Chapter 4

Rafael POV

I can’t believe that it is easy for my Lolo Augustus to slap me! Tumiim ang aking bagang at napayuko ako nang muli siyang tingnan. Guilty ako sa mga pictures na pinakita niya. Pero, walang nangyari sa amin ni Fiona!

“Isipin nyo na po ang gusto ninyong isipin. Hindi ako nagtaksil sa asawa ko. Gusto lang naman humingi ng closure ni Fiona sa akin. Mahirap bang ibigay ninyo sa amin ‘yon?” paliwanag ko.

“Ikinasal ka na! Maliwanag pa sa sikat ng araw na ang lalaking kasal na ay hindi na kailangan pa makipag-break sa dati niyang karelasyon! You are not stupid, Rafael. May pinag-aralan ka pero hindi mo ginagamit sa tama ang utak mo!” pangaral ni Lolo sa akin.

Hindi ako nakaimik. Tiningnan ko si Kyoko na wala man lang reaksyon sa mga pinagtatalunan namin ni Lolo Augustus. Tumalikod na ako at hindi man lang nagpaalam kay Lolo Augustus. Makikita ng Kyoko na ito ang ginawa niyang sumbong kay Lolo.

Pumunta ako sa aking silid. Nagtaka ako bakit maraming shopping bags doon na ang mga tatak ay mga pangbabae. Tiningnan ko ang isang paper bag at underwear ang laman nito. Gusto kong matawa sa liit ng mga panty na naroon. Parang panty lang ng grade six! Kung sabagay, napakaliit nga naman ni Kyoko. 

Noong nasa Palawan kami, palagi ko siya sinusundan ng tanaw habang naliligo sa dagat suot ang kanyang one piece na swimsuit. Matay mang isipin ay hindi ako nakadama ng atraksyon sa katawan niyang wala man lang kurba.

Nang buksan ko ang aking closet ay napanganga ako na mayroon ng mga gamit doon ni Kyoko. Napapikit ako. Hindi pa ako handa sa ideya na may katabi sa pagtulog lalo na kung si Kyoko!

Lalabas na sana ako ng silid nang pumasok si Kyoko na dala ang kanyang maleta. Parang hindi lang din niya ako nakita at diretso lang siya sa pagsalansan ng kanyang mga gamit sa closet.

“Mag-usap nga tayo, bubwit!” Naiinis kong saad sabay tayo at lapit sa kanya. Dumungaw pa ako sa liit nya at hinawakan ang kanyang ulo.

“Bitawan mo nga ako, Paeng! Hindi naman ako tuta para hawakan pa ang aking ulo!” Nagpupumiglas man siya pero mas hinigpitan ko pa ang paghawak sa kanyang ulo. But, I almost ran out of breath when her knee was in my groin! Napalundag ako sa sakit. I was never hurt this way before and I swear that if I can only reach her, I will strangle her neck.

“Antigas kasi ng bungo mo Paeng! Ayan tuloy, masakit ba?” tanong ni Kyoko.

“Why you!” Hindi mo na nagawa na habulin pa ang pasaway kong asawa sa sakit ng aking pagkalala*i na sinipa niya.

 

Nagmamadali siyang lumabas ng silid namin at  ako na nagpupuyos ang damdamin.

Nang sumapit ang gabi, malamig pa rin ang pakikitungo ni Lolo Augustus sa akin. Pero, magiliw siya sa asawa ko. Maging ang aking mga magulang ay aliw na aliw sa mga kwento ni Kyoko.

“Hija, you can start preparing the Feasibility Studies I asked you. Kung nahihirapan ka sa Financial aspects, ask Sebastian next week to assist you. Dadalaw siya rito para i-check ang ledger so you better rush your FS para maisingit niya sa mga gagawin niya.”

Nakikinig lang ako sa mga sinasabi ni Lolo Augustus kay Kyoko. 

Pagkatapos kumain, nagpaalam na kaagad ako at umakyat na sa aking silid. 

Naroon na si Kyoko at nauna pa pala siya sa akin. Pinihit ko ang seradura ng banyo at bukas iyon. Dinig ko pa ang pakanta-kanta niya habang naliligo. Hindi man lang niya ako napansin kaya hinawi ko ang shower curtain habang abala siyang nagsasabon ng katawan. 

Kung may mapupuri man ako sa katawan ni Kyoko, iyon ay ang maputi niyang balat na parang labanos. Ni hindi ko man lang akong makita na dark spots sa katawan at hindi ko napansin na umitim siya kahit na parang bata siyang nagtampisaw sa dagat doon sa Palawan.

“Care to join me, hubby?” tanong ni Kyoko sa akin. Nakangiti pa siya na humarap sa akin. And I swear, I saw the cutest b*obs I’ve ever seen in my life! Napaawang ang labi ko at bago ko pa napansin, uminit ang aking pakiramdam na parang sinisilaban.

“OMG! You are having a boner, Paeng!” Humagikgik pa si Kyoko sa napansin sa katawan ko. Sa sobrang pagkapahiya ko, tumalikod na ako at lumabas ng banyo.

Tinampal ko ang aking mukha para mahimasmasan ako. NO! This can’t be! Akala ko ay hindi talaga ako maakit sa asawa ko. But seeing her naked body in the shower gave me a boner! Sa lakas ng pasumpa-sumpa kong hindi ako maaakit sa kanya ay traydor naman ang katawan ko. To top it all, nahuli pa ako ni Kyoko!

Napaigtad pa ako nang lumabas siya ng banyo. Namilog ang aking mata nang makita ang suot niyang manipis na nighties.

“Nagustuhan mo ba ang suot ko Mister? Pwede mo na ba akong bigyan ng anak?” tukso pa ni Kyoko. 

Hindi ako nakaimik at bigla akong nauuhaw. Aaminin kong kahit walang kurbada ang katawan ng asawa ko ay naakit ako. Pero, hindi pwede! Kataksilan kung pagbibigyan ko ang panunukso niya sa akin!

Lumabas ako ng silid at pumunta sa veranda para magpahangin. Pilit kong tinatanggal sa aking sistema ang alindog ng asawa ko. Dumaan na lang ang treinta minutos pero hindi ko pa rin mabura sa isipan ang itsura ng asawa ko. I feel so frustrated and an asshole for being so weak!

Tumunog ang aking cellphone. Tumatawag si Fiona at bago ko pa iyon sagutin, ngumiti ako.

“Hello, love. Kamusta ang byahe mo?” tanong ko kay Fiona.

“Okay lang. Pupuntahan kita sa opisina mo bukas ha? At least doon wala ng asungot.”

Marami pa kaming napag-usapan ni Fiona. At nagkasundo kaming magkikita sa opisina kinabukasan. 

Bumalik na ako sa silid. Tulog na ang aking asawa at dinig ko pa ang mabini niyang hilik. Nang tingnan ko ang kanyang suot ay natawa na lang ako dahil balik ito sa nakagawian niyang pajama na cartoon character at tank top na itim.

Kinabukasan nga, maaga akong pumasok sa opisina. Kaagad na sinalubong ako ng tukso ng mga kaibigan na sina Kevin at Jake.

“So, how’s married life? Na-enjoy mo ba ang katawan ng batang bata na asawa mo, Cervantes? usisa ni Kevin.

“Ul*l ka talaga, Kevin. Bakit ko naman sasabihin sa iyo ang ginawa namin?” kunwari ay sita ko sa kanya.

“Oh, c’mon dude! Nag-asawa ka lang ay hindi mo na kayang i-share ang mga intimate moments ninyo ni Kpop!” reklamo ni Jake. Sa dalawa kong kaibigan si Jake ang may crush sa asawa ko.

“Isa ka pa! Tigilan mo na kapapantasya sa asawa ko, oy!” Tinapunan ko pa si Jake ng kornik na siyang kinukukot namin habang nag-di-discuss ng susunod na project sa bandang Toril.

“Sir, Miss Ricaforte is here.” Sumungaw sa bukas na conference room si Maya, ang aking sekretarya.

Lumabas na sina Jake at Kevin pero kita ko kung paano sumeryoso ang kanilang mga mukha. Hindi rin nila binati si Fiona kahit na all smile ang bagong dating.

“Love, na-miss kita.” Kumandong kaagad si Fiona sa akin at hinalikan ako. As usual, nadala ako sa galing niyang humalik. Kung may kinabibiliban man ako sa kanya, iyon ay ang galing niya sa performance.

Hinihingal na maghiwalay ang aming mga labi.

“Lapastangan!”

Namilog ang aking mata at dali-dali akong tumayo. Hindi ko alam ang gagawin ko lalao at ayaw ni Lolo Augustus kay Fiona and yet nahuli niya kami sa isang compromising scene. Gusto kong batukan ang sarili ko lalo at hindi ko nabilinan ang aking sekretarya na ipaalam ang mga bisita sa akin.

 Lalapit na sana ako kay Lolo pero napahawak siya sa kanyang batok. Mabuti na lang at nasalo ko siya bago bumagsak sa lapag.