KABANATA 60 “WHO’S HOLDING MIA NOW?”

MATINDING panibugho ang naramdaman ni Bernie na lumukob sa dibdib niya nang makita at makilala ang lalaking bumaba sa sasakyang tumigil sa harapan ng bahay ni Mia. Walang iba kundi si Erik.

High school pa lamang sila ay hindi na niya gusto si Erik. Dahil bukod sa karibal niya ito sa honor roll ay mayroon din siyang hindi maipaliwanag at nararamdaman insecurity para rito. At ngayon ngang mayroon na siyang idea kung sino ang bagong lalaking kinakalantari ni Mia ay napag-alaman na rin niya kung para saan ang insecurity na mayroon siya noon para sa lalaki.

“Hindi ako papayag na mapunta ka ng tuluyan sa lalaking iyan, Mia!” iyon ang nanggagalaiti niyang sambit saka sinulyapan ang malaking bahay na nasa kanyang harapan.

Kulang ang salitang “matagal” upang mailarawan niya kung gaano ang paghihintay na ginawa niya para makuha lamang si Mia. Sa loob ng mahabang panahon na palagi niyang pag-aaligid sa tabi nito ay nabigo siyang makamit mula sa dalaga ang matamis nitong “oo”. Pero hindi pa rin s