Chapter 5

Laking pasasalamat ni Kevin dahil kahit papaano ay nakumbinsi niya si Elisse. Hindi man sigurado sa kung ano ang mangyayari sa binitawang pangako sa kanyang hipag, saka na lang siguro ito haharapin ni Kevin kapag nasa sitwasyon na sila.

Bago bumalik sa condo, dumaan muna sila Kevin sa isang malapit na restaurant na hindi naman kalayuan sa condo niya. Sinigurado muna niyang makakain ng maayos si Elise at mapreskohan na rin. Nakita niyang medyo walang gana si Elise, kaya tinanong niya ito. "Ayos ka lang ba Elise? masama ba ang pakiramdam mo,? Medyo tumango ng konti si Elise at nagsalita,

"Medyo nahihilo ako, okay lang ba kung hindi ko na matapos yung pagkain? Gusto ko na lang umalis. Gusto ko na lang magpahinga." Sabi ni Elise.

"Okay sige sige, okay lang. Halika na. Ibabalik na kita para makapagpahinga ka." Sabi ni Kevin.Nang hawakan ni Kevin ang kamay ni Elise para sana akayin ito palabas ng restaurant at pabalik sa kanilang sasakyan, napatingin si Elise sa binata. Ang tingin na iyon ay tila ba ng pagtatanong, isang paninigurado sa binitawang pangako.

Parang naramdaman naman ni Kevin na iyon nga ang gustong itanong ni Elisse. Kaya't tinapik-tapik ng binata ang kamay nitong nakahawak sa kanya.

"Don't worry, I said what I said, let's talk about it pagbalik natin sa condo. Planuhin na lang muna natin ito," sabi niya sa kanyang hipag.Hindi nagtagal ay naibalik na nga ni Kevin ang kanyang hipag sa silid nito at pinagpahinga na. Paglabas niya sa silid matapos isarado iyon, ay parang napakagaan ng pakiramdam ni Kevin.

Pakiramdam niya ay nabunot ang tinik na nakabaun sa dibdib niya. Kung tutuusin, ito na ang pangalawang pagkakataon na nakaramdam siya ng sobrang takot. Ang una ay noong mawala si Elise sa bahay ng mga Madrigal, at ngayon ang ikalawa, nang muntikan na itong mawala sa tabi niya.

"Ganito pala kapangit ang pakiramdam , ganito pala ang tindi ng takot kapag mawala ka" bulong ni Kevin. Hindi na bumalik sa opisina si Kevin nang araw na iyon. Para bang may trauma pa siya at may takot na baka umalis ulit si Elise.

Binilinan niya ang katulong na si Pipay na siguraduhing naka-lock ang gate pag umaalis ito sa umaga, ganun din ay i-lock ang gate ng maaga sa gabi. At itago ang susi at hindi ipaalam kaninuman. Iyon ay para maiwasang muling maisipan ni Elise ang umalis.

Hindi naman siya gusto niyang ikulong ang hipag, kundi ayaw niya lamang itong makaisip na lumayo at baka hindi niya na makita. Hindi na niya kaya ang takot kapag naulit pa.

Si Elise naman ay ilang beses nagpaikot ikot sa kama ng matpaos makapaglinis ng katawan, mabigat sa loob niya nang makita niya ang takot sa mga mata ni Kevin, kanina. Sa isipan ni Elise, gustong gusto na lang sana niyang umalis pero hindi malaman ni Elise kung bakit sobrang tuwa niya ng malamang hinanap siya ng binata.

Mahinang katok ang pumukaw sa pagmumuni-muni ni Elise. Dakong hapon na.

"Tuloy ka," sabi niya sa mahinahon na boses. Maya-maya ay pumihit pabukas ang pinto at nakita niyang sumilip si Kevin. Bagamat ang ngiti nito sa kanya ay parang nag-aalangan, parang naninimbang ito kung na nasa mood na si siya. Pero makikita niya sa mga mata ni Kevin ang galak.

"Kamusta ka na, nakapagpahinga ka na ba? Pwede ba akong pumasok?" magkasunod na tanong ni Kevin.

"Oo. Medyo mahaba-haba na rin yung tulog ko. Halika, pumasok ka," sagot ni Elise.

Bumangon siya sa pagkakahiga sa kama at naupo sa isang single sofa. Doon na rin dumiretso si Kevin matapos pumasok sa silid at naupo sa tabi ng kanyang hipag.

" Elise, pwede na ba tayong mag-usap?" Tumitig lamang si Elise sa kanya, parang naninimbang ito kung ano ang kanilang pag-uusapan.

"Hindi pa rin nagbabago ang desisyon ko, Kevin. Papayag akong bumalik dun, basta kung ano man yung mga sinabi ko, yun ang gusto kong mangyari," sabi ni Elise.

Sandaling natahimik si Kevin. Pinagmasdan niya ang kinukutkot niyang mga kuko. Parang pinag-iisipan niyang mabuti kung tama ba ang sasabihin at pinakikiramdaman niyang mabuti kung gusto niya rin ba ang gagawin. Maya-maya ay nagsalita si Kevin.

"Elise, sigurado ka bang ito talaga ang gusto mong mangyari? Kasi, magiging komplikado ito, Elise. Bukod sa kahihiyan mo, kahihiyan ko, kahihiyan ng pamilya mo din. Marami ang madadamay at magiging magulo. Yan ba talaga ang gusto mo?"

Napayuko si Elise dahil hindi naman talaga niya gusto ang malaking kahihiyang iyon. Meron siyang gustong marinig, meron siyang gustong mangyari, pero nahihiya siyang sabihin ng direkta kay Kevin. Yun talaga ang gusto niya. Pero dahil hindi binubuksan ni Kevin ang paksang iyon, walang choice si Elise kung hindi daanin sa ibang paraan.

"Elise, galit ka ba sa akin? Hanggang ngayon galit ka pa rin kaya ito yung parusa mo? Sige, tatanggapin ko kung ito ang parusa mo sa akin dahil sa mga nagawa ko dahil sa kaduwagan ko. Dahil sa may mga bagay akong hindi pa magawa sa ngayon. Sige, tatanggapin ko," sabi ni Kevin.

"Kasi, naiintindihan ko ang inis mo. Naiintindihan ko. Gusto ko lang sabihin sa'yo na kung ito talaga ang gusto mo, kailangan tayong maging matatag. Kailangan nating panghawakan kung ano man ang gagawin natin na 'to, at kailangan mo silang harapin, ipin sa ipin, mata sa mata. Aalis tayo dito ng magkahawak kamay at magkakampi."

Napatingin si Elise kay Kevin at nagkatitigan silang dalawa. Para bang nag-uusap ang kanilang mga mata at sinasabing, "Kakayanin ko ito, kung kahawak kamay kita."

"Kailan mo ba gustong bumalik? Ngayon na ba?" tanong ni Elise. Ang tanong na iyon ay direkta kay Kevin, pero mas direkta sa sarili niya.

"Elise, gusto kong linawin ang magiging sitwasyon. Pag bumalik ka doon, kailangan mong aminin ang kalagayan mo. Kailangan mong sabihin kay Kenzo na dala-dala mo ang anak niya. Sabihin mo na ang dinadala mo ay isang Madrigal.

"Huwag kang mag-alala, Elise, dahil kapag nalaman ng board na nagdadalang tao ka, hindi kailanman manganganib ang buhay mo. Dahil kailangan protektahan ni Kenzo ang bata. Hindi man niya gusto, pero alam niya na didikdikin siya ng mga tao sa paligid niya kung hindi niya gagawin iyon", paalala sa kanya ng binata.

"Susundin ko ang hiling mo na dun ka sa silid ko. Tutuloy, susundin ko ang hiling mo na kapag nasa loob tayo ng mansyon ay hindi ka asawa ni Kenzo. Pero may isang bagay lang na hindi matutupad sa mga nais mong mangyari" bakas ang pagaalala sa mga mata ni Kevin.

"A-Ano yun?" malumbay na tnaing ni Elise.

"Hindi tayo pwedeng magkunwari na may relasyon, dahil yun ang gagamitin ni Kenzo para labanan ka. Sisirain ni Kenzo ang imahe mo."