Chapter 46

Ethan

“Congratulations!”

Iyan ang narinig ko mula sa mga kaibigan ko matapos ang selebrasyon ng kasal namin ni Rose. Ang iba na nagsibalik na sa kanilang kaniya-kaniyang kwarto, ang iba naman ay nag-enjoy sa perks na ibinigay ko sa kanila. They can use all they want from the amenities I have here in my resort.

Malapit ng sumapit ang alas-syete ng gabi at heto kaming natira na lang sa reception area habang si Rose naman at ang mga kaibigan niya ang kasama. Sinamahan pa rin ako ng mga kaibigan kong ito hanggang sa oras na ito pati na rin sina Alexius at Vlad na bukas na lang babalik sa kanilang mga lugar.

“So, sino na ang susunod na isuko ang bandera ng pagkabinata nila?” tanong ni Alexius sa mga naroon na hindi pa nagsipag-asawa.

“Baka si Alonzo. Tutal siya itong nakasalo ng garter mula kay Ethan,” panimula na naman ni Winston. “And guess what? Is it destiny that Bea also received the wedding bouquet? Baka sign na ito na kailangan niyo ulit magpakasal na dalawa.”

Kinuha ni Alonzo ang