47 - Kamukha

Sabado ngayon at walang pasok sila Zaji at Nika, kaya pinakiusapan ko muna sila na bantayan muna si Zacky. Wala akong planong isama siya ngayon, lalo na at alam kong nandoon si Zachary.

"Huh? Hindi mo siya isasama, Ate? Pumayag si Ate Dexie? Baka hanapin niya si Zacky." Si Nika habang naghuhugas ng pinggan. Sumulyap ito sa'kin para sa sagot sa tanong niya.

Papaalis na ako nang sabihin sa kanya na iiwan ko si Zacky. Si Zaji ay nasa loob ng bahay kasama si Zacky, umiiyak kasi at gusto raw sumama.

"Basta iiwan ko muna, bantayan niyo ng maigi. Huwag niyong paliliguin sa dagat," bilin ko sa kanya.

"Okay, Ate. Ingat ka. Kami na bahala kay Zacky," sambit nito at itinuon na ang tingin sa hugasin.

Dumeretso ako sa locker para magpalit ng uniform. Habang nagpapalit ay muli akong dinalaw nang kaba, anong gagawin ko kapag nagkita ulit kami? Ano sasabihin ko? 

&n