Kabanata 49

Alas-onse y medya nang tanghali nang magkan'ya-kan'yang takbuhan ang mga bata patungo sa kantina upang kumain nang pananghalian. Break time nila mula sa klase kabilang na si Arim.

Sa pagmamadali niya upang makasabay ang kan'yang mga kamag-aral ay hindi niya namalayan na lumuwag ang pagkakatali ng sintas ng kan'yang sapatos. Naapakan niya ito dahilan upang mapatid siya.

"Arim!" sigaw ni Chesca nang makita ang nangyari.

Mag-isang bumangon si Arim. Pinagpagan niya ang tuhod na nagkaroon ng kaunting galos. Hindi niya iyon ininda at pilit na sinintas ang sapatos. Lumuwag pa din iyon nang magsimula na siyang maglakad patungo sa kantina kung nasaan ang mga pinsan kasunod si Chesca.

"Ano'ng nangyari sa'yo?" tanong ng kan'yang Tita, nanay ni Chesca.

"Nadapa po 'yan mommy. Hindi nag-iingat," sumbong ni Chesca.

Wala ang kan'yang yaya upang umasikaso sa kan'ya. Ang kan'yang tita naman ay abala sa pag-asikaso sa kan'yang mga pinsan.

"Wow! Thank yo