Ika-anim na Kabanata

Bigla kong sinampal si Maxwell dahil sa ginawa niya. Humarap naman sina Chantal at Jayce sabay tawa, pinapalo pa ni Chantal si Jayce at kita naman ang inis sa mukha ni Jayce dahil dito.

“Huwag mo ’kong mamanyakin Maxwell! Sinasabi ko sa’yo, makakatikim ka talaga sa’kin!” banta ko rito at pinakita ko pa sa kaniya ang kamao ko.

“Kalma! HAHAHA pero ano, makakatikim ako sa’yo? Ano bang ipapatikim mo sa akin? Katawan mo?” Sinipa ko ito sa paa at kitang kita ang sakit sa mga mata niya dahil sa ginawa ko.

“Bahala ka nga diyan!” Kinotongan ko pa siya bago ako tumalikod at umakyat na sa itaas.

Nagtitipa lamang ako dito sa laptop ko nang biglang pumasok si Maxwell dito sa kwarto. Manggugulo na naman siguro ito, huwag naman sana. Kumukunot na ang noo ko, kakabasa sa mga proposals ng team nang bigla kong maramdaman ang sundot mula sa demonyong Maxwell na ito.

“Ano bang problema mo? Huwag ka ngang makulit!” sigaw ko sa kaniya at tinulak siya paalis sa kama, nalaglag naman ito