Chapter 23.12

“Anong plano mo ngayon?” tanong ni Finn sa kaniya nang makalabas na sila mula sa storage room.

Hindi niya alam na nakasunod pala ito sa kaniya nang lumabas siya mula doon. Napabuntung- hininga na lamang siya at pagkatapos ay ibinagsak ang sarili sa sofa na nasa sala ng bahay nito.

“Hindi ko rin alam.” sagot niya rito na may katotohanan naman.

Dahil sa hindi naman pala kilala ni Mr. Smith ang nag- utos ng lahat ng muntikan na niyang pagkamatay ay wala siyang maisip kung ano ang susunod na gagawin niya. Dahil rito ay mahihirapan talaga silang maghanap ng lead sa mastermind ng lahat.

“Bakit hindi na lang natin pasundan ang impostor na lalaking iyon para malaman natin kung sino talaga ang kasabwat nito o kaya ay pwede naman natin siyang dukutin at pagkatapos ay paaminin na lang natin siya.” suhestiyon naman ni Finn sa kaniya.

Napailing siya. Naisip na rin niya iyon nitong mga nakaraang araw pero may consequence iyon kapag ginawa nila iyon dahil hindi nila sigurado kapag ba nadakip nila it