CHAPTER 57

THIRD PERSON'S POV

Maagang nagising si Aliya. Nang tingnan niya ang sarili sa salamin ay namamaga ang kaniyang mga mata.

"Epekto ng sobrang iyak kagabi," sambit niya sa sarili.

Inayos na niya ang sarili at lumabas na ng silid.

Dumiretso siya sa kusina para magtimpla ng gatas nang makasalubong niya rito si Gavin. Nagkatitigan sila ng ilang segundo pero agad din iyong pinutol ng binata. Talagang malamig pa rin ang pakikitungo nito sa kaniya.

Hindi niya na lang ito pinansin. Kumuha na lang siya ng tasa, gatas at asukal.

Pagkatapos magtimpla ay umupo siya sa isang stool at dahan-dahang uminom. Silang dalawa lang ng binata ang nasa kusina. Umiinom ito ng kape habang nakasandal sa countertop.

Ilang pulgada lang ang layo nila pero parang hindi nila kilala ang isa't-isa.

Napanguso si Aliya nang makaramdam ng gutom. Wala pa sina Nanay Elsie kaya tiyak na wala pang lutong pagkain sa kusina. Dahil dito, ang ginawa niya ay iniwan ang iniinom na gatas at naghanap ng puwedeng kainin sa kusina.

Binu