Chapter 1

"Huwag na huwag kang babalik rito na hindi mo nakikita ang babaeng nakasama ko noong gabi ng Birthday Party ni Jack Coleman! Hanapin mo siya dahil sigurado akong nabuntis ko ang babaeng iyon!" Galit na galit na sigaw ni Shawn Ezekiel Peñafranco. Isa sa pinaka guwapo at pinaka mayamang lalaki sa buong mundo. May makapal na kilay, brown na mata, mahabang pilikmata, matangos na ilong at mapulang labi.

Sobrang tamang ng aura nito at kahit sinong makaharap ay manginginig sa takot. Kilala siyang Ruthless at cold-hearted. Kaya iniiwasan nilang magalit ito. Dahil paniguradong buhay ka pa, pero pakiramdam mo malapit kana..

"Pero, boss?! Sino ho ba ang babaeng tinutukoy niyo? Sa dami ng babaeng umaaligid sa inyo. Hindi ko alam kung sino sa kanila ang tinutukoy niyo e." Kakamot-kamot sa ulo na sagot ni Pablo. Ang tauhan ni Shawn. Sinamaan niya ito ng tingin at padaskol na hinampas ang lamesa.

"Bullshit! Isa lang naman ang babaeng ikinama ko at hindi ko lubos akalain na ang babaeng iyon pa na katulong ng mga Coleman. Hanapin mo si Harah ngayon din!" nang gagalaiti nitong hinagis kay Pablo ang larawan at personal na detalye tungkol sa dalaga.

"Masusunod, Boss! Dadalhin ko agad sa inyo si Miss Harah!" natatarantang tugon ni Pablo. Nagpaalam na ito agad at naiwan si Shawn sa kaniyang opisina. Hawak niya ang kanyang sentido at hinilot iyon. Ramdam niya ang pagtaas ng kaniyang altrapresyon sa sobrang inis. Mag a-apat na buwan na kasing hinahanap ni Shawn ang babae. Umalis na raw ito sa poder ng mga Coleman dahil pinalayas ng nanay ni Jack. Matapos malamang natulog ito kasama ng hindi kilalang lalaki. Gayong balak silang ipakasal dalawa ni Jack.

Akiyama, Fumiya Harah 23 years old. Maganda, may maamong muka. Brown na maikling buhok at mata. Manipis na kilay, mahabang pilikmata, matangos na maliit na ilong at makipot na mapulang labi. Nagmula lamang ito sa mahirap na pamilya. At lumaki sa Orphanage. Nagkataong ang pamilya ni Jack Coleman ang umampon rito. Ginawa nila itong kasambahay.

Kinse anyos palang si Harah nang ampunin siya ng mga Coleman. Hindi lamang si Harah ang inampon ng mga ito. Pati na rin ang kapatid niyang si

Funai Aryah na kabaligtaran ni Harah. Kung si Harah ay hindi makabasag pinggan, si Aryah naman ay sumobra ang daldal. Kulay itim ang buhok nito pero brown rin ang mga mata gaya ni Harah. Mag kahawig silang dalawa, mas matangkad lang ng kaunti si Aryah kay Harah at may balat si Aryah sa likod na hugis paruparo.

Sa Kabilang Banda..

Muling naalala ni Harah ang naranasan noong nasa poder siya ng mga Coleman.

Flashback...

Nang dahil sa kahihiyang natamo ng mga Coleman nagalit ang mga ito ng todo at pinalayas si Harah. Naalala ni Harah kung paano siya kamuhian ng buong pamilya ni Jack. Bagama't ampon lamang sila ni Aryah at tinuring siyang katulong ng mga ito samantalang normal naman ang trato kay Aryah. Nang umamin si Jack kay Harah sa harap ng kanilang buong pamilya ay walang nagawa ang mga magulang ni Jack dahil sa katigasan ng ulo nito.

"Sino ang lalaking kasama mo noong kaarawan ni Jack?! At sa mismong Engagement Party niyo pa talagang dalawa mo nagawang lokohin ang aking anak at magkalat! Wala kang utang na loob! Kaya nga ba ayoko sa kagaya mo! Mahirap ka na nga! Malandi ka pa!" Gigil na bulyaw ng nanay ni Jack na si Rosemarie.

"Nagkakamali po kayo, hindi ko po sinasadya. Hindi ko po ginusto ang nangyari. Nagkamali lang po ako ng pasok ng kwarto." Umiiyak na katwiran ni Harah. Tumingin siya kay Aryah na kaniyang kapatid. Naroon ang buong pamilya ni Jack. At masama ang tinging ipinupukol kay Harah. Tila kinadidirian siya ng mga ito at suklam na suklam sa kaniya. Nangliit si Harah sa mga titig ng mga ito. Tila binuhusan rin siya ng napakalamig na tubig sa mga oras na iyon.

"Sinungaling!" Galit na sikmat ng Nanay Rosemarie ni Cole. Ibinato nito kay Harah ang mga litrato na naglalaman ng itsura ni Harah at ng Misteryosong lalaki na hindi kita ang muka. Lalong napaluha si Harah nang makitang wala siyang saplot kundi puting kumot at nagkalat sa malamig na sahig ang kanilang damit ng misteryosong lalaki.

"Maniwala kayo, sinet up lang ako! Hindi ko alam kung bakit nalasing ako sa isang basong tubig." Pangangatwiran ni Harah habang naka tingin kay Aryah. Nagkibit lang ng balikat si Aryah at lihim na napangiti.

Sobrang gulo na ng itsura ni Harah at sabog sabog pa ang kaniyang buhok. Sa sobrang inis kakapaliwanag.

"Hindi ako naniniwalang sinet up ka lang! Wala kang ebidensya! Huwag mo ng bilugin ang ulo namin! Hindi ako tumatanggap ng babaeng pariwara! O baka naman binayaran ka ng lalaking kasiping mo? Nakakadiri ka! Kinupkop ka namin at pinalamon ng ayos tapos ganito lang ang igaganti mo? Kahit anong gawin mo, tutol ako sa kasalan ninyo ng aking anak! Hindi ako makakapayag na isang kagaya mong bayaran at walang delikadesa ang mapapangasawa ni Jack!" Salubong ang kilay na sambit ng nanay ni Jack.

Nasa pintuan naman ng kusina si Jack at halatang nadepress ito sa kaniyang nalaman. Hindi lubos akalain ni Jack na magagawa siyang lokohin at pagtaksilan ng kaniyang mapapangasawa. Ni hindi magawang tumingin ni Jack kay Harah dahil nasaktan siya ng sobra sa ginawa nito sa mismong kaarawan niya pa at Engagement Party nilang dalawa.

"Grabe, mahirap talaga kapag galing sa Orphanage. Hindi ka sigurado kung matinong bata ang aampunin mo. Kita mo 'yang si Harah, akala mo santa. At anghel sa kabaitan at ganda. Iyon pala isang malandi at impokrita!" Walang alinlangang patutsada ng Tiyahin ni Jack na si Marisol. Gaya ng pangalan nito ay isa rin itong sulsol.

"Sinabi mo pa, itsura palang niyan alam mo ng nasa loob ang kulo e. Inakit na nga si Jack nagawa pang magpakana sa iba. Anong akala niya sa pamilya natin? Tumatanggap ng basura? Matapos magpagalaw sa iba si Cole ang pananagutin sa bastardo nitong magiging anak! Ang kapal ng muka mong babae ka!" Gigil na sabi ni Marites. Ang kakambal ni Marisol.

"Anong karapatan niyong husgahan ang pagkatao ko dahil lang sa isang gabing pagkakamali?! Hindi porket lumaki ako sa poder ng mga Coleman at galing kami ni Aryah sa Orphanage ay ganoong klase na kaming tao! Nagkakamali kayo!" Galit na sigaw ni Harah. Dahil sa pag sigaw niya ay pinagtulungan siya ni Marisol at Marites. Nakatanggap si Harah ng malakas na sampal kay Marisol at sabunot naman kay Marites. Pinilit ni Harah labanan ang mga ito pero wala siyang nagawa. Nabugbog lang siya ng walang kalaban laban.

Tumingin si Harah sa kaniyang kapatid pero tila walang nakikita si Aryah at lumapit pa ito sa kaniyang fiancee na si Jack.

"Jack, hayaan mo na si Harah. Noon ko pa sinabi sa'yo.. Hindi mo kilala ang kapatid ko." malisyosang saad nito kay Jack. Hindi naman kumibo si Jack.