Sleep with the Boss - Chapter 19

Mina was feeling jumpy by the time lunch was over. Iuuwi na siya ni Lyon sa townhouse nito. Kinakabahan na siya, hindi pa man sila napapag-isa. Natatakot siya pero nasasabik din para sa isang bagay na hindi pa niya nararanasan.

"Kuya, ihahatid ko na lang mamaya ang mga gamit ni Ate," wika ni Sam sa asawa niya. "Naka-impake na naman ang mga iyon, e."

"Salamat sa concern mo, bayaw. Pero areglado na ang tungkol sa bagay na iyan. Ipinahatid na ng manager ang mga iyon sa townhouse ko kaninang pag-alis ninyo sa hotel," pahayag ni Lyon. Inakbayan siya nito upang igiya patungo sa kotse.

"Magtataksi na lang kami, iho," wika ni Tita Cora. "May bibilhin pa kami ni Lucita sa shopping mall. Ikaw, Sam? Gusto mo bang sumabay sa amin? Idadaan ka na lang ng taksi sa hotel," aya nito sa binata.

Nagkamot muna ng ulo si Sam bago nagdesisyon. "Ate, sa kanila na ako sasabay," anito nang hindi umimik ang mag-asawa.

Tumango si Mina. Nakangiti pa rin siya kahit na nan