Chapter 40

Rafael POV

Nakatanggap ako ng tawag mula kay Mama Margarita.

“Hijo, matagal ka pa ba dyan sa Brazil? Tinawagan ka na ba ni Kyoko, today?” tanong kaagad niya.

Kasalukuyan akong nasa library ng mansion ni Mama Natalia at may inaayos na draft sa computer. Nasa construction business ang stepfather ko at bilang in-charge sa negosyo nito ay inisa-isa kong pasadahan ang mga draft na pinapa-revise ng mga client. Hindi naman lingid sa kaalaman ni Mama na isa naging daan kung bakit ako kumuha ng Civil Engineering ay dahil na-inlove ako sa European Architecture noong nagbakasyon ako sa Europe noong teenager pa lang ako. I was around fourteen that time.

Binuksan ko muna ang app kung saan tinatawagan ko si Kyoko sa kanyang laptop pero walang sumasagot sa tawag ko.

“Hindi pa nga Mama. Ang alam ko ngayon ang schedule ng ultrasound ng kambal,” saad ko. Sabihin pa ay nalulungkot ako na hindi masaksihan ang gender reveal ng kambal. Pero, kailangan kong ma-secure ang future nila at para sa akin ay mas