Cinco

"Haggard natin ah" Asar na inakbayan ako ni Fara. Humihikab pa ako habang naglalakad kami sa hallway. Hindi ako nakatulog buong gabi.

Damn you Professor Torres!

Kasama na namin si Celyse, nag-bakasyon lang pala ang gaga. Akala kasi namin ay hindi ito mag-aaral dito sa V.C.U. Plano kasi ng parents niya ay pag-aralin siya sa ibang bansa kasama ang Ate niya.

"Bakit kasi mukha kang panda ngayon, Yvon? Ngayon palang magsisimula ang klase ah" Hindi ko pinansin ang sinabi ni Fara, at sinalubong na lamang ang tatlong kaibigan na naglalakad papunta sa'min.

Hindi pa ako kumain, kailangan ko pang pumasok ng tatlong araw para maibigay nila sa'kin ang nireklamo kong pera. Hindi na rin ako nakapag-hapunan kagabi. Pagod na pagod kasi ako, dumagdag pa yung Propesorang iyon sa iisipin ko.

"Ibon, ayos ka lang?" Inirapan ko si Celyse, ayan na naman siya sa kaka-ibon niya.

"Ayos lang ako Celia" Asar ko pabalik, tumawa naman si Ella at Fara ng bumusangot ang mukha nito. Tipid lang ang ngiting ipinakita ni Winter. Isa rin 'to, naninibago na ako sa kanya. Masyado siyang tahimik these past few days.

Naghiwalay na kami ng direksyon, dahil hindi naman kami magkakapareha ng kursong kinuha. Ilan pa lang sa classmates ko ang nandito, binati ako ng ilan sa kanila, binati ko rin sila pabalik, ang iba naman ay parang wala lang. Hindi naman kami magkakilala kaya ayos lang. 710 ang pasok ko ngayong umaga sa subject na Pharmacology. 630 palang naman, umupo ako sa ikatlong row, sa may bintana ako puwesto.

Inaantok ako saka nagugutom. Humikab ako at isinandal ang ulo sa upuan, ipinikit ang mga mata. Gusto kong matulog muna, kaso yung utak ko bigla-bigla nalang lumilipad doon sa babaeng walang hiyang ninakaw ang first kiss ko. Ang dami-dami kong problema, tapos hindi ako makapag-isip ng tama dahil binibwisit ako ng mukha ng Propesorang iyon. Ang ganda niya, pero na b-bwisit ako. Halikan ba naman ako tapos sabihing "You don't belong here, Suarez"

You don't belong here my ass.

Nagsidatingan na rin ang mga magiging classmates ko this semester. Ang ingay nila, sa totoo lang. Ilang saglit pa ay parang may dumaan na anghel, dahil naging tahimik bigla ang buong classroom. Napadilat ako sa tunog ng takong, parang biglang nawala ang antok ko at napa-ayos ng upo.

Aphrodite goddess of beauty. Bakit ang unfair mo sa nilalang na ito? Masyado siyang maganda, deserve lang ng mga mata ko.

Nakasuot ito ng Professional slim blazer jacket, with a pair of casual pants. Pulled back hair, pearl necklace and earrings. Ngayon ko lang siya natitigan ng ganito katagal, ngayon ko lang napansin ang cute na dimple niya. Sakto lang rin ang makeup niya, bagay na bagay sa kanya. Hindi sinasadyang napunta ang paningin ko sa mapupulang labi nito. Hindi ko aakalaing ito ang kumuha ng first kiss ko.

Pero hindi ibig sabihin non ay pwede niyang gawin iyon sa'kin. Nakapangalumbaba ako, nangyari na. Saka hindi pa ako nakaka get over sa huling salitang binitawan niya.

Bawat galaw niya ay nakasunod ang mga mata namin. Tila'y lahat ay takot makalikha ng ano mang ingay. Inilagay nito ang may maliit na markang Celine sa kanyang leather bag sa teacher's table at kumuha ng marker.

Yes, ganyan ako ka focus sa bawat kilos niya na kahit iyon ay napansin ko pa. May isinulat siya sa white board. Jusko pati pagsulat at mga daliri niya kinaiinggitan ko na.

Professor Lunabelle Vein Takashi Torres.

Sulat nito.

What a goddess name.

Lahat yata sa kanya, kinaiinggitan ko.

"In this subject, I will be your instructor. I just have one rule: if you want to pass this subject, you must be smart. I don't want a dumb student in my class." Ang aliwalas ng mukha niya, pero pag sa'kin nakatingin laging galit. Inilibot nito ang tingin sa'min.

Gusto ko mang takpan ng notebook ang mukha ko, hindi rin pwede. Pwede naman akong umakto na parang wala lang. Pero hindi e, naiinis talaga ako sa kanya.

Akala ko ba si Sir Duerme ang guro namin sa subject na'to? Bakit siya?

Grabe naman siya sa ayaw niyang may bobong estudyante sa klase niya. Mabuti nalang matalino ako, tapos maganda pa.

Tumingin agad ako sa ibang direksyon ng alam kong sa'kin na dumapo ang tingin niya. Kinakabahan ako lagi sa kanya. Tumingin na ako sa kanya ng lumipas na ang ilang segundo, pero agad akong pinamulahan dahil nakatingin pa rin ito sa direksyon ko.

Titig na titig Ma'am ah.

Her expression are stoic, mabuti na ito kaysa yung galit siya na parang gusto akong ialay kay Satanas. Alam kong deep inside minumura na naman ako nito. Naglakad ito sa harap saka sumandal sa table.

"On a one fourth sheet of paper, write your name, age, and a brief description of this subject." Pagkatapos sabihin iyon ay agad kumilos ang mga classmates ko para kumuha ng papel.

Nagsimula na naman silang mag ingay, parang one fourth lang e.

"Quiet." Tumahimik naman lahat dahil sa malamig na usal nito. She's like a time bomb, any minute now alam kong magagalit na naman ito. Dumako na naman ang tingin nito sa'kin.

Hala si Ma'am, bet yata ako.

Dream on, Yvon.

"Psst" Tumingin ako sa katabi ko. She's doing a sign language. Pipi ba 'to?

"Ha?" Puzzled kong tanong pero mahina lang. Nag sign language ulit ito. "Pipi ka ba?" Ulit ko ng tanong, tumawa naman ito ng mahina. Yung tawang walang tunog. Weird.

"Pahinging papel" Hindi makapaniwalang tiningnan ko ito, siya yung nakita kong may kotse kanina tapos papel lang wala siya? Kafal naman talaga. Bibigyan ko na sana ng magsalita si Prof. Torres.

"Gonzalez."  Hinilot nito ang sentido. Ayan, magagalit na naman iyan.

"M-ma'am?" Kabadong sagot nitong katabi ko, nag busy-busyhan nalang rin ako, bahala siya riyan.

"Get out." Madiin nitong sabi. Nagtaka ako ng tumingin sa'kin itong katabi ko, gagi nagpapaawa. Ano aber ang magagawa ko?

"Bakit kilala ako ni Ma'am?" Mahinang sabi nito, tarantado. Ako pa talaga tinanong.

"Malay ko" Sagot ko naman.

"Suarez" Taranta akong tumingin sa harap, galit na nga. Pero bakit niya ako tinawag?

"Are you two trash talking about me?" Mabilis akong umiling. Tapos marahan ring tumango ang katabi ko.

Punyetaaaa..

"You two go out." Wala na akong nagawa ng halos sumigaw na ito. Sa inis ay kinaladkad ko itong katabi ko palabas. Galit na galit ko siyang tiningnan ng may pagka lakasang sinaraduhan kami ng pinto.

"Ano ba sa tingin mo ang ginagawa mo, ha?! " Medyo natakot naman ito kaya umatras.

"Sorry na, natakot ako e"

"Bakit mo'ko dinamay?" Nagkibit balikat ito.

"Trip ko lang"

P*****a talaga.

"Lumayo-layo ka, dahil baka hindi ako makapagpigil ay masuntok kita." Humalukipkip ako sa gilid ng pintuan. Napakamalas talaga, kumakalam na nga yung sikmura ko, magkaka bad record pa sa unang araw ng klase. Tumabi ito sa'kin at kinalabit ako. Hindi ko siya pinansin.

Isa pa ang Propesorang iyon. Napaka talaga..napaka ganda.

"I'm Ava Gonzalez by the way." Hindi pa rin ako umimik. Sarap talagang tadyakan.

"Ang sungit mo naman, de bale na kahit hindi ka magpakilala. Malalaman at malalaman ko rin naman." Inirapan ko ito.

"Edi ikaw na, sana pina billboard mo." Naiinis na sabi ko.

Napahawak ako sa ulo ng biglang sumakit ito. Mabilis naman akong inalalayan ni Ava ng bigla akong nahilo. Sa gutom 'to panigurado.

"Hala, okay ka lang?" Tangnang tanong iyan, mukha ba akong okay? Umiling ako ng ilang ulit.

"Okay lang ako" Nanghihinang sagot ko dito.

"Gusto mong dalhin muna kita sa clinic? Mukhang kailangan mo ng pahinga e" Hindi na ako nakasagot dahil biglang sumakit ang tiyan ko.

Pagkain ang kailangan ko..

Gusto ko mang sabihin ay hindi ko na nagawa, masyado na akong nahihilo. Hinayaan ko nalang siya ng inilagay niya ang balikat ko sa likod niya para alalayan akong maglakad. Nasa kabilang direksyon ang clinic kaya habang inaalalayan niya akong maglakad, bigla namang bumukas ang pintuan ng classroom namin.

"Ma—Ma'am" Dahil siguro sa gulat at pagkataranta, nabitawan ako ni Ava, masyado na akong nanghihina para tumayo ng tuwid.

Kaya pumikit nalang ako at hinintay ang pagbagsak ko sa malamig sa semento. Sa halip na matigas na bagay, dalawang malambot na braso ang sumalo sakin bago paman ako tuluyang masubsob sa semento.

"What the fu—Suarez?"  Dumilat pa talaga ako para makita ang mukha nito.

"Ma'am" Mahinang usal ko at ngumiti, bago ako tuluyang nilamon ng kadiliman.

—————-

Namulat ako ng makarinig ng tunog ng camera. Nag-inat pa ako at pumikit ulit habang binalot ang sarili ng kumot. Ang lambot naman dito, ang sarap matulog.

"Princess Snow White gising na, walang prinsipe dito para humalik sa'yo" Sukat doon ay agad akong nagdilat ulit ng mata at bumangon. Inagap naman agad ni Winter ang ulo ko ng may kalasakang napasandal ako sa headboard ng higaan. Nagulat kasi ako.

"Careful" Tinanguan ko lang siya at nag-pasalamat. Masama niya namang binalingan ang tatlo na humagikhik lang ng tawa. Agad kong naisip si Prof. Torres.

"Si Professor Torres nasa'n?" Taka ko silang tiningnan ng weirdo silang tumingin sa'kin.

"Famous ka na Ibon" Si Celyse.

"Famous?" Pag-uulit kong tanong.

"You slept for three hours, Professor Torres was waiting for you here for two hours." Si Ella na ang sumagot sa tanong ko kay Celyse.

Gano'n ka tagal akong nakatulog?

"Akalain mo iyon? Siya pa mismo ang nagdala sa'yo dito sa clinic, pinatawag pa kami isa-isa dito ng Assistant niya. Umalis lang siya ng nagsidatingan na kami. Wala naman siyang sinabi, pero galit na galit ang itsura nito." Wika ni Fara. Parang ayaw paniwalaan ng utak ko ang sinabi ni Ella na naghintay sa'kin ng dalawang oras si Prof. Torres.

Para saan? Hindi naman siya obligado sa nangyari sa'kin. Bigla kong naalala yung halos sumigaw na ito ng palabasin kami ni Ava kanina. She's not worried, namamalikmata lang ata ako kanina.

Siguro ginawa niya lang iyon dahil guro siya, at maraming nakakita sa'kin kanina. Mas madaling tanggapin na wala siyang choice, kumpara sa isipang nag-aalala ito sa'kin. Ang impossible lang kasi.

"Pano niya nalaman na kayo ang mga kaibigan ko?"

"Scholar ka ng parents ni Winter, malaki ang parte nila sa eskwelahang ito. Of course, she knows us Ibon. Ako, si Ella, si Fara at Winter. Yung mga parents namin, they're doing a lot of business here at V.C.U. Mabilis niya lang malaman at makilala ang lahat."

Celyse was right, pamangkin siya ng may-ari. Pero mayaman na siya, bakit pa siya nagtuturo? Bakit hindi nalang siya mag travel ng mag travel.

Pero ano bang pake ko? Saksakan sa sama ng ugali iyon e.

"Parehas na tayong walang pasok today, Yvon. Saan mo gustong kumain?" Ngumiti ako kay Fara, ito ang gusto ko sa kanya e.

"Uy, bakit si Ibon lang? Sama ako"

"Celyse may black card ka"

"Hindi naman akin iyon e"

"Kahit hindi ka bigyan ng allowance sa isang taon, marami ka paring pera"

"Mas mayaman ka naman, ilibre mo na kami lahat. Unfair naman kung si Ibon lang."

Nagbabangayan na naman sila, napailing nalang ako.

"Libre ko na kayo. Yvon, where do you want to eat?"

Natigil naman sa pagbangayan ang dalawa sa sinabi ni Winter, parang koalang umangkla agad si Celyse sa balikat nito.

"Winter, baby. Gusto ko sa Vivi's."  With paawa effect pa ito.

"Hoy! Celia, ang kapal talaga ng mukha mo, kailan pa nagkaroon ng Yvon ang pangalan mo?" Hinila ni Fara ang buhok ni Celyse at hindi naman nagpatalo ang isa. Ayun nagsapakan na.

"Someone's trying to impress"  Napatingin ako kay Ella sa sinabi niya. Ngumiti lang ito ng nakakaloko sa'kin.

"You're saying something Ella?" Pag-iling ang isinagot nito kay Winter.

"Gutom na'ko tara na." Sa halip na naging sagot nito.

Aminin ko man o hindi, may parte sa'kin na gustong maniwala na nag-aalala sa'kin ang Propesora.