaalam na ito sa akin.

Nanatili akong nakamasid habang naglalakad ito palapit sa kotse. Dahil naka