CHAPTER 54

THIRD PERSON'S POV

Halos ilang minuto rin ang itinagal ng iyak ng dalaga hanggang sa makatulog ito sa mga braso ng binata.

"Aliya?" tawag niya rito pero wala siyang nakuhang sagot. "Liya?" At wala pa ring sagot. Dito niya napagtanto na nakatulog na ito.

Binuhat niya ang dalaga at binaybay ang daan papunta sa bahay nina Nanay Elsie.

Tinawag niya ang matanda na ilang saglit lang ay binuksan ang pinto.

"Bakit, Jacobe?" tanong nito sa binata. "Harujusko! Ano'ng nangyari diyan!?"

"Nakatulog po sa mga braso ko, 'nay. Dito ko po muna siya patutulugin," sagot niya.

"B-Bakit naman?" Makahulugan itong tiningnan ng binata na agad naman nitong naintindihan. "Ang dalawang 'yan talaga. Parang lagi na lang nag-aaway ah. Kawawa tuloy itong Aliya ko."

"Saan ko po siya ilalagay, 'nay?" tanong niya nang makapasok na sila sa silid ng matanda.

"Dito na sa kama." Inayos ito ng matanda bago inilapag ni Jacobe ang dalaga.

Bahagya pang gumalaw ang dalaga nang mailapag na ito ng binata, pero kaagad din naman i