NANG magsabog yata ng kaguwapuhan ang Diyos ay sinalo na lahat ng lalaking nasa harapan niya. Tall, dark and handsome. At ang ganda ng pangangatawan. Parang iyong male lead sa Turkish series na pinapanuod niya. Wala na siyang maipipintas pa.
Mukhang mag-e-enjoy siya sa coffee shop na pinagtratrabahuhan niya kung ganito kaguwapo ang masisilayan niya sa araw-araw. Unang araw pa lamang niya ito dito at nabuenamanuhan kaagad siya ng customer na ubod ng guwapo. Tiyak niyang hindi ito pure Filipino dahil sa mala-Greek god nitong features. Tantiya niya ay 6'2' ang height nito. Bagay sila dahil 5'7' siya. Ang sarap sigurong ka-holding hands nito while walking. Mukha ring araw-araw itong nag-e-exercise kaya ang laki ng mga muscles nito sa braso at sa dibdib na hindi maitago sa suot nitong white shirt.
“Miss, are you listening to me?” Kunot-nuong tanong ng lalaki nang mapansing tila nag-di-day dreaming siya. Bigla ay para siyang nagising sa pananaginip.
Inayos niya ang suot na face mask saka umayos ng tayo.
“Ah yes, sir!” Sabi niyang napakurap-kurap saka pinuch na ang order nitong kape. Ibinigay niya rito ang recibo saka ginawa ang kape nito habang manaka-naka niya itong lihim na minamasdan. Sa pinakasulok ito na mesa naupo, waring may hinihintay. May girlfriend na kaya ang lalaking ito?
Namula ang kanyang pisngi nang magtama ang kanilang paningin. Nataranta tuloy siya at muntikan nang mapaso ng mainit na tubig. Shit. Unang araw niya rito kaya kailangan niyang umayos. Kailangang-kailangan pa naman niya ng trabaho or else hindi siya makakabayad sa tuition sa susunod na buwan. Nasa third year college na siya. Kaunting kembot na lang, pasasaan ba at makakatapos rin siya.
Pagkatapos gawin ang kape ay ipinatong niya iyon sa tray para iabot sana sa guwapong customer ngunit biglang nagputukan. Napatago siya sa ilalim ng mesa. Maya-maya ay nakita niya ang guwapong lalaki na duguan habang gumagapang palapit sa kanya. Nakita niya ang mga nagkalat na bubog sa sahig. Sisigaw sana siya pero mabilis siya nitong napigilan.
“Huwag kang maingay,” anitong may dinukot sa bulsa at iniabot sa kanya, “Itago mo ito. Huwag na huwag mong iwawala. Babalikan kita kapag maayos na ang lahat! Ingatan mo ito or else malilintikan ka sa akin!” Pagkasabi niyon ay hirapan itong tumayo, itinaas ang dalawang kamay habang lumalakad palabas ng coffee shop.
Takot na takot pa rin siya kaya hindi siya gumagalaw sa ilalim ng mesang pinagtataguan niya. Napatingin siya sa maliit na box na ibinigay nito sa kanya.
Pagkalipas ng halos kalahating oras ay may mga pulis nang nanduon para mag-imbestiga. Hiningan siya nito ng statement ngunit ‘wala akong maalala’ ang tanging naisagot niya. Hindi niya binaggit ang tungkol sa lalaki, ni ang maliit na box na ipinatago nito sa kanya. Ayaw niyang masangkot sa kung anumang gulo kung sakali.
Wala ring makuha ang mga pulis sa kanila information dahil hindi rin pala gumagana ang lahat ng cctv na nakakabit sa kanilang coffee shop.
Ngunit parang gusto talagang sagarin ang tatag niya ng araw na iyon, "Sabina, makinig ka. Iyong Papa mo, nabundol ng jeep kaninang tumatawid siya sa may palengke. Malubha ang tinamo niyang sugat."
“Diyos ko! Nasaan si Papa, saang ospital nyo siya dinala?” Umiiyak ng tanong niya sa kanyang step-mother.
“Paano ko siya madadala sa ospital eh alam mo namang wala akong kapera-pera. Never naman akong pinahawak ng pera ng magaling mong ama!” Angil ng kanyang step-mother na si Melda sa kanya.
Hindi siya makapaniwalang iyon ang makukuha niyang sagot sa magaling niyang madrasta. Bakit parang wala man lamang itong pakialam sa Papa niya? " Dalhin ninyo si Papa sa ospital ngayon din or else mananagot ka sakin!” Sigaw ni Sabina rito saka nagmamadaling nagpaalam sa kanyang manager para puntahan ang kanyang ama.
“IPINAGBILI ninyo ang bahay nang hindi man lamang ipinapaalam sa akin?” Hindi makapaniwalang sabi ni Sabina sa step-mother na si Melda, “Hindi pa ba kayo nasiyahan sa insurance na natanggap ninyo nang mamatay si Papa?” Nilingon niya ang kanyang mga gamit na isa-isa na nitong inilabas sa kuwarto niya. Kanina pa siya nagpipigil dahil ayaw niya ng away. “Ang daming pinagkakautangan ng Papa mo, san ko palagay mo kukunin ang pambayad sa mga utang niya!” singhal nito sa kanya. Napaiyak siya. Ang bahay na lamang na ito ang natitirang alaala ng mga magulang niya, pagkatapos ibenenta pa ng magaling niyang madrasta. Kung paano nito iyon nagawa nang wala man lamang siyang pirma ay hindi niya alam. “Kaya ngayon pa lang, mag-impake ka na at maghanap ng matitirahan. Hindi ka namin pwedeng isama sa bagong bahay na lilipatan namin. Nakakahiya namang pati ikaw, kaladkarin pa namin dun. Alam mo namang regalo iyon ng bilyonaryong fiancé ni Christine!
HINILA SI SABINA ng Mommy nina Leanne at Marcus, “Sabina, halika, tingnan mo iyong lalaking kaangkas sa motor ng step mom mo,” mahinang sabi nito sa kanya. Inihinto niya ang pag-gawa ng reviewer ni Leanne. Hinila siya nito sa may gate at inutusang yumuko para hindi sila ng mga ito makita. “Iyan iyong lalaking nakabangga sa Papa mo. Hindi ako maaring magkamali. Kitang-kita ko nang mabangga ng lalaking ‘yan ang Papa mo dahil nasa palengke rin ako ng mga oras na iyon. Bakit kasama ‘yan ng madrasta mo?” Nagtatakang tanong nito sa kanya maya-maya ay nanlalaki ang mga matang tinakpan ang bibig. Napalunok siya nang mahulaan ang naiisip nito. Kinuha niya ang kanyang phone at kinuhanan ng picture ang lalaki. “Kung siya ang nakabangga kay Papa, bakit hindi siya nakakulong? At saka, teka nga pala, ang sabi ni Tita Melda, nabenta na nya ang bahay namin kaya pinalayas na nya ko agad-agad, eh bakit nandyan pa rin siya?” Bigla siyang kinutuban.
NASA veranda si Sabina nang makita niya ang step mother niyang dumating, angkas ng motor ni Hepe Ramon Villadiego. Bumaba ang step mum niya sa motor nito at binuksan ang gate ng bahay nila. Ipjnasok ng lalaki ang motor sa loob. Hindi siya maaring magkamali, base sa mga ikinikilos ng mga ito, alam niyang may relasyon ang mga ito. 6 months pa lang namamatay ang Papa niya, ang bilis naman yata nitong makahanap ng bagong lover? Lumabas siya ng gate ng tinutuluyang kapitbahay at dahan-dahang pumasok sa gate ng bahay nila. Kabisado na niya ang pasikot-sikot ng bahay nila kaya alam niya kung papaano makakapasok sa loob ng walang makakapansin. Dahan-dahan siyang nagtungo sa likuran sa may kusina. Kumuha siya ng isang stick at sinungkit ang manipis na kalang sa pinto ng kusina. Tahimik siyang pumasok sa kusina, mula duon ay kita niya ang lalaki nakaupo sa salas, katabi ng step-mother niya. Ang sweet pa ng mga ito habang nagtatawanan. “Nab
MADILIM na ang langit nang magising si Sabina. Nagpanic siya nang marealize na nasa loob pa rin siya ng itim na pick up. Pagbaba niya ay halos masamid siya sa laway niya dahil nasa ibang bahay na siya. Hindi niya alam kung saang lugar ito ngunit very modern ang bahay at malalaki rin ang mga bahay na katabi niyon. Dito siguro nakatira ang may ari ng pick up na ito? Curious na pinihit niya ang door knob, sakto namang bumukas iyon. Pumasok siya sa loob ng bahay at nag-usyuso hanggang makarating siya sa kusina. Napalunok siya nang makitang punong-puno ng pagkain ang fridge. Napapatakam na siya kaya hindi na siya nakapagpigil pa, kumuha sya ng isang mansanas at ilang piraso ng grapes. Nginangasab niya iyon habang iginagala ang paningin sa malaking bahay. Feeling niya ay lalaki ang may ari ng bahay base sa disenyo nito na napaka-masculine. Pati mga paintings ay hindi gaanong makulay. Nagtago siya sa ilalim ng mesa nang may marinig na mga yabag mula sa taas
ANG LAYO ng tinatakbo ng utak niya habang nakahiga siya sa ilalim ng kama. Sino baa ng lalaking ito at ano ang ginagawa nito sa bahay nila? Imposible namang ito ang ipinagmamalaking fiancé ni Christine? Hindi naman sa nagmamaganda siyang masyado pero paanong nakakuha ng ganun kagwapong boyfriend ang babaeng iyon? Parang di bagay si Christine sa kaguwapuhang ito ng binata. At ano bang laman ng box na ipinatago nito sa kanya? Ni hindi niya nagawang check man lamang. Engagement ring kaya iyon? Baka ng araw na iyon, nakatakda itong mag-propose sa bruhang iyon kaso’y nagkaroon ng barilan kaya di na natuloy? Baka alam nitong step-sister niya si Christine kaya sa kanya nito iyon ipinatago? Pero nakakapgduda talaga. Ni wala pang nababanggit na boyfriend man lang ang malditang step-sister niya ng mga panahong iyon. Kilala niya si Christine, pihadong ito ang bukambibig nito kung ‘nung mga panahong iyon ay boyfriend na ito ng lalaki. Hmm, baka naman
HINDI KUMIBO SI JEFFREY. Hindi niya kailangang ipaliwanag sa estrangherang babae kung bakit kailangan niyang pakasalan si Christine. Ngunit kung may ibang paraan lang ay hindi naman niya ito gagawin. Kahit naman madali lang sa kanyang hiwalayan ito, ayaw pa rin naman niyang maiksal sa isang babaeng hindi naman niya talagang mahal. Ngunit kailangan niyang magsakripisyo alang-alang sa grupo. Tumayo siya at kumuha ng tubig sa fridge dahil parang nagtitindigan ang balahibo niya iniisip pa lamang niya ang nalalapit nilang pag-iisang dibdib ng dalaga. God, hirap na hirap na siyang magpanggap! Hindi naman biro ang mga tantrums ni Christine kapag gusto nitong magpa-cute sa kanya. Kung makikita lang sana niyang muli ang babaeng pinagbigyan niya ng usb. Nakailang beses na siyang bumalik sa coffee shop na pinagtratrabahuhan nito ngunit wala naman siyang nakuhang information nito sa manager. Ni walang larawan ng babae. Ni wala itong resume dahil walk in
INI-ON ni Jeffrey ang password sa kanyang pintuan para masiguradong hindi siya matatakasan ng babae habang natutulog siya. “Bakit ba ayaw mo pa kong pauwiin?” Mangiyak-ngiyak ng tanong nito sa kanya. “I told you, napapagod na kong mag-drive,” aniya sa babae, “Bukas na lang ng umaga kita ihahatid. For the meantime, magpahinga ka na muna sa kabilang kuwarto,” akmang tatalikuran na niya ito nang may maalalang sabihin, “May alarm ang pintuan palabas ng bahay. Once sinubukan mong ihack ang password, mag-aalarm ito,” sabi niyang ipinakita dito ang nakasuksok na baril sa bulsa, “Alam mo na siguro ang kasunod na mangyayari,” nagbabantang sabi niya rito saka pumasok na sa kanyang kuwarto. Padarag siyang nahiga sa kama. Hindi siya mapakali. Ilang lingo na lang ay nakatakda na siyang ikasal kay Christine. Kung sana ay may paraan pa para makawala siya sa shotgun wedding na iyon. Kung mahahanap lang sana niya ang babaeng iyon, wala siyang proble
NATARANTA SI JEFFREY. Hindi niya akalaing ganito kalakas umiyak ang babaeng ito. “Miss?” “Ano, bakit hindi mo pa iputok yang baril mo para matapos na ang paghihirap ko!” Singhal nito sa kanya, “Iputok mo na!” Siya naman ang napikon, “Kapag hindi ka tumigil dyan talagang ipuputok ko nga saiyo ito!” Sigaw niya rito. Natahimik ito. Humihikbing tumingala ito sa kanya, “Gaano ba kahalaga saiyo iyong box na iyon?” Parang batang tanong nito sa kanya. “Mahalagang mahalaga. Nakasalalay ang buhay ko dun!” “Iyong phone ko rin,” sabi nitong muling napaluha, “Nakasalalay ang kinabukasan ko dun.” “Ke bata-bata mo pa, napakamalilimutin mo na!” inis na sabi niya rito, “Hindi mo ba matandaan talaga kung san mo nilagay?” “Sa dami ng iniisip ko, wala na kong matandaan.” Napahinga siya ng malalim. “Okay, pagtulungan nating hanapin ang phone mo at ang box na iyon. Ano ba kasing nandun sa phone mo? Sex sca