Chapter 44

Nagising ako dahil sa mga bulong bulongan sa paligid ko. Hindi ko nga alam kung bulong pa ba iyon. Dahan dahan kong iminulat ang mga mata ko. Tumitig muna ako saglit sa puting kisame saka iginala ang paningin ko. Familiar sa akin ang kuwartong ito. Ah, ito pala 'yong kwarto ni Axel kung saan pleasure ang naramdaman sa unang pagpasok ko rito. Ang tanging saksi sa pagpapaubaya ko. Nakita ko pa ang mga nag-uusap na tao sa maliit na sala ng kwarto.

Kaya ng maalala ko ang nangyari kanina ay bumalikwas ako ng bangun. Agad naman nila akong napansin saka sabay na lumingon sa akin. Nailang ako sa mga matang nakatitig lang sa akin. Naroon si Lara si Cathy at ang mag asawa. Hinanap ng mga mata ko si Axel pero hindi ko nakita.

Nangunot ang gitna ng kilay ko ng parang pamilyar ang senaryong ito. 'Yon bang parang nangyari na ito dati. 'Yong nagising ako tapos may tao sa kuwarto at hinanap ko si Axel pero wala siya. Ipinilig ko ang ulo ko para maiwaksi ang isiping iyon. Masyado ng puno ang utak ko