CHAPTER 23

Halos mabalot ng labis na pagkailang ang buong sistema ni Analyn nang bigla ay dumating si Romano sa cabin na kinaroroonan niya. Kasalukuyan nga siyang nagbibihis matapos niyang maglinis ng kanyang katawan.

Dahil sa biglaan nitong pagbukas ng pinto ay marahas niyang hinablot ang oversized t-shirt na siyang balak niya sanang isuot pantulog para sa gabing iyon. Ang pajama bottom naman ay kasalukuyan pang nakapatong sa ibabaw ng kama.

Pagkatapos nga ng pinagsaluhan nilang hapunan ng kanyang asawa ay agad na siya nitong pinayuhan na pumasok sa cabin. Ito na rin ang nagturo kung aling pinto ang papasukan niya.

She headed towards it and decided to clean herself and changed her clothes. Si Romano naman ay nagpaalam pa sa kanya na may kailangan munang tawagan, kung sino ay hindi na niya pinangahasan pang itanong. Baka konektado lang kasi sa trabaho nito.

Dalawang araw din kasi itong mawawala sa trabaho dahil nga sa iginiit nitong magbakasyon muna sila. Sa ngayon ay kasalukuyan nang nakalayag