Kabanata 75

Hindi lahat ng laro ay masaya, dahil kapag tadhana ang naglaro ay gagawin nitong miserable ang dapat sana'y magandang takbo ng iyong buhay.

Gulong-gulo ang isipan ni Lucas. Hindi niya mawari kung paanong dahil sa kanila ni Ginang Juana ay namatay ang ama ni Lera. 

Sinundan niya nang tingin ang papalayong kotse na sinasakyan ni Lera at ng kan'yang anak na si Arim. Gusto niyang humabol at pigilan itong umalis ngunit mas nananaig sa kan'yang isipan na makausap muna ang ina.

Mabilis siyang sumakay sa kotse. Inihatid niya na ang ina sa bahay ng kan'yang kapatid na si Alexis mula sa ospital. Wala itong bali o pasa sa balakang kagaya nang iniinda nito nang makita niya kanina.

Naabutan niya si Ginang Juana na abala sa pakikipag-usap sa mga apo. Taliwas kanina na hirap itong tumindig at makalakad nang maayos ay balik na sa normal ang pagtayo at paggalaw ng mga paa nito.

Ayaw niyang isipin na nagsisinungaling nga ang ina sa kan'ya upang magalit siya kay