CHAPTER 55

THIRD PERSON'S POV

Pagkagising na pagkagising ni Aliya ay dumiretso kaagad siya sa banyo. Sa silid niya sa mansion siya natulog dahil hindi naman umuwi ang binata.

Mabilis siyang humarap sa lababo at doon sumuka. Parang may kung ano sa sikmura niya na dahilan ng kaniyang pagsusuka.

Malalalim ang kaniyang paghinga. Binuksan niya ang gripo at nagmumog. Pagkatapos ay pinatay na niya ito at tinitigan ang sarili sa salamin. Iba ang kutob niya rito kaya bigla siyang kinabahan.

Inayos na muna niya ang sarili bago lumabas nang tuluyan sa silid.

"Good morning po, 'nay, Ate Trina at Ate Irma," masiglang bati niya sa mga ito. Nasa kusina ang mga ito at naghahanda ng pagkain.

"Magandang umaga, Liya," ani ni Trina.

"Good morning din, Liya," bati naman ni Irma.

"Magandang umaga rin, anak. Gutom ka na ba? May luto nang pagkain kaya puwede ka nang kumain kung gusto mo," sambit ni Nanay Elsie.

"Sasabay na po ako kanila Jacobe, 'nay. Magtitimpla na po muna ako ng kape."

Kumuha na siya ng tasa at kinuha