CHAPTER 3

NASA veranda si Sabina nang makita niya ang step mother niyang dumating, angkas ng motor ni Hepe Ramon Villadiego.  Bumaba ang step mum niya sa motor nito at binuksan ang gate ng bahay nila.  Ipjnasok ng lalaki ang motor sa loob.

            Hindi siya maaring magkamali, base sa mga ikinikilos ng mga ito, alam niyang may relasyon ang mga ito.  6 months pa lang namamatay ang Papa niya, ang bilis naman yata nitong makahanap ng  bagong lover?

            Lumabas siya ng gate ng tinutuluyang kapitbahay at dahan-dahang pumasok sa gate ng bahay nila.  Kabisado na niya ang pasikot-sikot ng bahay nila kaya alam niya kung papaano makakapasok sa loob ng walang makakapansin.  Dahan-dahan siyang nagtungo sa likuran sa may kusina.  Kumuha siya ng isang stick at sinungkit ang manipis na kalang sa pinto ng kusina.  Tahimik siyang pumasok sa kusina, mula duon ay kita niya ang lalaki nakaupo sa salas, katabi ng step-mother niya.

            Ang sweet pa ng mga ito habang nagtatawanan.

            “Nabenta natin itong bahay sa magandang presyo,” nakangising sabi ng step-mother niya, “Next week dun na tayo titira sa bago nating bahay.  Si Christine naman, ilang weeks na lang, ikakasal na sa guwapo at bilyonaryong si Jeffrey.  Matutupad na lahat ng mga pangarap natin, honey!  Ang tagal rin natin itong plinano.”

            Natutop niya ang kanyang bibig.  Nangangatal ang kanyang buong kalamnan ng kuhanin niya ang kanyang cellphone at ivideo ang lahat ng nakikita. 

            “Mabuti na lang, malakas  ang kapit natin, honey.  Akalain mo, walang kahirap-hirap nating naipalabas na aksidente ang pagkamatay ni Alfonso?  Ang bilis lang nating nakuha ang insurance!” Dinig pa niyang sabi ng madrasta niya. Hindi siya makapaniwala sa kanyang mga naririnig.  Nang pakasalan ito ng Papa niya ay halos dito na umikot ang mundo ng ama niya.  Maging sa anak nitong si Christine ay napakabait ng Papa niya.  May mga times pa ngang kwenikwesyon niya ang ama dahil parang mas mahal pa nito ang anak ng madrasta niya kesa sa kanya na sarili nitong anak.

            Pero palaging sinasabi ng Papa niya na gusto lang daw nitong iparamdam kay Christine na hindi ito iba sa kanya.  Na ituturing nitong parang isang tunay na anak si Christine kagaya ng turing nito sa kanya.

            12 years old pa lang siya nang mamatay ang Mommy niya sa sakit na cancer.  After three years ay nag-asawa na ulit ang Papa niya.  Masama pa nga ang loob niya dahil ni hindi man lamang ito nagpaalam sa kanya nang magpakasal.  At ang mas masakit, nang patirahin ito ng Papa niya sa bahay nila bitbit ang nuon ay 18 years old pa lamang na si Christine, lahat ng para sa kanya ay halos ibigay na nito sa mag-ina.  Pati nga iyong dating kuwarto niya ay inagaw sa kanya ni Christine at pinayagan lang iyong mangyari ng kanyang ama kaya ang ending, iyong guest room ang ginamit niyang kuwarto.

            And yet, ganito pa ang iginanti ng madrasta niya sa Papa niya?

 Parang hindi na niya kayang tapusin pa ang pakikinig sa mga ito.  Waring sasabog ang dibdib niya.

            “Basta making ka lang sakin, malayo ang mararating natin,” anang lalaki na hinaplos ang braso ng babae, “Alam mo namang metatag ang pader na sinasandalan natin kaya hindi nila ako maipapakulong.”

            Napahagikhik si Melda, “Kaya nga bilib na bilib ako saiyo, honey.  Maabilidad ka, hindi gaya ni Alfonso na kontento na lang sa kakarampot na savings.  Kaya nga ‘nung ninakaw ko iyong pang-tuition fee ng anak nya, halos atakehin sa puso sa pag-aalala.”

            Napaluha siya.  So, eto rin pala ang nagnakaw ng tuition fee niya kaya kinailanga niyang dumiskarte para makatulong sa Papa niya?  Sagad pala talaga sa kasamaan ang matandang ito.  Parang nanghihinang napalugmok siya sa sahig.  Hindi  niya mapigilan ang mapaiyak.  Paano ito nagawang pakasalan ng Papa niya?  Maya-maya ay narinig niya ang pagdating ng sasakyan.  “Nandyan na yata sina Christine kasama ng fiancé nya.  Teka at gagawa lang ako ng maiinom.”          Nagpanic siya kaya natabig niya ang silya at natumba iyon.

            Nakita niyang biglang napaunat ang bruha niyang step-mother. Nagmamadali siyang tumakbo palabas.  Nakita niya ang itim na pick up, nagmamadali niyang sinampa iyon at nagtago duon.  Nang matiyak na safe na siya ay saka niya pinakawalan ang lahat ng galit na nasa dibdib.  Iyak siya ng iyak habang naalala ang paghihirap ng Papa niya nuong nakaratay ito sa ospital, habang ang madrasta niya ay wala naman palang nasa isip kundi maibenta ang kanilang bahay at makuha ang insurance ng Papa niya. 

            Isinusumpa niyang pagbabayaran ng mga ito ang lahat ng ito.  Willing siyang gawin ang kahit na anong paraan, maibalik lang sa mga ito ang lahat-lahat ng hirap na pinagdaanan ng Papa niya bago ito mamatay.

            Hanggang sa makatulog siya sa loob ng pick up ay galit na galit pa rin siya.