CHAPTER 24

Inisang lagok ni Josh ang lamang alak ng kopitang hawak niya. Nang masaid ang inumin ay pabagsak niyang inilapag ang kopita sa ibabaw ng mesa upang sana ay salinan pa. Ngunit bago pa man niya maabot ang bote ng alak ay marahas nang kinuha ni Cristina ang kopitang kanyang pinag-inuman.

"What the hell, Tin?!" paasik niyang sabi dito.

Hawak ang kopita ay naglakad si Cristina patungo sa kabilang panig ng silid. Inilapag nito ang kopita sa bedside table na naroon saka siya hinarap.

"What do you think you are doing, Josh? I've been calling you several times. Ni isa ay wala kang sinagot. And now, dito lang pala kita matatagpuan, umiinom na para bang wala nang bukas."

Josh harshly kicked the chair near him. Napapitlag pa si Cristina dahil sa ginawa niya. Ni hindi niya ito sinagot at naglakad na lamang palapit sa salaming bintana ng silid na kinaroroonan nila.

Kasalukuyan ngang nasa unit niya silang dalawa ng dalaga. Hindi niya pa pag-aari ang unit na iyon, actually. He was planning to fully p